“ფარსად ქცეული პროცესები უნდა შეწყდეს, პრეზიდენტი სააკაშვილი უნდა გათავისუფლდეს” – ენმ-ის განცხადება

საქართველოს მესამე პრეზიდენტ, მიხეილ სააკაშვილთან დაკავშირები ენმ განცხადებას ავრცელებს. ოპოზიციური პარტია აცხადებს, რომ პრეზიდენტ სააკაშვილის პოლიტიკური პატიმრობა საქართველოში პოლარიზაციის ყველაზე მკაფიო გამოხატულება და “ფარსად ქცეული სასამართლო პროცესები უნდა შეწყდეს… პრეზიდენტი სააკაშვილი უნდა გათავისუფლდეს და მიეცეს საზღვარგარეთ სრულფასოვანი მკურნალობის საშუალება”.

განცხადება სრულად:

 “პრეზიდენტ სააკაშვილის პოლიტიკური პატიმრობა საქართველოში პოლარიზაციის ყველაზე მკაფიო გამოხატულებაა. მის წინააღმდეგ საქმეების აღძვრა ბიძინა ივანიშვილმა პრემიერ-მინისტრის თანამდებობაზე ყოფნის დროს დააანონსა, იმ დროს, როდესაც საქართველოს გენერალური პროკურორი შეერთებული შტატების მიერ სანქცირებული, რუსეთის უსაფრთხოების ფედერალური სამსახურის გავლენის აგენტი ოთარ ფარცხალაძე იყო.

პოლარიზაციის დასრულება ევროკავშირის კანდიდატი ქვეყნის სტატუსის მიღების პირველი წინაპირობაა. ევროკავშირის კანდიდატი ქვეყნის სტატუსის მიღების წინაპირობაა ასევე სასამართლოს დამოუკიდებლობა. აპრილში შეერთებულმა შტატებმა სავიზო შეზღუდვა გაავრცელა საქართველოს სასამართლო სისტემაში არსებული კლანის 4 წევრზე. პრეზიდენტ სააკაშვილის პოლიტიკური პატიმრობა ასევე ავლენს ივანიშვილის ხელისუფლების მიერ სასამართლო ხელისუფლების სრულად ხელში ჩაგდების ფაქტს.

ფაქტია, რომ პრეზიდენტი სააკაშვილი ვერ სარგებლობს სამართლიანი სასამართლოს უფლებით. მისი ჯანმრთელობის უმძიმესი მდგომარეობის გათვალისწინებით, იგი, სურვილის მოუხედავად, ვერ ესწრება სასამართლო სხდომებს. სასამართლო სხდომებზე პრეზიდენტ სააკაშვილის ჩართვას კი სასამართლო, როგორც წესი, სერიოზული ტექნიკური ხარვეზებით ახორციელებდა.

2023 წლის 30 ოქტომბერს ივანიშვილის რეჟიმმა უსამართლობისა და უკანონობის ახალი სიმაღლე დაიპყრო. მოსამართლემ პრეზიდენტ სააკაშვილს სიტყვით გამოსვლა გაუფრთხილებლად შეაწყვეტინა და სხდომიდან გათიშა. ეს ფაქტი არა უბრალოდ უხეში პროცედურული დარღვევაა, არამედ კიდევ ერთი დასტურია, რომ პრეზიდენტი სააკაშვილი ვერ სარგებლობს სამართლიანი სასამართლოს უფლებით და ის, რომ მის მიმართ წარმოებს პოლიტიკური დევნა.

ფარსად ქცეული სასამართლო პროცესები უნდა შეწყდეს, პრეზიდენტ სააკაშვილი უნდა გათავისუფლდეს და მიეცეს საზღვარგარეთ სრულფასოვანი მკურნალობის საშუალება” – წერია განხადებაში.

გააზიარეთ და მოიწონეთ სტატია:

მსგავსი სტატიები:

“საცოდავი ხალხია, სიბანძეა რა, ცოტა ვულგარულად რომ ვთქვა, ტეხავს”-სააკაშვილი ოლიგარქებზე თბილისის ზოოპარკში მურა დათვი ბარნი, ერთ ღამეში გათეთრდა ტიკარაძე: ვაქცინაცია, ფაქტობრივად, არ გვიცავს ინფიცირებისგან “ვახ, ეს რა სევდიანი ამბავია” “როცა 20 წელიწადი მებაჟე იყავი და ქრთამით იტენიდი ჯიბეებს,როცა 20 წელიწადი გაიშნიკი იყავი და ქრთამით იტენიდი ჯიბეებს..მერე მოვიდა ვიღაც გიჟად შერაცხული მიშა და ეს ყველაფერი ყველას წაგართვა” საფრანგეთი ომისთვის ემზადება – მაკრონი ევროპის კონტინენტზე მაღალი ინტენსივობის კონფლიქტს არ გამორიცხავს “ჩვენ გვაქვს ღირსება და გვინდა პატიოსანი თამაშის წესები” – კობახიძე ბოლო დღეებში შეშფოთებული ვიყავი – თბილისში ასობით მანქანა ვნახე რუსული ნომრებით – ჰოჯესი