“ივანიშვილის წასვლის შემდეგ “ოცნებამ” “გამშველებელი” დაკარგა”

პოლიტიკოსი გიგლა ბარამიძე “ახალ თაობასთან” ინტერვიუში ქვეყანაში მიმდინარე პროცესებზე საუბრობს.

– თბილისის ჩუღურეთის გამგებლის მოადგილის დაკავების ფაქტს კალაძის გუნდისთვის დარტყმის მიყენებად აფასებენ.

– ხელისუფლების შიგნით დაპირისპირება მოსალოდნელი იყო ბიძინა ივანიშვილის წასვლის შემდეგ. მისი წასვლით “ქართულ ოცნებაში” დაკარგეს ლიდერი, დავების მომგვარებელი და გამშველებელი. თავიდან ისინი დაიბნენ. დაბნეულობის სტადიას, როგორც მოსალოდნელი იყო, მოჰყვა დაპირისპირება. მთავარია, ზიანი არ მიადგეს სახელმწიფოს. გავლენის სფეროებისთვის ბრძოლამ სახელმწიფო არ უნდა დააზიანოს. ბიძინა ივანიშვილის მოსალოდნელ გაცლაზე მმართველი პარტიიდან სამი-ოთხი თვის წინ ვლაპარაკობდი.

– ჩვენთან ინტერვიუში ჯერ კიდევ ზაფხულში თქვით, რომ ივანიშვილი მიდის და პარტიას კობახიძეს უტოვებს.

– ამას ვამბობდი პოლიტიკური ანალიზის საფუძველზე. მე ამას ვპროგნოზირებდი, მმართველ პარტიაში კი აშკარად დაიბნენ.

– ოპოზიციის გეგმებზე რას იტყვით?

– განსაკუთრებული ყურადღება ეთმობა ბარიერგადალახული პარტიების პარლამენტში შესვლა-არშესვლას. თვეზე მეტია, სულ ერთი და იგივე გვესმის.

– რაზე საუბრობთ?

– ვინც აპირებს პარლამენტში შესვლას, დაე, შევიდეს! ხომ არ შეიძლება ამისათვის ხან ერთი საბაბი მოძებნონ, ხან – მეორე ?! თან, თავისი პოზიცია ყოველდღე გვასმენინონ და საზოგადოებისგან ტაშისკვრა მოითხოვონ. თუ დეპუტატობა გადაწყვიტე, ადექი და გახდი დეპუტატი! ამაზე პასუხისმგებლობაც აიღე და ტაშს ნუ ელოდები. ამას ვერ ბედავენ და არის ერთი და იგივე თემის განხილვა.

საერთოდ, ყველამ დაანებოს თავი გავების ტრიალს. ტელემედიაც უცნაურად იქცევა. ტელევიზიებო, თუ პარლამენტში შემსვლელებს შვიდ ბრუნვაში ატრიალებთ, მაშინ ეს პოლიტიკოსები ყოველდღიურად სტუდიებში რატომ გისხედან? თუ პრინციპულობაზე პრეტენზია გაქვთ, იყავით პრინციპულები და ნურც ზნეობას დაარღვევთ და ნურც ჟურნალისტურ ეთიკას!

გააზიარეთ და მოიწონეთ სტატია:

მსგავსი სტატიები:

მზად ვართ გავმართოთ მოლაპარაკებები – “ნაციონალური მოძრაობის საგანგებო განცხადება” “ეგებ მოხდეს სასწაული და გაზაფხულის მოსვლასთან ერთად ვიზეიმოთ გამარჯვება” ანტირუსული საპროტესტო აქციების ლიდერი დააკავეს – რუსული მედია ევროსასამართლო “ოცნებისგან” პასუხებს ითხოვს – კონვენციის დარღვევები მიხეილ სააკაშვილის საქმეებში ქართველებისგან გიჟური მხარდაჭერა მაქვს- სააკაშვილი “ბრძოლა ბოლომდე! ნიკა სამშობლოს სიყვარულისთვისაა დაკავებული”-ანზორ მელია დაპატიმრებულ შვილს მიმართავს ერთი სიტყვა მაინც ეთქვა ლეიბორისტული პარტიის აკრძალვის საწინააღმდეგოდ – ნათელაშვილი მიშელზე “მელიას მხარს არ დავუჭერთ!რა ნამუსით უნდა გვთხოვონ ჩვენ, რომ რომელიმე კანდიდატს დავუჭიროთ მხარი,როცა 6 თვე გვლანძღავდა და ათას უბედურებას გვაბრალებდა”