აღარ იყო მტკიცებულების განადგურების საფრთხე და გირაო ჩათვალა ალბათ საჭიროდ, იცით რომ შინაგან საქმეთა სამინისტრო არ იძიებს მაგ საქმეს, იძიებს პროკურატურა” – აღნიშნულის შესახებ შინაგან საქმეთა მინისტრმა ვახტანგ გომელაურმა ე.წ. კარტოგრაფების საქმეზე დაკავებული ნატალია ილიჩოვას და ივერი მელაშვილის სასამართლო დარბაზიდან გათავისუფლების შესახებ დასმულ კითხვაზე ჟურნალისტებს უპასუხა. მინისტრის განცხადებით, ისინი პოლიტიკური პატიმრები არ არიან.
„მე ასე ვიტყოდი, პოლიტიკურ პატიმრებს, რა თქმა უნდა, ვერ დავარქმევდი მათ. ყველა ადამიანი თანასწორია და თუ დააშავა რომელიმემ, პასუხი უნდა აგოს, ეს იქნება მინისტრი, პრემიერ მინისტრი, რიგითი თანამშრომელი თუ დეპარტამენტის თანამშრომელი. პროკურატურამ ჩათვალა საჭიროდ, რომ ამ ადამიანების მიმართ პატიმრობით შესულიყვნენ და დააკავეს. მტკიცებულებები და საფუძვლები ჰქონდათ და პატიმრობით შევიდნენ, ახლა გადაწყვიტეს, რომ გირაოთი შესულიყვნენ დაუკმაყოფილა სასამართლომ.
აღარ იყო მტკიცებულების განადგურების საფრთხე და გირაო ჩათვალა ალბათ საჭიროდ, იცით რომ შინაგან საქმეთა სამინისტრო არ იძიებს მაგ საქმეს, იძიებს პროკურატურა, პროკურატურას რომ ჰკითხოთ, ისინი გეტყვიან უკეთესად. ეს ადამიანები ვინ მონათლა მოღალატეებად, ვინმე გამოვიდა ოფიციალურად და გამოაცხადა, რომ ესენი მოღალატეები არიან?! გვარს და სახელს ვერ ასახელებთ,” – განაცხადა ვახტანგ გომელაურმა.
მსგავსი სტატიები:
“ქვეყანა უფსკრულში რომ იჩეხება, ამის დანახვას არ სჭირდება პარტიულობა!!!”
“ქოცები კოლექტიური ეჟოვები არიან”
“უკიდურესად დესტრუქციული მოქმედებაა დღევანდელი პიკეტირების მცდელობა”
“ხალხმა საკმარისად იძინა და ახლა გირჩევ გონს მოდი ბიძინა!!!”
რაჭველიშვილი: ბერას კრიტიკის შემდეგ ჩემს მულს ვიღაც ბიჭი მანქანაში შეუვარდა და აშინებდა
ივანიშვილის გადაწყვეტილებით, აბასთუმანის ავტოსადგომში პირადი ავტომობილით ვეღარავინ მოხვდება
ბრიუსელში ნატო-ს სამიტი გაიხსნა
არ გამოუვათ ბიძინა ივანიშვილის გათეთრება – ხატია დეკანოიძე