“რუსი დიქტატორი მორიგ სიმულაციურ არჩევნებს ატარებს… ეს ჰააგის სკამზე უნდა დასრულდეს”, – ამის შესახებ უკრაინის პრეზიდენტმა ვოლოდიმირ ზელენსკიმ საღამოს ტრადიციულ ვიდეომიმართვაში განაცხადა და აღნიშნა, რომ პუტინს სამართლიანობის ეშინია.
“ამ დღეებში რუსი დიქტატორი მორიგ სიმულაციურ არჩევნებს ატარებს. მსოფლიოში ყველას ესმის, რომ ეს ფიგურა, როგორც ისტორიაში ხშირად ხდებოდა, უბრალოდ დაავადებულია ძალაუფლებით და ყველაფერს აკეთებს, რომ ქვეყანა სამუდამოდ მართოს. არ არსებობს ბოროტება, რომელსაც ის არ ჩაიდენს პირადი ძალაუფლების გასახანგრძლივებლად. მსოფლიოში არავინაა, ვინც ამისგან დაზღვეული იქნებოდა.
მადლობა თითოეულ სახელმწიფოს, თითოეულ ლიდერს, ყველა საერთაშორისო ორგანიზაციას, რომელიც ამ ყველაფერს თავის სახელს უწოდებს.
ყველაფერი, რასაც რუსეთი უკრაინის ოკუპირებულ ტერიტორიაზე აკეთებს, დანაშაულია. სამართლიანი შურისძიება უნდა იყოს იმ ყველაფრისთვის, რაც ამ ომში რუსმა მკვლელებმა პუტინის უწყვეტი ძალაუფლებისთვის გააკეთეს. მას ყველაზე მეტად მხოლოდ ერთი რამის ეშინია – სამართლიანობის. არჩევნების ამ სიმულაციაში ლეგიტიმაცია არ არის და არც შეიძლება იყოს. ეს ჰააგის სკამზე უნდა დასრულდეს. ეს არის ზუსტად ის, რაც ჩვენ უნდა უზრუნველვყოთ, ყველამ მსოფლიოში ვინც სიცოცხლეს და წესიერებას აფასებს”, – განაცხადა ზელენსკიმ.
მსგავსი სტატიები:
“ძალიან სუსტი მთავრობაა და წულუკიანი რას უშველის კულტურას?”
გირაოთი გამოსვლა კაცური არაა- კობახიძე მელიაზე
“ოპოზიციავ, ნუ ცდით მოთმინებას!” – ვახო სანაია
1 კვირაში, შესაძლოა, კვერცხი 10-15%-ით გაძვირდეს – მწარმოებლები
ნევროლოგი სააკაშვილზე : საქართველოში ჩვენ მას ვერ მოვუვლით, არ არის შესაბამისი გამოცდილება
“ბუჩასა და კრემატორსკში ჩადენილ სიმხეცეზე, რუსები „ნაცისტებს“ ადანაშაულებენ და „ჰოლივუდის მსახიობების სპექტაკლს“ უწოდებენ”
“მთავარი არხის” განცხადება “ვანოს შოუს” გუნდის მიერ ტელევიზიის დატოვებასთან დაკავშირებით
მოვახერხე და მეშვიდედ შევინარჩუნე ევროპის ჩემპიონის ტიტული, ვპირდები გულშემატკივარს, რომ კიდევ ბევრ წარმატებას მოგიტანთ – ლაშა ტალახაძე