ტორესა მოსიმ პარტია გირჩი დატოვა. ამის შესახებ მან ფორმულას განუცხადა.
“დავტოვე პარტია. ვწყვეტ ყველანაირ პოლიტიკურ აქტივობას და პოლიტიკურ თემებზე აღარ გავაკეთებ კომენტარს”, – განაცხადა ტორესა მოსიმ.
ტორესის მოსის განცხადებას წინ გირჩის ლიდერის Facebook-ის პოსტი უძღოდა. დღეს, 4 დეკემბერს გირჩის ლიდერმა ზურაბ ჯაფარიძემ განაცხადა, რომ ის იაგო ხვიჩიასთან, ვახო მეგრელიშვილთან და ალექსანდრე რაქვიაშვილთან პარტიულ თანამშრომლობას აღარ აპირებს.
ჯაფარიძემ თანამშრომლობის შეწყვეტის შესახებ ერთ-ერთ ფეისბუქჯგუფში, “გირჩის ბაბლში” დაწერა:
“სამწუხაროდ, ერთი მხრივ ჩემი, ხოლო მეორე მხრივ იაგოს, ვახოს და სანდროს გზები გაიყო. მე აღარ ვაპირებ მათთან ერთად გირჩის კეთებას.
ბევრი მიზეზის გამო, მაგრამ არა იაგოს განცხადების შინაარსის გამო”, – წერს ჯაფარიძე.
ჯაფარიძე ხვიჩიას Facebook პოსტს გულისხმობს, რომელშიც ხვიჩია შინაგან საქმეთა სამინისტროს წინასწარი შეცნობით არასრულწლოვანთა გამოსახულების შემცველი პორნოგრაფიის შეძენა, შენახვა, ფლობა, სარგებლობის მუხლით პირის დაკავების გამო აკრიტიკებდა.
“პორნო გადმოწერა, დაასეივა ერთხელაც გადაწყვიტა ესარგებლა და დაიჭირეს? სულ გააფრინეს“, – წერდა ხვიჩია.
ხვიჩიას პოსტს სოციალურ ქსელში მწვავე გამოხმაურება მოჰყვა.
იაგო ხვიჩიას განცხადების შემდეგ ჯაფარიძე რამდენიმე დღის განმავლობაში საკითხზე პოზიციას საჯაროდ არ აფიქსირებდა.
სხვა ადამიანების მსგავსად, გუშინ თავად ხვიჩიამაც დაწერა, რომ ჯაფარიძეს ამდენად რეზონანსულ საკითხზე პოზიცია აუცილებლად უნდა დაეფიქსირებინა.
ხვიჩიამ თქვა, რომ იმ ადამიანებს შორის, ვინც, მისი თქმით, მას ლანძღავდა, ჯაფარიძის მეგობრები და დამფინანსებლებიც იყვნენ.
გუშინ Zoomer-ში ამომრჩევლების მონაწილეობით გამართულ შეხვედრაზე, ჯაფარიძეს ხვიჩიას განცხადების შესახებ კითხვა დაუსვეს, თუ როდის შეიცვლებოდა სიტუაცია პარტიაში და როდის ექნებოდათ პარტიის სხვა ლიდერებს იაგოს “მსგავს” განცხადებებზე ადეკვატური რეაქცია.
კითხვის საპასუხოდ ჯაფარიძემ თქვა, რომ იაგოს პოზიციას არ იზიარებდა, თუმცა არა განცხადების შინაარსის გამო. მას ასევე თქვა, რომ პარტიაში რაღაცები შეიცვლებოდა.
“კი რაღაცებს შევცვლით. მე არ ვარ მაგის მომხრე, რომ რამე თემაზე ვინმემ თავი შეიკავოს. ფუნდამენტურად არასწორი მგონია, მაგრამ ფორმას გააჩნია. როდესაც ასეთ კონტრავერსიულ თემას ეხები, როგორ გადმოსცემ საკუთარ აზრს და მინიმუმ ის უნდა გაითვალისწინო, როდესაც ასე რაღაცას ზერელედ სამი წინადადებით აგდებ და ამას მოყვება აფეთქება და გინება ყველა მხრიდან, მერე რაც არ უნდა ცადო, რაღაცების ახსნა, უნდა გესმოდეს, რომ ამითი სერიოზული ზიანი მოადგა უკვე გირჩს“, – თქვა გუშინ ჯაფარიძემ.
მსგავსი სტატიები:
აინშტაინის სახლი ნიუ-იორკში და ჩარლი ჩაპლინთან დამეგობრების ისტორია
“მონობაში ნაკლები საფრთხეა და სწორედ ეს უნდა ადამიანთა უმრავლესობას: უსაფრთხოება, უპასუხისმგებლობა”
კონკურენციის გამო, ჩინურ ვაქცინაზე შეიძლება შავი პიარი მიდიოდეს
“ჩვენ სხვანაირი ბავშვობა გვქონდა,სხვისას არ ჰგავდა”
ვიდეო: ვითარება ოზურგეთის რაიონულ სასამართლოსთან და სასამართლო პროცესის მიმდინარეობა
რას წერდა ფრანგი მოგზაური და მკვლევარი ბარონი დე ბაი, რომელმაც საქართველოში XIX საუკუნის მიწურულს იმოგზაურა
ჩინური წარმოების ვაქცინებით აცრილთათვის გერმანია ამ ეტაპზე საზღვარს არ ხსნის
საქსტატის წინასწარი შეფასებით, მაისში საქართველოს ეკონომიკა 25.8%-ით გაიზარდა