დღეს, ოზურგეთის მუნიციპალიტეტის სოფელ ნატანებში მომხდარ მკვლელობაზე “გურიის მოამბისთვის” დამატებითი დეტალები ხდება ცნობილი. ჩვენთვის მოწოდებული ინფორმაციით, მკვლელობა განსაკუთრებული სისასტიკითაა ჩადენილი.
გარდაცვლილ 55 წლის მამაკაცს, თავის არეში რამდენიმე ჭრილობა ბლაგვი საგნით აქვს მიყენებული, ათამდე ჭრილობა კი მუცლის არეში ცივი იარაღით.
მისი ცხედარი უკვე გადასვენებულია სამხარაულის ექსპერტიზის ბიუროში.
ამ დროისთვის ადგილზე ვერავინ ამბობს, თუ რა შეიძლებოდა გამხდარიყო მკვლელობის მოტივი, ან ვინ შეიძლება იყოს მკვლელი, რადგან მეზობლების განცხადებით,
საქმეს თვითმხილველი არ ჰყავს.
“კარგი კაცი იყო. აქ ერთი თვის წინ ჩამოვიდა შვილთან ერთად. ძმის სახლში ცხოვრობდა. ძმას გადაადგილების პრობლემა აქვს და როცა დილით სახლში არ გამოჩნდა მისი ძმა და ძმიშვილი, მეზობლებთან დაიწყო რეკვა, თუ სად შეიძლებოდა ყოფილიყვნენ. მერე ერთ-ერთმა მეზობელმა მკვდარი იპოვა გვერდით ოთახში. მისი შვილის ადგილსამყოფელი არ ვიცით. ის არ გვინახავს”-ყვებიან ადგილობრივები.
მომხდარზე გამოძიება შსს-ს ინფორმაციით, სისხლის სამართლის 108 მუხლით მიმდინარეობს, რაც განზრახ მკვლელობას გულისხმობს.
გააზიარეთ და მოიწონეთ სტატია:
მსგავსი სტატიები
- 89
ოზურგეთში ქალაქის ტერიტორიაზე 58 წლის მამაკაცმა თავი სანადირო თოფით მოიკლა.როგორც ახლობლები ყვებიან, მას ჯანმრთელობის პრობლემები ქონდა. როგორც "გურიის მოამბისთვის" ხდება ცნობილი, გარდაცვლილი მამაკაცი, კომპანია"ორბის" მეპატრონის მამაა. ადგილზე საპატრულო პოლიცია და ექსპერტ- კრიმინალისტები მუშაობენ. - 89
ახლახანს ოზურგეთში, სუპერმარკეტი "მოდერნი" დააყაჩაღეს. როგორც ადგილზე ამბობენ, სავარაუდოდ წაღებულია დიდი ოდენობით თანხა მოლარე-ოპერატორებისგან. ადგილზე იმყოფება საპატრულო პოლიცია. ჟურნალისტებს შიგნით არ უშვებენ. დამატებით დეტალებს "გურიის მოამბე" მოგაწვდით მიღებისთანავე. - 89
ცოტახნის წინ ოზურგეთში მომხდარი მკვლელობის შესახებ ახალი დეტალები ხდება ცნობილი. მოკლული მამაკაცი, შვილთან ერთად ზემო ნატანებში ძმის ოჯახში იმყოფებოდა სტუმრად. როგორც ადგილობრივები ყვებიან, მკვლელობა ძმის ოჯახში მოხდა. როგორც "გურიის მოამბეს" მერის წარმომადგენელმა ნატენებში, თამაზ ტუღუშმა განუცხადა, გარდაცვლილი ა. ფალავანდიშვილი, წარმოშობით ზემო ნატანებიდანაა, ისე კი თბილისში ოჯახთან ერთად ცხოვრობს. "მე როგორც… - 85
დღეს, დაბა გომისმთის აღმნიშვნელი ბანერი დააზიანეს- ამის შესახებ ინფორმაცია სოციალურ ქსელში, ფეისბუკ გვერდმა-"გომისმთა" გაავრცელა: "სამწუხარო ფაქტს აქვს ადგილი. დაბა გომისმთის აღმნიშვნელი ტრაფარეტი შეგნებულადაა დაზიანებული. მსგავსი ფაქტი აზიანებს კურორტის იერსახეს და უარყოფითად მოქმედებს დაბის დამსვენებლებსა და სტუმრებზე. გავუფრთხილდეთ გარემოს და ერთად ვიზრუნოთ კურორტის განვითარებაზე."- წერია გვერდის მიერ გავრცელებულ სტატუსში. კომენტარებიდან ისიც…