მათივე ცნობით, პანდემიის დაწყების შემდეგ ეს საერთაშორისო სასტუმრო ბრენდის საქართველოში შემოსვლის პირველი შემთხვევაა. კომპანია „ჰაიატმა” შპს „ალიანს სიტისთან“ მართვის ხელშეკრულება გააფორმა.
ხელშეკრულება ბათუმში სასტუმრო Hyatt Centric Boulevard Batumi-ის მშენებლობას ითვალისწინებს. 180-ნომრიან სასტუმროში, რომლის გახსნაც 2025 წლისთვის იგეგმება, განთავსებული იქნება 14 ლუქსი, რესტორანი, ლობი-ბარი, ფიტნეს-ცენტრი და სპა, ასევე 550 კვ.მ. ფართობის საღონისძიებო სივრცე. Hyatt Centric-ის ბრენდი პირველად შემოდის საქართველოში, ევროპის მასშტაბით კი ეს მისი მეცხრე ობიექტი იქნება.
„ჩვენი მიზანია „ჰაიატის“ ბრენდის განვითარება იმ ლოკაციებში, რომლებიც ყველაზე მნიშვნელოვანია ჩვენი სტუმრებისთვის, ჩვენი ლოიალობის პროგრამის წევრებისთვის, მომხმარებლებისთვის და მფლობელებისთვის. შპს “ალიანს სიტისთან” თანამშრომლობით, Hyatt Centric-ის ბრენდს წარმოვადგენთ პოპულარულ ზღვისპირა კურორტ ბათუმში. ამით ჩვენ ვაგრძელებთ ევროპის მასშტაბით „ჰაიატის“ ბრენდის გაფართოებას“, განაცხადა „ჰაიატის“ ევროპისა და აფრიკის რეგიონებში განვითარების ვიცე პრეზიდენტმა ტაკუია აოიამამ. „ბათუმი არის მიმზიდველი ტურისტული მიმართულება უნიკალური კულტურით. ჩვენ აქ ველით მოგზაურებს, რომლებიც დაინტერესებული იქნებიან ქალაქის აღმოჩენით“.
Hyatt Hotels Corporation – სასტუმროების წამყვანი გლობალური კომპანიაა, რომელიც პრემიუმ კატეგორიის 20 ბრენდს აერთიანებს. 2020 წლის 30 სექტემბრის მდგომარეობით, კომპანიის პორტფელი მოიცავს 950-ზე მეტ სასტუმროსა და ველნესის ობიექტს მსოფლიოს 67 ქვეყანაში.
https://www.bpn.ge
მსგავსი სტატიები:
მეუფე ნიკოლოზის ხუმრობა მედიასთან
ვინ მიაწვდის ელექტროენერგიას ზაფხულიდან მოსახლეობას – „მთავრობა უნივერსალურ კომპანიას დაასახელებს“
ირაკლი ჩავლეიშვილისთვის შეურაცხყოფის მიყენების ფაქტზე შინაგან საქმეთა სამინისტრომ ერთი პირი დააკავა
როგორ ჩაუცვამთ მიმოზებს თეთრი კაბა-ფოტოამბავი
ევროკავშირი „მწვანე პასპორტის“ დანერგვას 17 მარტიდან დაიწყებს
თეა დარჩია-ანალოგი არ გვყავს ქართველებს სამყაროში ერთმანეთის სიძულვილში
სად შეგვიძლია გადავამოწმოთ, დაგვაჯარიმა, თუ არა, ჭკვიანმა ვიდეოკამერამ? – დეტალები
ლარი ისევ გაუფასურდა – ახალი კურსი