გურიის მოამბე

“შენდობას ვითხოვ”- საპატრიარქო დეკანოზ თადეოზის წერილს აქვეყნებს

საპატრიარქო დეკანოზ თადეოზ სარალიძის შენდობის თხოვნის წერილს აქვეყნებს.

„მე, დეკანოზი თადეოზი სარალიძე, ვითხოვ შენდობას ჩემი მღვდელმთავრისგან იმის გამო, რომ ვიქადაგე ისეთ თემებზე, რომლებზეც არ მქონდა მისი ლოცვა-კურთხევა. მოძღვარი უფლებამოსილია, ეკლესიაში იქადაგოს მხოლოდ სახარებისა და საეკლესიო დღესასწაულების განმარტება.

ეს ქადაგება, რომელიც იყო არაკორექტული, გავიდა სოციალურ ქსელებში და დიდი შეშფოთება გამოიწვია საზოგადოებაში.

ვაღიარებ, რომ შეცდომები დაშვებული იყო ეროვნული, სოციალური და პედაგოგიური კუთხით, რისთვისაც შენდობას ვითხოვ ჩემი პატრიარქისა და მთელი საზოგადოებისგან“, – ვკითხულობთ გავრცელებულ წერილში.

გააზიარეთ და მოიწონეთ სტატია: