“„ქართულ ოცნებას“ გარკვეულ ოპოზიციონერებთან საუბრის მცდელობა აქვს”

„სტრატეგია აღმაშენებლის“ ერთ-ერთმა ლიდერმა თაკო ჩარკვიანმა „პალიტრანიუსის“ გადაცემა „დღის ნიუსრუმში“ განაცხადა, რომ  „ქართულ ოცნებას“ გარკვეულ ოპოზიციონერებთან საუბრის მცდელობა აქვს.

მისივე განმარტებით, თუ ის ზოგადად რაიმე ინფორმაციას არ ასაჯაროვებს, ეს იმით არის განპირობებული, რომ მიმდინარე პროცესს ზიანი არ მიაყენოს.

„ქართულ ოცნებას“ აქვს მცდელობები გარკვეულ ადამიანებთან და ხომ გამოჩნდა არა ?! მე მიჭირს ხოლმე ის რაღაც 3-4 დღე, როდესაც მწვავე განცხადებას გავაკეთებ, ამიტომ, ჩემს ცხოვრებაში არ არსებობს ეტაპი, რომ პირდაპირ ეთერში მივმართო ობიექტს და ვუთხრა: „თქვენ ცუღლუტი ხართ!“, ესე იგი მე რაღაც ინფორმაცია მაქვს გადამოწმებული – ეს მე ვუთხარი ელისაშვილს ეთერში, იოსელიანს, ეს მე ვუთხარი იაგო ხვიჩიას და ასე აგიხდეთ სიკეთე! მცდელობები აქვთ გარკვეულ ადამიანებთან საუბრისა, ვიცი, რომ აქვთ მცდელობები. მე უბრალოდ თუ რამე ზედმეტს არ ვამბობ ხოლმე, მხოლოდ იმიტომ, რომ არ მივაყენო ზიანი ამ მართლა საინტერესო პროცესს, იმიტომ, რომ მართლა გეუბნებით, ეს 51 დეპუტატი ძალიან მონოლითურად და წესიერად ვდგავართ. დღეს დილიდან ერთმანეთთან კონსულტაციები გვაქვს, არ ვფიქრობ, რომ ვიღაც გასხლტება, ჩვენ ვერ ვხედავთ ჩვენს რიგებში ამ წამს“, – განაცხადა თაკო ჩარკვიანმა.

გააზიარეთ და მოიწონეთ სტატია:

მსგავსი სტატიები