პარლამენტის ვიცესპიკერი გია ვოლსკი პარლამენტში ნიკა გვარამიას ტელეფონის ნომრის გამოცხადებაში პრობლემას ვერ ხედავს. პარლამენტში გვარამიას ნომერი თეა წულუკიანმა გამოაცხადა.
როგორც ვოლსკიმ ჟურნალისტებს უთხრა, “ეს არ არის დაფარული ნომერი, ეს ნომერი ყველამ იცის ისედაც”.
მისივე თქმით, ნომრის გამოცხადება “სიტყვამ მოიტანა”.
განათლების კომიტეტის თავმჯდომარე თეა წულუკიანმა პარლამენტის პლენარულ სხდომაზე გვარამიას ნომერი გამოაცხადა.
წულუკიანი პარლამენტში ახლადშესულ ოპოზიციონერ დეპუტატს, ალეკო ელისაშვილს პასუხობდა, რომელმაც წინასაარჩევნო კამპანიის მსგავსად, მის პირველ საპარლამენტო სხდომაზე გამოსვლისას, თავისი მობილურის ნომერი საჯაროდ გამოაცხადა.
წულუკიანმა ელისაშვილს უპასუხა, რომ თავადაც სურდა თავისი ნომრის გამოცხადება, თუმცა, სანაცვლოდ, გვარამიას ნომერი გამოაცხადა და ელისაშვილს მოუწოდა, პარლამენტში გამოსვლის ტექსტები მასთან შეეთანხმებინა.
გვარამიამ Facebook-ზე დაწერა, რომ მის ტელეფონზე 10 წუთში 50-მდე უცხო ზარი შევიდა.
მსგავსი სტატიები:
რა წერია წერილში, რომელიც გიორგი გახარიამ აშშ-ს პრეზიდენტს მისწერა
ირაკლი ჩავლეიშვილისთვის შეურაცხყოფის მიყენების ფაქტზე შინაგან საქმეთა სამინისტრომ ერთი პირი დააკავა
“ოპოზიცია ცდილობს, სოციალური თუ ნებისმიერი საპროტესტო მუხტით ხელი მოითბოს”
ცვლილებები “ქართულ ოცნებაში”
„გირჩი” პარტიის სიიდან ყველა ქალი კანდიდატის ჩახსნას გეგმავს
ელისაშვილი: ყოველი ძილის წინ ვარ კრწანისის ბრძოლაში
“მიშა არჩევნებამდე ჩამოვა და ერთად წავლეკავთ ივანიშვილის ბანდას”
“წულუკიანს მინდა ვუპასუხო, პოლიტიკური ლეშია, ჩვენზე თქვა ლეშიჭამიაო, ქალბატონო წულუკიანო, ისე მოგიწევთ წასვლა, მაღლა მზე იქნება”