“ოცნების” უარი – პოლიტიკა ადამიანების სიცოცხლეზე მაღლა

პოლიტიკა ადამიანების სიცოცხლეზე მაღლა – ასე გადაწყვიტა “ქართული ოცნების” ხელისუფლებამ, რომელმაც უარი თქვა მესამე პრეზიდენტის დახმარებაზე და 300 000 ცალ უფასო ვაქცინაზე.

მიხეილ სააკაშვილის თქმით , ვაქცინების უსასყიდლოდ გადმოცემაზე მალტის ხელისუფლება მისი პირადი თხოვნის შემდეგ დათანხმდა, რომელსაც მედიკამენტები მილიონიანი ზედმეტობით აქვს ნაყიდი. საქართველოს მთავრობას ამ ვაქცინების მისაღებად მხოლოდ წერილი უნდა მიეწერა მალტის ხელისუფლებისთვის, მაგრამ სააკაშვილის ფაქტორი იმდენად უხერხული აღმოჩნდა ივანიშვილის თანაგუნდელებისთვის, რომ მათ თავის მოქალაქეებს ახლა პრაქტიკულად სასიკვდილო განაჩენი გამოუტანეს.

მმართველი გუნდის წევრებმა  ქვეყნისთვის გამოწვდილ დახმარების ხელზე ისე თქვეს უარი, რომ შეთავაზებას დეტალურად არც გაცნობიან. მეტიც, სიკვდილ – სიცოცხლის საკითხი ქართული ოცნების წევრებისთვის იაფფასიანი პოპულიზმისა და ხუმრობის თემა აღმოჩნდა.

სააკაშვილის შეთავაზების მოსმენის შემდეგ, იტალიაში საქართველოს ელჩმა თავი დაიზღვია და იმისი მტკიცება დაიწყო, რომ ამგვარ მოლაპარაკებებს თავად აწარმოებდა ჯერ კიდევ დეკემბრიდან. ხელისუფლების არგუმენტებისთვის მეტი დამაჯერებლობის შესაძენად სამთავრობო მედია ამტკიცებდა რომ მალტას თავად აქვს ვაქცინების დეფიციტი. თუმცა იმავე წყაროების გაანალიზებით, რასაც ეს მედია საშუალებები ეყრდნობოდნენ, ირკვევა რომ ამ პატარა ქვეყანას იმაზე სამჯერ მეტი ვაქცინა აქვს შეკვეთილი, ვიდრე მოსახლეობა ჰყავს. მილიონი ზედმეტი ვაქცინიდან კი ის მზად იყო 300 000 საქართველოსთვის დაეთმო.

მოსახლეობის სიცოცხლესა და ჯანმრთელობაზე წინ პოლიტიკური ანგარიშსწორების წამოწევა ამორალური და მოღალატეობრივი აღმოჩნდა ექიმებისთვისაც, რადგან კორონავირუსის ეპიდემია ის გამოუცხადებელი ომია, სადაც ადამიანების გადასარჩენად მთელი ქვეყანა უნდა გაერთიანდეს.

იძულებით პოლიტიკურ დევნილობაში მყოფი მესამე პრეზიდენტის დახმარებაზე ქართულმა ოცნებამ უარი თქვა. თუმცა ქვეყანას ამ დახმარების მიღების თეორიული შანსი მაინც რჩება.

თუკი საზოგადოება და პოლიტიკოსები დასავლელ პარტნიორების და დახმარების მსურველ სახელმწიფოებს ერთიანი ეროვნული  პლატფორმიდან მიმართავენ და პოლიტიკურ განაჩენს გამოუტანენ ხელისუფლებას – რომელმაც ისინი სასიკვდილოდ გაიმეტა.

გააზიარეთ და მოიწონეთ სტატია:

მსგავსი სტატიები

  • 95
    "ერთი ოზურგეთელი გოგოც შეეწირა აპრილის დღეს, ლიხაურელი ნინო თოიძე"მე რომ ასეთი საქმეები მეკითხებოდეს, 9 აპრილს, დასვენების კი არა, დიდი შრომის დღედ გამოვაცხადებდი. თავისუფლება, შეუშრობელი სისხლით რომ მოვიპოვეთ, ყოველდღიურ ვარჯიშს მოითხოვს და ასე ნარჩუნებდა. მაგრამ ამაზე ანუ სისხლით ახელილ თვალებზე, უფრო ვრცლად სხვა დროს. ხოლო 9 აპრილი მე 10 აპრილიდან და ასე მახსოვს – საჭმელს მაჭმევდნენ და ტელევიზორს ვუყურებდი,…
    Tags: და, რომ, საზოგადოება, მთავარი, თემა, ახალი, ამბები, სოციალური, ქსელი
  • 95
    "აშშ_მ დღეს მსოფლიოს წინაშე ჩააბარა გამოცდა დემოკრატიაში"ვაშინგტონში, კაპიტოლიუმის შენობასთან განვითარებულ მოვლენებს მსოფლიო მასშტაბით უამრავი გამოხმაურება მოჰყვა. როგორ აფასებენ ამერიკაში განვითარებულ მოვლენებს აქტიურად ეხმაურებიან ქართველი პოლიტიკოსები, ჟურნალისტები და ექსპერტები. გთავაზობთ რამდენიმე მათგანის ფეისბუკ პოსტს: ნინო ჯანგირაშვილი, ტელეწამყვანი: 'ტრამპი პრეზიდენტობას სოციალურ ქსელებში დაბლოკილი და თავლაფდასხმული ასრულებს. თუმცა, მისი ქმედებების შედეგები ჯერ ბოლომდე არ მოუმკია. ამერიკული სახელმწიფო, სავარაუდოდ, უფრო…
    Tags: და, საზოგადოება, მთავარი, თემა, ახალი, ამბები, პოლიტიკა, სოციალური, ქსელი
  • 95
    მაკო გომურის მიმართვა ხელისუფლებას და ელისაშვილსმაკო გომური, რომელმაც 20 ივნისის სისხლიან ღამეს, სპეცრაზმელის ნასროლი ტყვიით თვალი დაკარგა, მკურნალობის კურსის გასაგრძელებლად საზღვარგარეთ გამგზავრებას ვერ ახერხებს. ამის შესახებ მაკო გომური "ფეისბუქ" პოსტს აქვეყნებს, საიდანაც ვიგებთ, რომ უკვე 1 თვეა არავინ გამოჩნდა ჯანდაცვის სამინისტროში, ვინც მისი გამგზავრების საკითხს მოაგვარებდა. ამასობაში კი როგორც მაკო წერს, თვალის პროთეზი დაუზიანდა და…
    Tags: და, საზოგადოება, მთავარი, თემა, ახალი, ამბები, სოციალური, ქსელი
  • 95
    "ბებია დიდ ხის გობზე, ნაშუადღევს იწყებდა ჭადის ზელვას".."ბებია დიდ ხის გობზე, ნაშუადღევს იწყებდა ჭადის ზელვას.. ისე ებრძოდა ცომს თითქოს გაბრაზებულია და ჯავრს იყრისო. თავის ჭკუაზე მოიყვანდა, დიდ გახურებულ ქვის კეცზე შქერის ფოთოლს გაუფენდა და უშველებელ გუნდას ზედ გადააგორებდა, ღადარსაც უხვად დააყრიდა და სუფრას გაშლიდა. სადილად სულ იყო ერთი წველა ყველი, მწვანილი, მჟავე კეჟერა და რამე ერთი იჯრა…
    Tags: და, საზოგადოება, მთავარი, თემა, ახალი, ამბები, სოციალური, ქსელი