ანა აბაშიძე ჩხოროწყუს ინციდენტზე: ამ ქვეყანაში ბავშვები ჯერ კიდევ ნივთებად არიან აღქმულნი

პარტნიორობა ადამიანის უფლებებისთვის თავმჯდომარე ანა აბაშიძე ჩხოროწყუში სკოლის მოსწავლეების მიერ საპირფარეშოს დასუფთავებას ეხმაურება და აცხადებს, რომ შესაძლოა, სისხლის სამართლის დანაშაულია ჩადენილი.  ჩხოროწყუს ერთერთი სკოლის მოსწავლეებს მიერ მერიის შენობის საპირფარეშოს დასუფთავების კადრები გუშინ, 31 იანვარს სოციალურ ქსელში გავრცელდა. ბავშვების თქმით, მათ არ იცოდნენ, რომ საპირფარეშოს დასასუფთავებლად მიყავდათ.

ანა აბაშიძე აცხადებს, რომ ჩხოროწყუს ინციდენტის დროს სახეზეა განათლების სამინისტროსა და სკოლის ვალდებულების შეუსრულებლობა.

“ჩვენ გვესმის ბავშვების ხმა, რომლებიც ეწინააღმდეგებიან მათი, პრაქტიკულად, შესაძლებელია, ვთქვათ, ბავშვების იძულებაც სახეზეა, რომ ამ საქმიანობაში ჩაერთონ. აქედან გამომდინარე, შესაძლოა, სისხლის სამართლის დანაშაულია ჩადენილი. მთავარი პრობლემა არის ის, რომ ამ ქვეყანაში ბავშვები ჯერ კიდევ ნივთებად არიან აღქმულნი. ხდება ბავშვების განივთება. ნებისმიერი ასეთი პრეცედენტი არის ბავშვების განივთების კლასიკური მაგალითი”, – აცხადებს აბაშიძე.

ჩხოროწყუს საგანმანათლებლო რესურსცენტრში აცხადებენ, რომ მათ არ იცოდნენ თუ სად მიდიოდნენ ბავშვები და როგორც კი საქმის დეტალები გაიგეს, ინფორმაცია შსს-ს მიაწოდეს.

შინაგან საქმეთა სამინისტროში ფორმულას უთხრეს, რომ გამოძიება სისხლის სამართლის კოდექსის 150-ე მუხლით დაიწყო, რაც იძულებას გულისხმობს.

თავის მხრივ, მოსწავლეები ფორმულასთან საუბარში აცხადებენ, რომ მათ არ იცოდნენ, რომ საპირფარეშოების დასასუფთავებლად მიყავდათ. ბავშვების თქმით, ისინი საპირფარეშოების დასასუფთავებლად ეთერ ჯაფარიძემ წაიყვანა.

ჩხოროწყუს მერის, დავით გოგუას თქმით, ეთერ ჯაფარიძე მერიის დასუფთავების სამსახურის ყოფილი თანამშრომელია და მას ხელშეკრულება 31 დეკემბერს ამოეწურა. ამასთან, გოგუა აცხადებს, რომ უმკაცრესად დაისჯება ყველა, ვინც ჩხოროწყუს მერიის შენობაში ერთერთი სკოლის მოსწავლეებს საპირფარეშო დაასუფთავებინა. აღსანიშნავია, რომ ამ წუთებში ჩხოროწყუს მერიის შენობასთან აქტივისტები აქციას მართავენ, ისინი გოგუას გადადგომას მოითხოვენ.

თავად ჯაფარიძე კი აცხადებს, რომ მომხდარს არ ნანობს.

“დასანანი აქ არაფერია. როცა მთლიანად აქცია კეთდება და დედამიწის დღეს ორდღიანია და ყველა ბავშვები ტყესა და ღრეში რომ არიან, ის დანაშაული არის თუ არა?”, – აცხადებს ჯაფარიძე.

რაც შეეხება სკოლის დირექტორს, მისი თქმით, ეთერ ჯაფარიძემ განუცხადა, რომ იყო დასუფთავების პროექტი და ამ პროექტში სხვადასხვა სკოლები იყვნენ ჩართულნი. დირექტორის თქმით, მისი ინფორმაციით, ჯაფარიძე დასუფთავების თანამშრომელი იყო.

საქმეზე მოკვლევა დაიწყო განათლების სამინისტრომაც.

გააზიარეთ და მოიწონეთ სტატია:

მსგავსი სტატიები

  • 82
    "ერთი ნაბიჯიც და..."- გიორგი თარგამაძეპატარა ბავშვი რომ ფეხის ადგმას იწყებს, მშობლის მიმართულებით ბარბაცით, შიშით, ინტერესით და ხალისით დგამს ნაბიჯებს, ცდილობს არ დაეცეს და წონასწორობა შეინარჩუნოს, წინ კი ხელებგაშლილი მშობელი შფოთვით და სიხარულით ელის, რომ გულში ჩაიკრას, ჩაიხუტოს, ბედნიერების განცდით მიეგებოს... - სწორედ ასეთ მდგომარეობაში ვიყავით 100 წლის წინ ჩვენი ახალფეხადგმული ქვეყანა, და ასე ვართ ახლაც. თუმცა განსხვავება…
    Tags: და, რომ, საზოგადოება
  • 82
    რა გახდა მადლიერების ტრადიციად ქცევა! – გიორგი კალანდია გაბუნიას მონოლოგზეისტორიკოსი გიორგი კალანდია ჟურნალისტ გიორგი გაბუნიას მონოლოგს ეხმაურება და პროფესიოლი სოლიდარობის არ არსებობაზე საუბრობს. გიორგი კალანდია მხცოვანი და ღვაწლმოსილი ადამიანების დაფასების აუცილებლობის კანონმდებლობაში დაფიქსირებას ითხოვს. “გიორგი გაბუნია ნიჭიერი კაცია, ძალიან მტკივნეული და ამაღლევებელი ამბის თანაზიარი გაგვხადა, თუმცა საღათას ძილით მძინარე ქართულ საზოგადოებას მინდა ვკითხო – სად იყო მაშინ როცა ქალბატონ…
    Tags: და, რომ, ამ, არ, საზოგადოება
  • 81
    ოზურგეთი - მდებარეობა ოზურგეთისა – საიდან დაერქვა ოზურგეთს თავისი სახელი? - თედო სახოკია - „მგზავრის წერილები“ (ჟურნალი „მოამბე“ 1897 წელი)თედო სახოკია - „მგზავრის წერილები“ (ჟურნალი „მოამბე“ 1897 წელი) მესამე თავი ოზურგეთი. - მდებარეობა ოზურგეთისა. – საიდან დაერქვა ოზურგეთს თავისი სახელი? -  ჰავა ოზურგეთისა. - სახლები. - ვაჭრობა და ვაჭრები. - ჩაცმულობა იქაურის ვაჭრისა. – „პარასკეობა“. - მეგრელი მწყემსები გურიაში. - ქალაქის ბაღი, მისი წარსული და აწმყო. - ოზურგეთი, როგორც…
    Tags: და, საზოგადოება
  • 80
    "ვაი ტელევიზიები ცდილობენ, ხალხი დაარწმუნონ, რომ "ლუზერები" ვართ"ინფექციური საავადმყოფოს დირექტორის, თენგიზ ცერცვაძის აზრით, "ვაი ტელევიზიები და ვაი ექსპერტები" ყველანაირად ცდილობენ, ქვეყნის მოსახლეობა დაარწმუნონ, რომ კოვიდის მართვის პროცესში ჩართული პირები "ლუზერები" არიან. ამის შესახებ თენგიზ ცერცვაძე საკუთარ Facebook გვერდზე გამოქვეყნებულ პოსტში საუბრობს. ინფექციური საავადმყოფოს დირექტორის განცხადებას უცვლელად გთავაზობთ: "ადამიანებო, იყავით ფხიზლად! ა.წ. 2 მარტს ღამის მთავარში ქ-ნი ეკა კვესიტაძე შეეცადა მაყურებლები…
    Tags: და, რომ, საზოგადოება