The Guardian: რუსეთმა 2008 წელს საქართველოში დანაშაული ჩაიდინა

ბრიტანული გამოცემა The Guardian სტრასბურგის ადამიანის უფლებათა სასამართლოს მიერ 21 იანვარს მიღებულ გადაწყვეტილებას  სტატიას უძღვნის. სტატიის სათაურია „მოსკოვი პასუხისმგებელია 2008 წელს საქართველოში მშვიდობიანი ადამიანების მკვლელობაზე, ძარცვაზე და საცხოვრებელი სახლების განადგურებაზე“.

„სასამართლომ კრემლი დამნაშავედ ცნო ეთნიკური ქართველების დაკავების და მათ მიმართ არაადამიანურ მოპყრობაში. ეს ქართველი სამხედროების წამებას ეხება და ქართველების განდევნას საკუთრი სახლებიდან“ – წერს The Guardian.

გამოცემა ასევე წერს, რომ საერთაშორისო თანამეგობრობის მხრიდან ურთიერთბრალდებების ფონზე სასამართლომ სამხედრო დანაშაულის და ადამიანის უფლებათა სისტემური დარღვევის ფაქტები ვერ გამოიძია.

ადვოკატი ბენ ემერსონი, რომელიც სასამართლოში საქართველოს წარმოადგენდა, ამბობს, რომ ამ გადაწყვეტილების გამოცხადება ჯო ბაიდენის ინაუგურაციის მომდევნო დღეს შემთხვევითობა არ არის. ის ვარაუდობს, რომ ჯო ბაიდენი ვლადიმერ პუტინის მიმართ უფრო ხისტ პოზიციას დაიკავებს, ვიდრე დონალდ ტრამპი.

„რამდენიმეწლიანი დაყოვნების შემდეგ სასამართლომ, საბოლოოდ, რუსეთის მიერ ადამიანის უფლებების დარღვევის ფაქტების მიმართ ხისტი პოზიცია დაიჭირა“ – აცხადებს ემერსონი.

The Guardian ვარაუდობს. რომ კრემლის პასუხი საკმაოდ აგრესიული იქნება. „რუსეთის ხელისუფლება სასამართლოს მიკერძოებულობასა და პოლიტიზირებაში ადანაშაულებს. მოსკოვი კონფლიქტის გაჩაღებაში სააკაშვილს ადანაშაულებდა, ხოლო რუსეთის როლი, მათი თქმით, სამშვიდობო იყო“ – წერია სტატიაში. სტატიის ავტორი არ გამორიცხავს, რომ რუსეთმა, რომელიც ადამიანის უფლებათა ევროპული სასამართლოდან გასვლას ადრეც გეგმავდა, ახლა ეს ნაბიჯი გადადგას.

The Guardian წერს, რომ 2008 წლის 12 აგვისტოს გორის ცენტრალურ მოედანზე „ისკანდერის“ ტიპის რაკეტა აფეთქდა, რასაც 12 ადამიანი ემსხვერპლა. მათ შორის ჰოლანდიელი ჟურნალისტი სტან სტორიმანსი იყო. აფეთქების კვალი და ჟურნალისტის სხეულიდან ამოღებული ნამსხვრევები მიუთითებს, რომ რაკეტა რუსული იყო.

ამასთანავე რუსი სამხედროები გორზე სარაკეტო იერიშის ფაქტს უარყოფდნენ და აცხადებდნენ, რომ თბილისმა საკუთრი მოსახლეობა დაბომბა, რათა შემდეგ ამაში მოსკოვი დაედანაშაულებინა.

ცნობისთვის, 21 იანვარს მიღებული გადაწყვეტილების მიხედვით, სტრასბურგის სასამართლომ დაადასტურა, რომ აფხაზეთი და ცხინვალი არის საქართველოს განუყოფელი ნაწილი, რომელიც ოკუპირებულია რუსეთის მიერ. ამასთან ერთად სასამართლომ დაადგინა, რომ 2008 წლის ომის დროს რუსეთმა განახორციელა ქართველების ეთნიკური წმენდა.

 

გააზიარეთ და მოიწონეთ სტატია:

მსგავსი სტატიები

  • 96
    "სახელმწიფო არსებობს იმისთვის, რომ ცხოვრება სამოთხედ გვიქციოს და არა ჯოჯოხეთად"გვეუბნებიან, რომ თვითმკვლელობა ყველაზე დიდი ცოდვაა და ამის ჩამდენი ჯოჯოხეთისთვისაა განწირული. თავად ჯოჯოხეთზე კანონიკური ტექსტების, მდუღარე კუპრისა და კბილთა ღრჭენის გარდა, გენიალური შემოქმედების მიერ აღწერილი მხატვრული ტილოები, ფრესკები და ლიტერატურული ნაწარმოებები გვახსენდება, სადაც სხვადასხვა ენით გადმოცემული მთავარი სათქმელი გვეუბნება - ესაა სივრცე, სადაც ადამიანურობისა და სიყვარულის ადგილი არ არის. ჯოჯოხეთი იმიტომაა ჯოჯოხეთი, რომ ის სიყვარულისა და თანაგრძნობისგანაა დაცლილი. გოგონა საქართველოში…
    Tags: და, რომ, მთავარი, თემა, ახალი, ამბები, პოლიტიკა
  • 96
    ცხრა აპრილის ქვეყანა  რა მივუტანეთ 9 აპრილს? დიახ, დიახ - რა მოგვიტანა კი არა, რას ელის ჩვენგან 9 აპრილი პარლამენტის წინ მდგარ მონუმენტთნ ყვავილების თაიგულისა და დანთებული სანთლის გარდა? ვიცით, რომ თარიღს თავისთავად არანაირი მნიშვნელობა და ღირებულება არ აქვს. ის ძვირფასი ხდება ჩვენთვის იმ დღეს მომხდარ მოვლენასთან თუ მოქმედ პირებთან ემოციური და…
    Tags: და, რომ, მთავარი, თემა, ახალი, ამბები, პოლიტიკა
  • 95
    "სრული კრეტინიზმია რაღაც კონკრეტული ჩიპის მოთხოვნა და რაღაც კონვერტის"მთავარი არხის გენერალური დირექტორი ნიკა გვარამია ტვ პირველის  საკითხს  ეხმიანება და ამბობს, რომ  პროკურატურის მოთხოვნას TV Pirveli • ტელეკომპანია პირველი მიმართ, აღარ ქვია აღარც პროკურატურის და აღარც მოთხვნა  და სრული კრეტინიზმია რაღაც კონკრეტული ჩიპის მოთხოვნა და რაღაც კონვერტის.  "პროკურატურის მოთხოვნას TV Pirveli • ტელეკომპანია პირველი მიმართ, აღარ ქვია აღარც პროკურატურის…
    Tags: და, მთავარი, თემა, ახალი, ამბები, პოლიტიკა
  • 95
    "სტრასბურგში საჩივარი შევიტანეთ 2009 წელს "- ადამიანები ვინც ამ გადაწყვეტილების მისაღებად იბრძოლაიუსტიციის მინისტრის ყოფილი პირველი მოადგილე, თინა ბურჯალიანი, სოციალურ ქსელში, რამდენიმე დღის წინ, წერდა: “21 იანვარს, თითქმის 13 წლიანი პროცესის შემდეგ, ევროსასამართლო გამოაცხადებს გადაწყვეტილებას 2008 წლის ომის საქმეზე (საქართველო რუსეთის წინააღმდეგ II). ეს საქმე 2008 წლის 11 აგვისტოს დავიწყეთ რუსეთისათვის დროებითი ზომების დაკისრების მოთხოვნით. სრული საჩივარი შევიტანეთ 2009 წლის 6 თებერვალს.…
    Tags: და, მთავარი, თემა, ახალი, ამბები, პოლიტიკა