სტრასბურგში, ევროპის საბჭოს თვითმმართველობათა და რეგიონულ კონგრესში 44-ე სესია იმართება, სადაც ნაციონალური მოძრაობის დელეგაციაც იმყოფება. კერძოდ, სესიას დაესწრნენ თათია ნიკოლაშვილი და სევდია უგრეხელიძე.
სესიაზე სიტყვით გამოვიდა ენმ-ის ოზურგეთის საკრებულოს წევრი თათია ნიკოლაშვილი, სადაც მან საქართველოსა და უკრაინაში რუსეთის გენოციდზე ისაუბრა.
“რუსეთის აგრესია და გენოციდი არ არის ახალი ცივილიზებული სამყაროსთვის, უბრალოდ რიგ შემთხვევებში, ბიუროკრატები ამაზე თვალს ხუჭავდნენ და თვლიდნენ, რომ ეს მათ არ ეხებოდათ.
მე ვარ საქართველოდან, რომლის 20% ოკუპირებული აქვს პუტინის რუსეთს. მათ გადაწყვიტეს გაენადგურებინათ უკრაინა, აეღოთ კიევი და საბოლოოდ დაეპყროთ მეზობელი სახელმწიფო, თუმცა პუტინი შეცდა, მთელი მსოფლიო გაერთიანდა მისი ბოროტების წინააღმდეგ, სადაც რუსეთი აუცილებლად დამარცხდება“, – თქვა მან.
თათია ნიკოლაშვილი თავის გამოსვლაში ასევე შეეხო 7-8 მარტს საქართველოში განვითარებულ მოვლენებს, სადაც ქართველი ხალხის პროტესტმა შედეგი გამოიღო და “ქართულ ოცნებას” არ მისცა საშუალება, რომ მიეღოთ რუსული კანონი.
“ამასობაში, 7-8 მარტს მსოფლიომ იხილა თავისუფლებისთვის მებრძოლი ქართველი ხალხი, რომელიც დაუპირისპირდა რუსულ კანონს, ახალგაზრდების აქტიური ჩართულობითა და პროტესტით, რუს ოლიგარქს, ბიძინა ივანიშვილს მოუწია ამ კანონის უკან წაღება“, – თქვა ნიკოლაშვილმა.
ნიკოლაშვილმა ასევე ისაუბრა პუტინის ომის დამნაშავედ გამოცხადებაზე, სააკაშვილის ჯანმრთელობის მდგომარეობასა და მთავარი არხის გენერალური დირექოტირს, ნიკა გვარამიას პატიმრობაზე.
“პოზიტიური ცნობაა პუტინის, ომის დამნაშავედ გამოცხადება და მისასალმებელია, რომ ცივილიზებულმა სამყარომ ფაქტობრივად კრემლში გამოკეტა ტერორისტი პუტინი.
ამის პარალელურად კი, კრემლიდან მართულ ხელისუფლებასა და ივანიშვილს, მძევლად ჰყავს აყვანილი, პუტინთან მებრძოლი მთავარსარდალი – მიხეილ სააკაშვილი და მსოფლიოს დასანახად წამებით კლავს მას. არ უნდა დავუშვათ პროდასავლელი, რეფორმატორი ლიდერის მკვლელობა პუტინის საამებლად.
ასევე, ივანიშვილს პატიმრობაში ჰყავს თავისუფალი მედიის დირექტორი – ნიკა გვარამია“, – თქვა ნიკოლაშვილმა.
თათია ნიკოლაშვილმა თავისი გამოსვლა უკრაინელი ხალხის სოლიდარობით დაასრულა და მკაფიოდ აღნიშნა, რომ ამ უსამართლო ბრძოლაში ქართველი ხალხი არის უკრაინელების მხარეს და ასევე მადლობა გადაუხადა იმ ქართველ გმირებს, რომლებიც უკრაინაში წინა ფრონტზე იბრძვიან და უკრაინის თავისუფლებასთან ერთად, საქართველოს თავისუფლებასაც იცავენ.
“ქართველი ხალხი ვაგრძელებთ ბრძოლას და იმედით შევყურებთ გმირ უკრაინელ ხალხს, რომლებიც აუცილებლად გაიმარჯვებენ ბოროტებაზე. ამაყი ვარ, რომ ამ უთანასწორო ომში, უკრაინის მშვიდობის მხარეს, იბრძვიან ქართველი მებრძოლებიც და მინდა ქედი მოვიხარო ყველას წინაშე, ვინც ახლა ფრონტის ხაზზე იცავს და იბრძვის თავისუფლებისთვის. დიდება უკრაინას! დიდება საქართველოს!“, – თქვა თათია ნიკოლაშვილმა გამოსვლაში.
მსგავსი სტატიები:
“ხალხს კი უნდა მოცილება ამ მთავრობის, მაგრამ”…. გურულები მოახლოვებულ არჩევნებზე
ბუხრები აუცილებლად ცხემლის შეშით უნდა ანთებულიყო-საკალანდო რიტუალები
კონჭკათის მონასტერთან მისასვლელი გზის შეკეთებაზე ნახევარ მილიონამდე ლარი დაიხარჯება
“ჩემი დიდგორი” -დავით შარაშენიძემ საქართველოს მასშტაბით ჩატარებულ კონკურსში გაიმარჯვა
ურეკში დაკავებულების ახლობლები აქციას მართავენ
“ჩემს კოლექციას ახალი საფოსტო ბარათი შეემატა, სულ როგორც ვიცი რვა ბარათია გურულების გამოშვებული, ექვსი უკე მაქვს”-ირაკლი მახარაძე
ბახმაროში ბარდნის(ვიდეო)
გურიაში მოსახლეობის ნაწილი კვლავ დენისა და გაზის გარეშეა დარჩენილი