ვინ არის ქალი, რომელმაც ბავშვებს ჩხოროწყუს მერიაში საპირფაშო დაალაგებინა

ჩხოროწყუს მუნიციპალიტეტის მერიის დასუფთავების სამსახურის ყოფილი უფროსი ეთერ ჯაფარიძე აცხადებს, რომ თვითნებურად იმოქმედა როცა ბავშვებს მერიის საპირფარეშო დაასუფთავებინა, თუმცა, თვლის, რომ კანონი არ დაურღვევია, ამის შესახებ მან დღესჟურნალისტებს განუცხადა.
„ვიმოქმედე თვითნებურად..ამ შემცირების შემდეგ დამრჩა ერთი იდეა, რომ ბავშვებისთვის ჩამედო ეს პტარა მარცვალი. წავედი მეორე საჯარო სკოლაში, შევხვდი სკოლის დირექტორს, შემიყვანა მე-7 კლასში, ბავშვებს ვუთხარი, რომ შრომა იწყება დაბადებიდან. ვიყავი ევროპაში და იქ არაფერი არ იყო ჩვენზე უკეთესი, არც კულტურა, გარდა იმისა, რომ იქ ტუალეტიც რომ გაწმინდო, არაფერი არ არის სასირცხვილო-მეთქი. რატომ მერიაში? წამოვიყვანე ეს ბავშვები მერიაში, იმიტომ რომ ესენი უნდა გახდნენ შემდგომში მერები, მხატვრები, ინჟინრები, ტურისტები, ცნობილი პიროვნებები, მაგრამ, ოჯახს რომ გაუჭირდეს და შვილებს დასჭირდეთ, ასეთი საქმე არ უნდა ითაკილონ.წამოვედით, ეს დავახვედრე გაპრიალებილი. მე პრაქტიკულად ბრიგადირი მქვია, მაგრამ ვარ მერიის ტუალეტის გამგე და არ მეთაკილება. და აი აქ ვითამაშე. ერთმა ბავშვმა ჩაწერა, დაქოქილი იყო იქედან, ვისაც აინტერესებს და სკოლის დირექტორობა უნდა“- განაცხადა ეთერ ჯაფარიძემ.

შეგახსენებთ გუშინ გავრცელდა ინფორმაცია და ვიდეოკადრები, სადაც  ჩხოროწყუს მუნიციპალიტეტის მეორე საჯარო სკოლის მოსწავლეებს, ადგილობრივი მერიის საპირფარეშო დაასუფთავებინეს. შემთხვევა რამდენიმე დღის წინ მოხდა და პირი, რომელმაც ბავშვები ე.წ. „შაბათობაზე” წაიყვანა პედაგოგი არ იყო.მომხდარის შესახებ სოციალურ ქსელში ერთ-ერთმა მომხმარებელმა მაკა შენგელიამ დაწერა.

„ამ პანდემიის დროს ერთ-ერთი საჯარო სკოლის მე-7 კლასის მოსწავლეები გაკვეთილის საათებში წაიყვანეს და მერიის საპირფარეშო ახეხვინეს, ამ ფაქტში მონაწილე ადამიანები დღეს ისე არხეინად დადიან ქალაქში თითქოს არც არაფერი მომხდარა. ველოდები ფაქტზე რეაგირებას, სულ მცირე მერისგან ბოდიშის მოხდას მშობლების და ბავშვების წინაშე. განათლების სამინისტროს რეაგირებას და ყველა იმ პირის რეაქციას, ვისაც ეს საკითხი ეხება“, – წერს შენგელია.

მოსწავლეებთან დაკავშირებით მომხდარ ინციდენტს პოლიცია იძიებს.

შს-მ  აღნიშნულთან დაკავშირებით გამოძიება 150-ე, იძულების მუხლით დაიწყო.

ptn.ge

გააზიარეთ და მოიწონეთ სტატია: