ვინ რჩება ოლიგარქის ოჯახში მემკვიდრეობის გარეშე

პოლიტიკური ანდერძის დაწერის შემდეგ ქვეყნის არაფორმალური მმართველი ცხოვრების მთავარი ანდერძის დაწერას იწყებს. პოლიტიკიდან მოულოდნელად წასული ბიძინა ივანიშვილს ახლა კიდევ ერთ გადაწყვეტილება აქვს მისაღები. საქმე ამჯერად მისთვის ყველაზე მთავარს, ქონებას ეხება. “შაბათის მთავარისთვის” ცნობილი ხდება, რომ ოლიგარქს ახალი ანდერძის წერა უკვე დაწყებული აქვს, მთავარი კი წინ არის. მოგიყვებით ივანიშვილების ოჯახში ვის ემუქრება მემკვიდრეობის გარეშე  დარჩენა.

სანამ ბიძინა ივანიშვილი გადაწყვეტს რომელ შვილს რა ქონებას დაუტოვებს, “მთავარი არხის” ექსკლუზიური ინფორმაციით, საფრანგეთიდან საქართველოში საგანგებოდ ჩამოდის მილიარდელის უფროსი ვაჟი, უტა ივანიშვილი. ოლიგარქის პირველი შვილი წლებია პარიზში ცხოვრობს და ოჯახს იშვიათად სტუმრობს. ბოლოს ის საქართველოში გაზაფხულზე პანდემიის დროს იმყოფებოდა. მაშინ, უტა ივანიშვილი ქვეყანაში კარანტინის გვერდის ავლით შემოვიდა, თუმცა, შესაბამისი უწყებები მისით არც კი  დაინტერესებულან. ახლა კი, როცა ოჯახში მემკვიდრეობის გადანაწილება დაიწყო, აუცილებელი გახდა მისი საქართველოში ხელმეორედ  ჩამოსვლა.

ბიძინა ივანიშვილის მშობლიური სახლი, საჩხერის რაიონ სოფელ ჭორვილაში მის უმცროს შვილს, ბერა ივანიშვილს ეკუთვნის.17 ჰექტარზე გაშენებული უზარმაზარი მამულები, სათბურებითა და სხვადასხვა ჯიშის მცენარეების პლანტაციებით გაწყობილი, ვერტმფრენის დასაჯდომი ორი ბილიკი, ერთი ეზოში მეორე კი სახლის თავზე. კალათბურთის სტადიონი, სტუმრების სახლი, ორანჟერეა. ივანიშვილების ეზოსია მოქცეული სოფლის ეკლესიაც და ისტორიული ძეგლი – ჭორვილის ციხე კოშკიც. ბიძინა ივანიშვილი მშობლიურ სოფელს ხშირად სტუმრობს, მის ჩასვლას ადგილობრივები სოფლის თავზე ვერტმფრენის გადაფრენით იგებენ. ბიძინა ივანიშვილის სოფელში “მთავარი არხის” გამოჩენას არავინ ელოდა, ჩვენს გადაადგილებას ჭორვილაში ივანიშვილების დაცვის წევრები და სუს-ის თანამშრომლები აკონტროლებდნენ.
“შაბათის მთავარის” გამოჩენისთანავე ადგილობრივები მკაცრად გააფრთხილეს, რომ ეზოს გარეთ თუ გამოვიდოდნენ პრობლემები შეექმნებოდათ.

ჭორვილის შემდეგ ბიძინა ივანიშვილს ვაჟს, ბერა ივანიშვილს ეკუთვნის შეკვეთილში, 55 ჰექტარი მიწის ფართობიც. სასტუმრო პარაგრაფი, დენდროლოგიური პარკი, ხელოვნური ტბები და სხვა დანარჩენი სივრცე ოლიგარქის უმცროსი ვაჟის სახელზეა გაფორმებული. სიმწვანეში ჩაფლულ ზღვის სანაპიროს ივანიშვილები ხშირად სტუმრობენ.

2019 წელს ყველაზე დიდი სახელმწიფო ქონება ბიძინა ივანიშვილმა აბასთუმანში იყიდა. ყოფილი ტუბდისპანსერის საავადმყოფო და მის გარშემო არსებული მიწა, რომლის საერთო ფართობიც 23,585 კვადრატულ მეტრია დღეს სწორედ ბიძინა ივანიშვილის საკუთრებაა. ადამიანებისთვის სასიცოცხლოდ მნიშვნელოვან ობიექტზე დღეს მილიარდერი მორიგ ბიზნეს გეგმას ახორციელებს. ოლიგარქის ქონებებიდან სწორედ აბასთუმანია ერთადერთი, რომელიც ბიძინა ივანიშვილის სახელზეა. აბასთუმნის მოსახლეობისთვის უკვე დიდი ხანია ცნობილია, რომ დაბას ერთი მფლობელი ჰყავს და ეს ბიძინა ივანიშვილია.

ბიძინა ივანიშვილის ყოფილი თანაგუნდელები დარწმუმებულები არიან, რომ მას ახლა ყველაზე მეტად მილიარდების დაკარგვის ეშინია, ამიტომაც გადაწყვიტა ქონება ოჯახის წევრებსა და ახლო გარემოცვაზე გადააფორმოს. მილიარდელის ყოფილი თანამოაზრეები ამბობენ, რომ ქველმოქმედების სახელით გადაცემული კომპანიების უკან, კვლავ ბიძინა ივანიშვილი დგას. ქველმოქმედის სახელის მოხვეჭა თუ  მორიგი ტრიუკი – ის, რომ პოლიტიკიდან მოულოდნელად წასული “ოცნების” მეთაურის მთავარი საფიქრალი დღეს ქონების გადამალვაა ეჭვი “ოცნების” პარტიის ყოფილ წევრებს არ ეპარებათ.

ვის დარჩება “ქართული ოცნების” შავი სალარო, რომელსაც წლების განმავლობაში ბიძინა ივანიშვილის დეიდაშვილი უჩა მამაცაშვილი მართავდა, ახლა ეს  მთავარი კითხვაა. “შაბათის მთავარის” ინფორმაციით, მილიარდელის ნდობით აღჭურვილი დეიდაშვილი ბიძინა ივანიშვილს აღარ ელაპარაკება და ცოტა ხნის წინ ჯერ მოსკოვში გაემგზავრა, საბოლოოდ კი, საცხოვრებლად სავარაუდოდ ლონდონში წავა.

ჟუტრნალისტ-გამომძიებლები, რომლებმაც “ოცნების” შავი სალაროს წარმომავლობა კარგად იციან, დარწმუნებულები არიან, რომ პოლიტიკიდან წასული ბიძინა ივანიშვილი უჩა მამაცაშვილის მოვალეობას დის შვილს, კახა კობიაშვილს ან კიდევ ერთ ნათესავს შმაგი კობახიძეს ჩააბარებს.

ივანიშვილების ოჯახში ვის რა მემკვიდრეობა შეხვდება  ან  ვინ რა ქონების გარეშე დარჩება  ეს ახლა მხოლოდ ბიძინა ივანიშვილმა იცის. როგორც ჩანს ივანიშვილების ოჯახში დრამა გრძელდება, რადგან გასაყოფი კიდევ ბევრია

გააზიარეთ და მოიწონეთ სტატია:

მსგავსი სტატიები

  • 95
    "ერთადერთი კითხვა მაქვს ბიძინა ივანიშვილთან" - მირცხულავაანალიტიკოსი, გოჩა მირცხულავა ბიძინა ივანიშვილის მეორედ წასვლასთან დაკავშირებით მიღებულ გადაწყვეტილებას ეხმაურება და რამდენიმე კითხვას სვამს, მათ შორის თავად ივანიშვილის მისამართით: "ერთად-ერთი კითხვა მაქვს ბიძინა ივანიშვილთან: რა სარეგებელს ნახულობს რუსეთი მისი წასვლით? და ერთი კითხვა ქართველ და არამხოლოდ ქართველ ექსპერტებთან - ანალიტიკოსებთან: რა სარგებელი მისცა ივანიშვილმა მისი წასვლით დასავლეთს და რა…
    Tags: და, ახლა, ბიძინა, ივანიშვილის, საზოგადოება, მთავარი, თემა, ახალი, ამბები, პოლიტიკა
  • 95
    "ეს ოკუპანტის "მეოცნებე", "პოზორნი" ხელისუფლება უკომპრომისო თანმიმდევრული ბრძოლით შეიძლება "გაისტუმრო""დიახ უმაგრესი და სამართლიანი რეაქცია გვქონდა პუტინის "პროპაგანდისტის", ქართული მთლიანი სახელმწიფოს წინააღმდეგ ანტისახელმწიფოებრივი განცხადებების ავტორის მიმართ, რომელიც კომენდანტის საათის დარღვევით გაღატაკებულ , "გამომწყვდეულ" საქართველოში 50 კაცით ,საგრიალოდ ჩამოფრინდა და ჩვენ არ დავხვდით ხელგაშლილები , როგორც ყოველთვის და ელარჯი” არ ვაჭამეთ, არც ვიღაც მასპინძელ "პევიჩკას" შეარგეს ვაჟკაცებმა და პატრიოტმა ადამიანებმა ,დაგეგმილი…
    Tags: და, რომ, საზოგადოება, მთავარი, თემა, ახალი, ამბები, პოლიტიკა
  • 95
    ქებათა ქება ოლიგარქს-"ოცნების" წევრთა გამორჩეული შეფასებებიქებათა ქებათა ოლიგარქს-ივანიშვილის ალტერნატიული რეალობა. "ოცნების" ხელისუფლების წარმომადგენლები, რომ ბიძინა ივანიშვილის ქებასა და მისთვის ხოტბის შესხმაში ერთმანეთს ტოლს არ უდებენ, ეს არ ახალი თემაა და უკვე რვა წელია მის შესაფასებლად ქართველ ერს რა ეპითეტები აღარ მოუსმენია, თუმცა არსებობს ისეთებიც, რომლებიც თამამად შეგვიძლია საუკეთესოთა შორის საუკეთესოდ ვაღიაროთ. გთავაზობთ ყველაზე გამორჩულ ქებათა…
    Tags: და, ბიძინა, ივანიშვილი, რომ, საზოგადოება, მთავარი, თემა, ახალი, ამბები, პოლიტიკა
  • 95
    მარტო არ ხართ თავისუფლებისთვის ბრძოლაში - ამერიკელი სასულიერო პირების წერილი ქართველებსმშვიდობის კათედრალმა, რომლის წინამძღვარი ეპისკოპოსი მალხაზ სონღულაშვილია, ამერიკის შეერთებული შტატებიდან მიიღო ინტერრელიგიური მოღვაწეების წერილი, რომელიც საქართველოში მიმდინარე პოლიტიკურ ვითარებას ეხმიანება. წერილს გთავაზობთ უცვლელად: "მშვიდობა და კეთილი სურვილები ყველას, ვინც ამ წერილს კითხულობთ. როგორც გლობალური თემის წევრები და მორალური ლიდერები, გწერთ, რომ გამოვხატოთ ჩვენი მხარდაჭერა და სოლიდარობა საქართველოს  მოქალაქეებისადმი, რომლებიც ახლა დემოკრატიისა და…
    Tags: და, რომ, საზოგადოება, მთავარი, თემა, ახალი, ამბები, პოლიტიკა