ევროპული საქართველოს ბათუმის მაჟორიტარობის კანდიდატის, არმაზ ახვლედიანის თქმით, ბათუმში წარმოუდგენელი მდგომარეობაა ეკოლოგიის მხრივ, ამ დროს კი ხელისუფლებას არაფერი არ ადარდებს გარდა მისი ბიზნესის მოწყობისა და საკუთარი ხელისუფლების შენარჩუნების.
„წარმოუდგენელი უუფლებობაა! მხოლოდ წინასაარჩევნოდ ვახსენდებით! მხოლოდ წინასაარჩევნოდ სჭირდება ხელისუფლებას თქვენი ხმები! აბა, რას ჰგავს ეს – ბათუმში ააშენეს ქიმიური ტერმინალი ჩვენი მტკიცე პროტესტის მიუხედავად, იმის მიუხედავად, რომ ქალაქი ნაღმზეა, უზარმაზარი საფრთხის წინაშეა. არ ვიცით, რა წუთს აფეთქდება.
ვის აინტერესებს, ვის მოვსთხოვოთ შემდეგ პასუხი? – რიჟვაძეს, კომახიძეს თუ ივანიშვილს? ის, რომ ქალაქში წარმოუდგენელი მდგომარეობაა ეკოლოგიის მხრივ, რომ ათასგვარი ავადმყოფობა ჩნდება ამის გამო. ამ თემაზე უსაუბრია ჯერ ხელისუფლებას? მას არაფერი ადარდებს, გარდა იმისა, რომ საკუთარი ბიზნესები მოიწყოს, საკუთარი მმართველობა შეინარჩუნოს. მერე მოვლენ და და კვლავ უტიფრად გვთხოვენ ხმებს წინასაარჩევნოდ.
დავასრულოთ ეს არანორმალური პრაქტიკა – საფრთხის შემცველი ქიმიური ტერმინალი ბათუმში აღარ უნდა იყოს. ეკოლოგიაზე, გამონაბოლქვზე, დაჭუჭყიანებულ ჰაერსა და წყალზე პასუხი უნდა აგონ! ამას კი სჭირდება თქვენი ვერდიქტი 31 ოქტომბერს. მე მჯერა, რომ ეს იქნება ობიექტური ვერდიქტი რადიკალური ცვლილების, რეფორმების სასარგებლოდ.“ – განაცხადა ახვლედიანმა.
მსგავსი სტატიები:
“წარმოიდგინეთ, რომ ბიძინა რეკავს 144-ზე და საშვს ითხოვს 22 საათამდე”
მოუწევთ ცალკეულ პიროვნებებს თუ პარტიებს ჩაბარდნენ ისტორიას – ლაგაზიძე
ხვალ ოზურგეთს პრემიერ მინისტრი ეწვევა
“ვწუხვარ იმ ადამიანების გამო, ვინც ნიკა მელიას ტყვეობაში ყოფნის დროს დოკუმენტზე ხელი მოეწერა”
” ბარამიძე დღეს ერთს ამბობს, მეორე დღეს მეორეს, იმის მიხედვით, რასაც ეტყვის სააკაშვილი”
სად გააგრძელებს მუშაობას გურიის გუბერნატორის პირველი მოადგილე
“არ მიიღება ღარიბაშვილის ფარისევლური სამძიმარი და ფარისევლურად გადმოგდებული ცრემლები”
ვასაძე: “პირველ რიგში მახსენდება ელჩი კელი დეგნანი – არ გაჩუმდა და ქაჯივით ბოლომდე აწვებოდა”