ევროკომისიის ახალი ხელმძღვანელი საქართველოს ასოცირების პროცესის დაჩქარებას ითხოვს
ავტორი: გურიის მოამბე
ევროკომისიის ახალი ხელმძღვანელი საქართველოს ასოცირების პროცესის დაჩქარებას ითხოვს

ევროკომისიის ახალი ხელმძღვანელი ურსულა ფონ დერ ლეინი საქართველოს, უკრაინისა და მოლდოვის ევროკავშირში ასოცირების პროცესი დაჩქარების მოთხოვნით გამოდის. ამის შესახებ მან გაფართოების საკითხებში მომავალ ევროკომისარს, ლასლო ტროკსანისთან საუბარში განაცხადა.

ცნობისათვის, ევროკომისიის ახალი ხელმძღვანელობა, რომელიც 16 ივლისს აირჩიეს, თავისი უფლებამოსილების განხორციელებას ნოემბრიდან შეუდგება. ურსულა ფონ დერ ლეინი კი ცნობილი გერმანელი პოლიტიკოსი და გერმანიის თავდაცვის ყოფილი მინისტრია.

ასოცირების შესახებ შეთანხმება ითვალისწინებს საქართველოს ევროკავშირთან დაახლოების სამოქმედო გეგმას, რომელიც ქვეყნის პოლიტიკური, სოციალური და ეკონომიკური ცხოვრების თითქმის ყველა სფეროს მოიცავს. ის, აგრეთვე, მოიცავს ღრმა და ყოვლისმომცველი თავისუფალი ვაჭრობის სივრცის კომპონენტს და გულისხმობს ევროკავშირთან დაახლოების კონკრეტულ მექანიზმებს.

 

'.$TEXT['print'].'