“თუ ეს ტენდენცია ერთი კვირით შენარჩუნდება, შესაძლოა, რეგულაციები დაგეგმილზე ადრე შეამსუბუქონ”

პრემიერმინისტრ გიორგი გახარიას განცხადებით, 28 იანვარს გამოვლენილი ინფიცირების შემთხვევებიდან გამომდინარე, მივუახლოვდით დადებითობის 4%-ს. მისივე თქმით, თუ ეს ტენდენცია ერთი კვირით შენარჩუნდება, შესაძლოა, რეგულაციები დაგეგმილზე ადრე შეამსუბუქონ. მანვე დააზუსტა, რომ ეს შეეხება საგანმანათლებლო და ტრანსპორტის სფეროებს.

“დღეს 18 ათასი ტესტიდან დადებითი მაჩვენებელია 723, რაც დიდი ციფრია, თუმცა მიუახლოვდა 4%-ს. როდესაც დადებითობის მაჩვენებელი გვექნება 4%, ჩვენ უფრო თამამად, ფრთხილად, მაგრამ გონივრულად შეგვეძლება ეკონომიკის გახსნა.

დღეს უნდა დავიწყოთ მსჯელობა იმაზე, რომ თუ მსგავსი ტენდენცია შევინარჩუნეთ ერთი კვირის განმავლობაში, ისე, როგორც გავაკეთეთ ზაფხულში, ეტაპობრივი გახსნა უფრო ადრე დავიწყოთ. ეს ეხება თბილისს ქუთაისს და რუსთავს და პირველ რიგში ეს ეხება საგანმანათლებლო დაწესებულებებს. რა თქმა უნდა, ამას თან ერთვის მუნიციპალური ტრანსპორტის ამუშავება”, – განაცხადა გახარიამ.

გააზიარეთ და მოიწონეთ სტატია:

მსგავსი სტატიები