გახარია: “ვპირდები, რომ ვინც არაკანონიერ დავალებებს გასცემს, მოეკითხებათ“

გიორგი გახარიამ დღეს პარტია „საქართველოსთვის“ ახალი ოფისი ჩოხატაურში გახსნა. გახარიამ ჟურნალისტების შეკითხვებსაც უპასუხა, მათ შორის საარჩევნო პროცესში ძალოვნების გამოყენებაზე და მათთვის უკანონო დავალებების მიცემაზე.

„დღეს საქართველოს სამართალდამცავ სისტემაში და პოლიციაში მუშაობს ძალიან ბევრი ღირსეული ადამიანი, რომელიც 24 საათის განმავლობაში საკუთარ ჯანმრთელობას და სიცოცხლეს რისკავს, ჩემი, თქვენი და ჩვენი ოჯახის წევრების უსაფრთხოებისთვის. რამდენიმე არაკეთილსინდისიერი, არაპროფესიონალი რომ გამოერევა, რომელიც აი ამ სულელურ დავალებებს იძლევა – ეს არ ნიშნავს, რომ ჩვენი პოლიციელის სახელი და პოლიციელის ღირსება უნდა შევლახოთ – მე ამას არასოდეს არ გავაკეთებ! ამიტომ ვამბობ, რომ არის ზეპარტიული საკითხები, რომლებზეც არანაირი მნიშვნელობა არ აქვს ეს დღევანდელი ხელისუფლებაა თუ წარსული თუ სხვა პოლიტიკური პარტიები. ჩვენი ქვეყნის ძირითადი ინსტიტუტები – პოლიცია, ჯარი, საჯარო მოხელე… საჯარო მოხელე, რომლის 24-საათიან მუშაობაზე, დღეს კოვიდპანდემიის პირობებში, დგას ჩვენი ყოველდღიური უსაფრთხოება და ჯანმრთელობა.“ – ამბობს პარტია „საქართველოსთვის“ თავმჯდომარე.

გიორგი გახარიამ ხაზი გაუსვა, რომ მისთვის მიუღებელია რიგითი პოლიციელების და ძალოვნებისთვის შეურაცხყოფის მიყენება იმ დავალებების შესრულების გამო, რომელსაც მათი ხელმძღვანელები ავალებენ.

„როგორ გგონიათ თქვენ, რომ ერთი-ორი რომ გამოერევა სულელი და რაღაც არაადეკვატურ დავალებებს რომ იძლევა – ახლა მე შეურაცხყოფას მივაყენებ რიგით პოლიციელს, საჯარო მოხელეს ან ჯარისკაცს? – არა რა თქმა უნდა! პირიქით, მადლობას ვეტყვი იმ მსახურებისთვის მათ, რომლებსაც სამწუხაროდ უხდებათ აი ასეთი დავალების მიღება და ზოგ შემთხვევაში უხდებათ ამ დავალების შესრულება – მე საერთოდ არ მწყინს ეს.“ – ამბობს გახარია

გიორგი გახარია უღირსს უწოდებს ხელისუფლების საქციელს, რომელიც სარგებლობს ქვეყანაში უმუშევრობის პრობლემით და პატიოსანი მოხელეებისთვის არაკანონიერი დავალებების თავზე მოსახვევად სამსახურიდან გაშვების მუქარას იყენებს.
„რა არის უღირსობა – როდესაც შენ იცი, რომ შენს ქვეყანაში სამსახური არის ერთ-ერთი ყველაზე დიდი აქტივი, უბრალოდ ადამიანს ოჯახი ჰყავს სარჩენი და ემუქრები სამსახურიდან გაგდებით და აპრიორი არაკანონიერ დავალებას ასრულებინებ – ეს ყველას მოეკითხება. ამას იმ რიგითებსაც ვპირდები, რომელთა ღირსებასაც ასე უნამუსოდ ლახავენ და მათაც, ვინც ასეთ არაკანონიერ დავალებებს იძლევა“ – განაცხადა გიორგი გახარიამ.

გააზიარეთ და მოიწონეთ სტატია:

მსგავსი სტატიები:

ჩხენკელი: პანდემიის მიუხედავად, განათლების ხარისხის უზრუნველყოფა მოხერხდა სტაროვერების სახლი სოფელ ნატანებში- ფოტოამბავი “აბსოლუტური პარანოია” – წულუკიანის განცხადებას ხუხაშვილი აფასებს როსარია პუგლისი კითხვაზე, როდის გახდება საქართველო ნატო-ს წევრი – როცა შესაფერისი დრო მოვა ვაქცინაციაზე საყოველთაო რეგისტრაცია შესაძლოა აპრილში დაიწყოს გვარამია-ეს სახელმწიფო არაა ნიორი – 60%-ით, კარტოფილი-59%-ით – 10 პროდუქტი, რომელიც მაისში გაიაფდა “მთელი გულით მივესალმები ანზორ მელიას ზუგდიდის მერის კანდიდატად დაყენებას…ანზორი ისე მოიქცა, როგორც ნამდვილი პატრიოტი”-მიხეილ სააკაშვილი