“საერთოდ პანდემიისას განხორციელებული ზომების გამო ხელისუფლების კრიტიკას ვერიდები. ჯერ ერთი არ მიმაჩნია საკუთარი თავი კომპეტენტურად ამ საქმეში, გარდა ამისა, მესმის, რომ ობიექტურად რთული მდგომარეობაა და ამ ვითარებაში ნებისმიერი ქვეყნის ნებისმიერმა ხელისუფლებამ შეიძლება დაუშვას შეცდომები, მაგრამ არ შემიძლია არ ვთქვა, რომ საზოგადოებრივი ტრანსპორტის აკრძალვის ამდენ ხანს გაჭიმვა სრულიად ელემენტარული მავნებლობაა”.
ამის შესახებ დავით ზურაბიშვილი სოციალურ ქსელში Facebook წერს:
“მიზეზი ამგვარი აკრძალვისა თითქოს არის ის, რომ შეამციროს მოსახლეობის მობილობა და გადააადგილება, მაგრამ რეალურად აქ მოქმედებს სულ სხვა ფაქტორები, კერძოდ:
ა) საზოგადოებრივი ტრანსპორტით ძირითადად გადაადგილდებიან საშუალო და საშუალოზე დაბალი შემოსავლის მქონე მოქალაქეები. ამ ფენას კი ხელისუფლებაში, მოლების მეპატრონეებისგან განსხვაავებით, არ ჰყავს ლობი, ანუ ხელისუფლებას არავინ აწუხებს ამ ფენის ინტერესების გამო. შესაბამისად, იქაც არ ენაღვლებათ.
ბ) საზოგადოებრივ ტრანსპორტში სოციალური დისტანციის დაცვას ჭირდება სერიოზული კონტროლი და ხელისუფლებაში ეზარებათ ამის ორგანიზება და შესაბამისი რესურსის მოძიება. თუ ასი ათასი მომიტინგე არ დგას ქუჩაში, რატომ უნდა შეიწუხონ თავი? აკრძალვა ბევრად მარტივი გზაა.
გ) თვითონ არ აწუხებთ ეს პრობლემა, რადგან მშვენივრად მოძრაობენ საკუთარი თუ სამსახურის მანქანებით.
ამიტომაც დაიჩაგრა საზოგადოებრივი ტრანსპორტი ყველაზე მეტად. უფრო სწორად, ჩვენ დავიჩაგრეთ, ამ ტრანსპორტით ვინც ვსარგებლობთ.
საქართველოს მთავრობა, ნორმალურია ვითომ ეს? სანამ მართლა ასი ათასი გადარეული მოქალაქე არ გამოგივარდებათ, მანამდე არ უნდა შეიბერტყოთ ყური?” – წერს დავით ზურაბიშვილი.
მსგავსი სტატიები:
“დაუნახავი უნდა იყო კაცი ბიძინას სიკეთე არ დაინახო”
“კობახიძე, როგორც მმართველი პარტიის თავმჯდომარე არის აბსურდი”- ხუხაშვილი
“ან გახსნან ყველაფერი, ან საერთოდ წავიდნენ ხელისუფლებიდან”
სააკაშვილმა ჭერი აარღვია- გვარამია ყოფილი პრეზიდენტის ბოლო მიმართვას ეხმაურება
“თუ ვინმეს ძელზე გაკვრა გინდათ, ერთადერთი ადრესატი “ქართული ოცნებაა”
“გინდათ ხალხს ევასებოდეთ? მაშინ…”- ნანუკა ჟორჟოლიანი “ოცნებას”
“პოლიციას ნუ ლანძღავთ, ეგენი დაიჭერენ ღარიბაშვილს” – გია ხუხაშვილ
ლალი მოროშკინა ბერას მაგინებლებს: მე უარესს გიზამთ