“სააკაშვილმა და მისმა გუნდმა უტიფრად მიიწერეს ეს გამარჯვება” – თალაკვაძე სტრასბურგის გადაწყვეტილებაზე

გუშინ, როცა საქართველომ ამ დავაში გაიმარჯვა, ჩვენი რეაქცია და კომენტარი იყო, რომ “საქართველომ გაიმარჯვა”, ხოლო მიხეილ სააკაშვილის და მისი გუნდის კომენტარი იყო, რომ “ეს არის ჩვენი გამარჯვება”, თან მეორე გამარჯვებაო. ამ ადამიანებმა, ფაქტობრივად, საკუთარ თავზე სრულიად უტიფრად და სიცრუეზე დაყრდნობით მიიწერეს ის გამარჯვება, რაც საქართველოს ეკუთვნის, – ასე უპასუხა პარლამენტის თავმჯდომარემ არჩილ თალაკაძემ ჟურნალისტების შეკითხვას, რომელიც სტრასბურგის სასამართლოს გადაწყვეტილებაზე ოპონენტების განცხადებების შეფასებას შეეხებოდა.

როგორც თალაკვაძემ აღნიშნა, მიხეილ სააკაშვილმა და მისმა თანაგუნდეებმა, თავის დროზე, ევროსაბჭოში რეზოლუციას მოაწერეს ხელი, სადაც საქართველო ომის დაწყებაშია დადანაშაულებული. მისივე თქმით, სწორედ ესაა განსხვავება “ნაციონალურ მოძრაობასა” და “ქართულ ოცნებას” შორის.

“მინდა მივულოცო საქართველოსა და ჩვენს თანამოქალაქეებს. ეს არის ისტორიული სამართლებრივი გამარჯვება. ჩვენ უკვე ხელში გვაქვს წონიანი საერთაშორისო დოკუმენტი, სადაც აღნიშნულია რუსეთის მხირდან ჩვენი ტერიტორიების ოკუპაციის შესახებ, ასევე, საქართველოს მოქალაქეების მიმართ ადამიანის უფლებების დარღვევის შესახებ, ეთნიკური წმენდის შესახებ.

რაც შეეხება ოპოზიციის სპეკულაციებს ამასთან დაკავშირებით, მე მინდა გითხრათ, რომ ჩვენი ხელისუფლება არის ის ხელისუფლება და ის პოლიტიკური გუნდი, რომელმაც 700-ზე მეტი მტკიცებულება, მათ შორის ჭურვის ნამსხვრები წარადგინა ევროსასამართლოში და სწორედ ამის შედეგად გახდა შესაძლებელი, რომ საქართველომ საერთაშორისო დონეზე თავისი სიმართლე ამ დავაში დაამტკიცა, ხოლო რაც მიხეილ სააკაშვილმა და მისმა თანაგუნდეებმა გააკეთეს არის ის, რომ მათ ხელი მოაწერეს ევროსაბჭოში რეზოლუციას, სადაც საქართველო ომის დაწყებაშია დადანაშაულებული. ეს არის განსხვავება ჩვენს შორის.

გუშინ, როცა საქართველომ ამ დავაში გაიმარჯვა, ჩვენი რეაქცია და კომენტარი იყო, რომ “საქართველომ გაიმარჯვა”, ხოლო მიხეილ სააკაშვილის და მისი გუნდის კომენტარი იყო, რომ “ეს არის ჩვენი გამარჯვება”, თან მეორე გამარჯვებაო. ამ ადამიანებმა, ფაქტობრივად, საკუთარ თავზე სრულიად უტიფრად და სიცრუეზე დაყრდნობით მიიწერეს ის გამარჯვება, რაც საქართველოს ეკუთვნის. მე არ ვიცი რომელია სააკაშვილის მეორე გამარჯვება, რადგან ეს პირველად დაასახელა, მაგრამ მე მახსოვს მისი პირველი, მეორე და დაახლოებით 30 დამარცხება, როგორც ადამიანის უფლებების, მედიის, თავისუფალი არჩევნების ჩატარების კუთხით. ეს არის მცდელობა მათ მხარდაჭერებს მიყიდონ მომავლის იმედი. ჩვენ გვაგრძელებთ ყველა საერთაშორისო ფორმატში მუშაობას, რომ ვაიძულოთ რუსეთის ფედერაცია დატოვოს ჩვენი ოკუპირებული ტერიტორიები”, – აღნიშნა არჩილ თალაკვაძემ.

ცნობისთვის, საქართველოს მესამე პრეზიდენტის მიხეილ სააკაშვილის განცხადებით, სტრასბურგის სასამართლოს გადაწყვეტილება, ისტორიული გამარჯვებაა საქართველოსთვის, სადაც საქართველო არის ცამდე მართალი და აგრესიის მსხვერპლი. სააკაშვილის თქმით, მიუხედავად ივანიშვილის და მისი პატრონების მცდელობისა მოსკოვიდან, რომ საქართველო გამოეყვანათ ომის დამწყებად, ოკუპანტად და დამნაშავედ – ეს ჩაუფლავდათ. მისივე თქმით, მიხეილ სააკაშვილის აზრით, ეს „მისი მთავრობის მეორე გამარჯვებაა“.

შეგახსენებთ, რომ 2008 წლის ომის საქმეზე სტრასბურგის სასამართლომ გადაწყვეტილება გამოაცხადა. ადამიანის უფლებათა ევროპული სასამართლო დაეთანხმა საქართველოს მოთხოვნას, რომ რუსეთმა 2008 წლის აგვისტოს ომის დროს ადამიანის უფლებათა ევროპული კონვენციის არაერთი მუხლი დაარღვია.

გააზიარეთ და მოიწონეთ სტატია:

მსგავსი სტატიები

  • 95
    "სულ რომ შუშის კოლბაში ჩაჯდეს, მაინც უამრავი "საცეცი" რჩება""ნაციონალური მოძრაობის" ერთ-ერთი ლიდერის - თინათინ ბოკუჩავა თქმით, ბიძინა ივანიშვილის წასვლის მიზეზიცა და მიზანიც პასუხისმგებლობისგან თავის არიდებაა, თუმცა ის ქართულ პოლიტიკურ ცხოვრებაში მაინც უამრავ "საცეცს" ტოვებს. ყველაზე მძლავრ მოთამაშედ კი ბოკუჩავა კვლავაც "ნაციონალურ მოძრაობას" მიიჩნევს: - ივანიშვილის წასვლის მიზეზიცა და მიზანიც პასუხისმგებლობის თავიდან არიდების მცდელობაა. სხვა არა ერთი მიზეზიც არსებობს,…
    Tags: და, რომ, ეს, ის, არის, მთავარი, თემა, ახალი, ამბები, პოლიტიკა
  • 95
    "იქ სადაც მორალის ნატამალი არ არის, პატრონი მოუკვდა პოლიტიკას"-მირცხულავაექსპერტი და თეოლოგი, გოჩა მირცხულავა  გავრცელებულ აუდიოჩანაწერზე სოციალურ  ქსელში წერს: "მოდით, ასეც შევხედოთ საკითხს - ჩვენ ყველანი აღმოვჩენილვართ საკუთარი შვილების კაპრიზის წინაშე, თუნდაც ელემენტარულ საკითხში. რას ვაკეთებთ ამ დროს, მით უფრო თუ ვიცით, რომ ეს კაპრიზი პირველ რიგში მიათთვის არის დამაზიანებელი? ვცდილობთ დავარწმუნოთ, ავიუხსნათ რომ "ეს არ არის კარგი, საზიანობა".…
    Tags: და, არის, რომ, ეს, ამ, მთავარი, თემა, ახალი, ამბები, პოლიტიკა
  • 95
    ბოკერია: 15 მაისამდე უამრავი სპონტანური აქცია შეიძლება იყოსმნიშვნელოვანია, ჩვენთვის ევროპული საქართველოსთვის და რამდენადაც ვიცით, ყველა პოლიტიკური ძალისთვის, დემოკრატიულ ოპოზიციაში, რეგიონებში შეხვედრები და აქციები. უამრავი სპონტანური აქცია შეიძლება იყოს იქამდე, მათ შორის, თბილისშიც არ არის გამორიცხული. მაგრამ, შემაჯამებელი აქცია იქნება 15 მაისს თბილისში. ეს ძალიან მნიშვნელოვანია. ჩვენ ვხედავთ ვითარებას, როდესაც ამ ეტაპზე, სამწუხაროდ, ჩვენი ქვეყნისთვის ივანიშვილის რეჟიმი არ ექვემდებარება…
    Tags: და, ეს, ამ, საქართველოს, არის, მთავარი, თემა, ახალი, ამბები, პოლიტიკა
  • 95
    "წერეთელი-ეს ავაზაკი და თაღლითი იგინებოდა ნონა იმნაძე უნდა მოვხსნაო"-რა ხდება ლანჩხუთში?"ეს წერეთელი, ეს თაღლითი კაცი, ნონა იმნაძეს მოვხსნიო იმუქრება და იქ თეატრში, სხვების თანდასწრებით მაგინებდა თურმე... ეს უზრდელი, რომ კითხო გენიოსია და ყველაფერი იცის. ფულის კეთება იცის როგორც ჩანს მარტო"-გვიყვება ლანჩხუთის მხარეთმცოდნეობის მუზეუმის გამგე, ნონა იმნაძე კულტურის გაერთიანების ხელმძღვანელ, დავით წერეთელზე, რომელსაც აღნიშნულ დაწესებულებაში დანიშვნის დღიდან არა ერთი უკმაყოფილო და…
    Tags: და, ეს, რომ, მთავარი, თემა, ახალი, ამბები, პოლიტიკა