უცხოეთში მცხოვრები ქართველი ბავშვებისათვის “ლადო აფხაზავას ევროპული სკოლა” – დაფუძნდება

“ლადო აფხაზავასთან ჩვენი შეხვედრა იყო სრული მოულოდნელობა, მიუხედავად იმისა, რომ ყველამ ვიცოდით მისი დამსახურებები და განხორციელებული პროექტები. ყველა ემიგრანტს უდაოდ გადაედო ლადოს დადებითი აურა და თითქოს რაღაც მომენტში ყველას თავისი ყოველდღიური ყოფითი პრობლემებიც კი გადაავიწყდა. მე როდესაც შეხვედრაზე დამსწრე საზოგადოების სახეებს ვაკვირდებოდი და ვხედავდი ბატონ ლადოს საუბრით მონუსხულ ემიგრანტების სახეებს ვიფიქრე აი ასეთი საუბრებია იმის საწინდარი, რომ ემიგრანტებში ეროვნულმა სულმა გაიღვიძოს და შური, ბოღმა, ბრაზი, უნდობლობა და ურთიერთგაუტანლობა სითბოთი, ურთიერთ ნდობით, ერთმანეთის დახმარების სურვილით და ქვეყნის სიყვარულით ჩავანაცვლოთ.  ლადოსთან საუბრისას დაიბადა არაჩვეულებრივი იდეა რომ პლატფორმაზე “თაობები ქვეყნისთვის” შეიქმნას ემიგრანტთა შვილებისთვის “ლადო აფხაზავას ევროპული სკოლა”, რომელიც ჩვენს შვილებს არა მარტო ქართულს შეაყვარებს და ასწავლის არამედ მათ საქართველოს ისტორიას შეაყვარებს და საქართველოს შეაყვარებს – რაც იმის საწინდარი გახდება, რომ ევროპასა თუ ამერიკაში დაბადებულ – დაფრთიანებული ახალგაზრდები თავისი ცოდნით და გამოცდილებით საკუთარ ქვეყანას დაუბრუნდნენ. კიდევ ბევრს საინტერესო იდეებისა და პროექტებზე ვისაუბრეთ , თუმცა სულ მალე დავიწყებთ კონკრეტულ პროექტებზე საუბარს და განხორციელებას ბატონ ლადოსთან, რათა ფრთები შევასხათ პირველ რიგში ემიგრანტი ბავშვებისთვის ქართული ენის სწავლების პროექტს, რასაც სამართლიანად, შეხვედრის დროს, “ლადო აფხაზავას ევროპული სკოლის” სახელი შევურჩიეთ” – გვითხრა ბეროზაშვილმა.