დეა კულუმბეგაშვილის პირველმა სრულმეტრაჟიანმა ფილმმა “დასაწყისი” იტალიაში გამართული ტრიესტეს საერთაშორისო ფესტივალზე გაიმარჯვა. სურათმა საუკეთესო სრულმეტრაჟიანი ფილმის წოდება მოიპოვა.
ფესტივალის მთავარი ჯილდო საუკეთესო ფილმისთვის წარადგინა ჟიურის წევრმა პაოლო ბერტოლინმა, რის შემდეგაც დაჯილდოვების ცერემონიას თბილისიდან ონლაინ ფილმის ავტორი შეუერთდა.
“დიდი მადლობა ჟიურის წევრებს, ფესტივალს და ყველა იმ ადამიანს, რომელმაც კინოფესტივალის ჩატარებაში მიიღო მონაწილეობა. დიდი მადლობა კინოს მხარდაჭერისთვის. ძალიან ბედნიერი ვარ, მადლობა”. – ამბობს ვიდეოჩართვაში ქართველი რეჟისორი.
ტრიესტეს საერთაშორისო კინოფესტივალს ოცდაათწლიანი ისტორია აქვს. წლევანდელ დაჯილდოებას 50-დე მხატვრული, მოკლემეტრაჟიანი და დოკუმენტური ნამუშევარი იყო წარდგენილი.
ფილმი ქართულ-ფრანგული ერთობლივი წარმოებაა, რომელმაც ეროვნული კინოცენტრის სადებიუტო სრულმეტრაჟიანი მხატვრული ფილმის კონკურსიდან მოიპოვა დაფინანსება. სცენარი კულუმბეგაშვილსა და რატი ონელს ეკუთვნით. მთავარ როლებს ია სუხიტაშვილი, რატი ონელი, კახა კინწურაშვილი და საბა გოგიჩაიშვილი ასრულებენ. გადაღებები ლაგოდეხის მუნიციპალიტეტში მიმდინარეობდა.
გასულ წელს სურათმა ტორონტოს კინოფესტივალის ჟურნალისტების ასოციაციის ჯილდო მიიღო. მოგვიანებით კი სან-სებასტიანის ტრიუმფატორი გახდა, როდესაც საუკეთესო ფილმის, რეჟისორის, სცენარისა და მსახიობი ქალის კატეგორიებში გაიმარჯვა. “დასაწყისი” 2020 წლის კანის საერთაშორისო კინოფესტივალის საკონკურსო პროგრამაში მოხვდა. ფილმი საქართველოს სახელით “ოსკარის” ნომინაციისთვის იბრძვის.
მსგავსი სტატიები:
“სანდრომ მითხრა, ანზორ, შენ იცი, 6 დღეა, ნიკა სახლში არ მოსულა, ეს როგორ შეიძლებაო”
გერმანიაში სამუშაოდ წასულებს ხელფასი საქართველოში დაერიცხებათ
ბუბა კიკაბიძის წილები კუს ტბაზე და ელისო ბოლქვაძის უძრავი ქონება
2021 წლის ქუჩის სტილი: გაზაფხულის საუკეთესო ვარიანტები
მართლმადიდებელი ეკლესია დღეს მაცხოვრის ამაღლებას ზეიმობს
“კონკია” 63 წლის ასაკში გარდაიცვალა
ნინოწმინდის პანსიონს მეუფე იაკობი უხელმძღვანელებს
რა სიმპტომები მიგვანიშნებს ინდურ შტამზე – პაატა იმნაძე