საფრანგეთის ელჩი საქართველოში, შერაზ გასრი ქართული ოცნების მიერ რუსული კანონის ხელახლა ინიცირებას ეხმაურება.
სოციალურ ქსელში გასრი წერს, რომ გამჭვირვალობის მოთხოვნა სამოქალაქო საზოგადოების შეზღუდვის ინსტიტუტი არ უნდა გახდეს.
“რაც შეეხება “უცხოური გავლენის აგენტის” კანონის ხელახალ შემოღებას: გამჭვირვალობა არ უნდა იქნეს გამოყენებული, როგორც სამოქალაქო საზოგადოების თავისუფალი მოქმედების შესაძლებლობების შეზღუდვის ინსტრუმენტი”, – წერს საფრანგეთის ელჩი.
***
ქართულმა ოცნებამ გამჭვირვალობის კანონი პროექტი პარლამენტში დაარეგისტრირა. ინფორმაცია, რომ კანონის ხელახლა ინიცირებას აპირებდნენ, მმართველმა გუნდმა 3 აპრილს გააჟღერა.
კანონპროექტი ქართულმა ოცნებამ თავდაპირველად 2023 წლის თებერვალში დაააინიცირა, რასაც მასშტაბური საზოგადოებრივი პროტესტი მოჰყვა.
პროტესტის შედეგად ქართულმა ოცნებამ “უცხოური გავლენის გამჭვირვალობის შესახებ” კანონპროექტის გაწვევის შესახებ 9 მარტს განაცხადა, 10 მარტს კი პლენარულ სხდომაზე ჩააგდო.
კანონპროექტის საწინააღმდეგო პროტესტი 7-8 მარტს პარლამენტის მიმდებარე ტერიტორიაზე მიმდინარეობდა. აქციები იყო ქუთაისში, ბათუმში და სხვა ქალაქებშიც.
თბილისში პოლიციელებმა მშვიდობიანი აქცია წყლის ჭავლით, წიწაკის სპრეითა და ცრემლმდენი გაზით დაარბიეს.
რამდენიმესაათიანი მცდელობების მიუხედავად ხალხი არ იშლებოდა, რის შემდეგაც პოლიციამ აქციის მონაწილეების დაკავება ძალისმიერი მეთოდებით დაიწყო.
პოლიციელები მუშაობაში ხელს უშლიდნენ მედიის წარმომადგენლებს და ჟურნალისტებზე ძალადობის ფაქტებიც დაფიქსირდა. 9 მარტს შსს-მ ადმინისტრაციული წესით დაკავებული ყველა პირი, 133 ადამიანი გაათავისუფლა.
მსგავსი სტატიები:
2020 წელს შიმშილით 7 მილიონი ადამიანი დაიღუპა
ვიდეო: „ღარიბაშვილმა ჭირისუფალს მოპარა გვამი, რომ თავის ექსპერტიზას დაადებინოს ის დასკვნა, რომელიც აწყობს”
“ჩემი მხარდაჭერა ირაკლი ღლონტს! ხმა მივცეთ განვითარებასა და ქვეყნის წინსვლას!” – მანუჩარ კვირკველია
ბესიკ თამლიანს ბრალი წარუდგინეს
გაფლანგული მილიონები თავდაცვის სამინისტროში – საგანგაშო დასკვნა
‘სარდაფში მიაგნეს..გაკოჭილი, მუხლებზე დაყენებული, ნაწამები და მერე დახვრეტილი მშვიდობიანი უკრაინელები”
ავარია ქობულეთში – დაშავდა 9 ადამიანი, მათ შორის 2 ბავშვი
კენიის პარლამენტი….ივანიშვილის ბაობაბებთან დაკავშირებით…. საეჭვო გარიგებას იძიებს