“კაცი რომ ხინკლით გასკდება, მერე მივა და არჩევნებს გააყალბებს”…

“როცა საზოგადოებაში გყავს ისეთი ადამიანები, ვინც ხმების გასაყალბებლად იმიტომ ირბენს, რომ საღამოს სუფრა და ოცლიტრიანი ბოცა ელოდება, მანამდე არაფერი არ ეშველება ჩვენს ქვეყანას”-აცხადებს “ლეიბორისტული” პარტიის ლიდერი, შალვა ნათელაშვილი ტვ “პირველის” ეთერში: “გარკვეული პროცენტი ჩვენი საზოგადოებისა უნდა დაადგეს ჭეშმარიტების და ზნეობის გზას..არის ჩვენთან  საზოგადოების გარკვეული ნაწილი, რომელმაც შავის და თეთრის გარჩევა არ იცის, ყველაფერს ანგარებით უყურებენ. აბა ეხლა კაცი რომ ხინკლით გასკდება და მივა და არჩევნებს გააყალბებს, კაცი, რომ იმისთვის დარბის ხმები შეუგროვოს “ქართულ ოცნებას”, რომ საღამოს პურს აჭმევენ და ოცლიტრიან ბოცას დაუდგამენ, აღარ ვამბობ სხვა უფრო ფინანასურ შეთავაზებებზე, იმისგან რა სახელმწიფო და დამოუკიდებლობასა და ღირებულებებზე უნდა ვისაუბროთ. ეს კატეგორია ბევრი არ არის, მაგრამ ხომ არის? ყველას გვყავს ასეთი მეზობლად, საახლობლოში, ქუჩაში… სულ ვფიქრობ, რატომ არ ითხოვდა დიდი ილია საქართველოს დამოუკიდებლობას? ხედავდა ბატონო ასეთ კატეგორიას მაშინაც. ამიტომ დაგვიწერა “ლუარსაბ თათქარიძე”…ეს კატეგორია, რომელიც აფუჭებდა ჩვენი შვილების მომავალს. ამიტომ, აი ამ ადამიანების გამოსწორებაზეა პირდაპირი გაგებით ჩვენი ქვეყნის ბედნიერი მომავალი, თორემ ივანიშვილებს ეს კატეგორია ყოველთვის იპოვის, კიდე მაგაზე უარესებს იპოვის, შეიძლება ივანიშვილიც მოგვენატროს, თუ ეს კატეგორია არ დაფიქრდება იმაზე, რომ დღევანდელი პური, დღევანდელი კუჭის მოთცხოვნილება არ გაცვცალონ მომავალზე, არ გაცვალონ ღირებულებებზე, რომელიც ჩვენს ერს შეუქმნია, არ გაცვალონ იმ ანგელოზ ახალგაზრდობაზე, რომელიც არის ჩვენს გვერდით და რომელიც კიდევ მოვა. არ გახდნენ რამენაირად კუჭის მონები, კარიერისა და ჯიბის მსახურნი”-განაცხადა ნათელაშვილმა.
გააზიარეთ და მოიწონეთ სტატია: