დღეს, გურიის რეგიონის საჯარო და კერძო სკოლებში სასწავლო პროცესი საკლასო ოთახებში განახლდა

დღეიდან გურიის რეგიონის საჯარო და კერძო სკოლებში სასწავლო პროცესი საკლასო ოთახებში განახლდა.
პედაგოგებს და ადმინისტრაციის თანამშრომლებს კოვიდ 19 – ზე ჩაუტარდათ ტესტირება. სკოლები აღიჭურვა ხელის სადეზინფექციო საშუალებებით, დასუფთავების სპეციალური ხსნარებით, დეზობარიერებით და თერმოსკრინინგის აპარატებით.
განათლების ინფრასტრუქტურის განახლება: პანდემიის მიუხედავად რეგიონში არ შეჩერებულა არც ერთი სტრატეგიული მნიშვნელობის ინფრასტრუქტურული პროექტი. საგანმანათლებლო ინფრასტრუქტურის განახლების პროცესი უწყვეტად მიმდინარეობდა.
2020 წელს დასრულდა:
ოზურგეთში სოფ. ბახვის საჯარო სკოლის სრული რეაბილიტაცია.
სსიპ – ქალაქ ოზურგეთის N1 საჯარო სკოლის მესამე კორპუსის რეაბილიტაცია და ამავე სკოლის ტერიტორიაზე ინოვაციების ცენტრის მშენებლობა.
რეგიონში მიმდინარე წელს დასრულდება 6 საჯარო სკოლის მშენებლობა და 7 სკოლის სრული რეაბილიტაცია.
სარეაბილიტაციო სამუშაოები ჩატარდა 60-მდე სკოლაში. მოეწყო სველი წერტილები და შეიცვალა დაზიანებული სახურავები.
“გურიის მხარე”
გააზიარეთ და მოიწონეთ სტატია: