“ქართული ოცნება” მოძალადე ხელისუფლებაა, ოღონდ ამოფარებულია რიგით მოქალაქეებს – ამის შესახებ ოპოზიციონერმა დეპუტატმა, თამარ კორძაიამ განაცხადა.
“ქართული ოცნება“ მოქალაქეებს აპირისპირებს ერთმანეთს და განსაკუთრებით ბოლო პერიოდში, ის გადის სამოქალაქო დაპირისპირების ზღვარზე.
„ქართული ოცნება“ მზად არის, რომ ქვეყანაში დაიწყოს სამოქალაქო დაპირისპირება და ერთ-ერთ მომენტში ის ვერ გააკონტროლებს მის მხარდამჭერებს. ეს ძალადობა მისგანაა ლეგიტიმირებული. მოძალადეებს გამოუშვებს, მერე ეუბნება გაჩერდით, რაღაც მომენტში ვერ გააკონტროლებს იმიტომ, რომ გასცდა ეს ძალადობა მხოლოდ ცნობადი სახეების მიმართ ძალადობას.
„ნაციონალური მოძრაობის“ სამეურნეო საქმეების უფროსი ასე სასტიკად სცემეს. ვის უშლიდა ხელს? ცნობადი სახე იყო, ტელევიზორში გამოდიოდა, რამეს ლაპარაკობდა თუ რა? „ქართული ოცნება“ გაცილებით უფრო მეტ რისკზე მიდის ქვეყნის გახლეჩის თვალსაზრისით.
პოლიტიკოსები რას აკეთებენ პარლამენტში?! ისინი პოლიტიკური სიტყვის თავისუფლებით შებურვით აქეზებენ ძალადობას. მაგრამ როდესაც მათ მიმართ გამოიყენება პოლიტიკური სიტყვის გამოხატვის თავისუფლება, მაგალითად, „რუსები“, „რუსული წესები“, ეს იმდენად არ მოსწონთ, რომ მზად არიან ისეთი აბსურდული წინადადებები შემოიტანონ, რომ აიკრძალოს ოპოზიციისთვის სიტყვა რუსების გამოყენება. წარმოიდგინეთ, ჩემი კოლეგაა, პარლამენტში ზის, მანდატი აქვს და ამას სესიაზე ლაპარაკობს, ეს ხომ იმას ნიშნავს მისი დამოკიდებულება როგორია, ამას ახმოვანებს“, – განაცხადა თამარ კორძაიამ გადაცემა “პოლიტიკურ სივრცეში“.
მსგავსი სტატიები:
ზოტიყელი, ჩოხატაურის მუნიციპალიტეტი- ფოტოამბავი
მეუფე პეტრე მეუფე სტეფანეს ბრალდებებზე: “მზად ვარ ჩავიტარო დნმ-ის ანალიზი”
გეგეჭკორი: ბოლო წელიწადნახევარია, დაახლოებით კიმივით გამოვიყურებით ექიმები, ოღონდ თეთრ-ცისფერ-მწვანე სქრაბ-ხალათში
ბოლო 24 საათში კოვიდისგან კიდევ 70 ადამიანი გარდაიცვალა
გაძვირებული ტრანსპორტი – “საოცნებო” საქართველო და შეუსრულებელი დაპირებები
Brent-ის ტიპის საწვავის ღირებულებამ 122 დოლარს გადააჭარბა
ივანიშვილის ბრძანება, თუ დაპირისპირება რიჟვაძესთან – რატომ დაიჭირეს ოზთურქი?
„ველოდები პეტიციას, რომლის მიხედვითაც ამეკრძალება წერა“ – გიორგი კეკელიძე