კობახიძე აშშ-სა და EU-ს წევრი ქვეყნების ელჩებს რუსულ კანონზე “საჯარო დისკუსიას” სთავაზობს

მთავრობა საქართველოს პრემიერმინისტრის ირაკლი კობახიძის განცხადებას ავცრელებს, სადაც ის აშშ-სა და ევროკავშირის წევრი ქვეყნების ელჩებს რუსულ კანონთან დაკავშირებით “საჯარო დისკუსიას” სთვაზობს.

“ელჩები პერიოდულად ითხოვენ შეხვედრებს დახურულ რეჟიმში. შეხვედრებზე არასდროს გვითქვამს უარი და დახურული შეხვედრებისთვის სამომავლოდაც მზად ვართ. თუმცა, გამომდინარე იქიდან, რომ გაუმჭვირვალე პოლიტიკური დისკუსია უცხოური გავლენის გამჭვირვალობის შესახებ კანონპროექტის გარშემო აზიანებს ქართული საზოგადოების ნდობას ჩვენი პარტნიორი ქვეყნების მიმართ, ვთავაზობ ამერიკის შეერთებული შტატების, ევროკავშირის და ევროკავშირის წევრი ქვეყნების ელჩებს, გავმართოთ საჯარო დისკუსია ამ კანონპროექტის შესახებ”, – ამბობს კობახიძე.

მისი თქმით, აფასებენ მოქმედი ელჩების ყველა მხარდამჭერ ნაბიჯსა და განცხადებას, რომელიც საქართველოს საერთაშორისო პოზიციების გამყარებისკენ არის მიმართული, თუმცა აქვე წერს, რომ უცხოელი დიპლომატები “განსაკუთრებით ინტენსიურად ცდილობენ, შეითავსონ კანონმდებლის ფიქცია”.

“აქტიური მონაწილეობა მიიღონ კანონშემოქმედებით პროცესში და წარმომადგენლობითი დემოკრატიის უმთავრეს ორგანოს – ქართველი ხალხის მიერ არჩეულ პარლამენტს უკარნახონ, რომელი კანონი მიიღოს და რომელი არა.
მიუხედავად იმისა, რომ პოლიტიკური ოპოზიციის ჩანაცვლების ეს პრაქტიკა დიპლომატიის სტანდარტებს არ შეესაბამება, ოპოზიციის პოლიტიკური და ინტელექტუალური რესურსების სიმწირის გათვალისწინებით, ჩვენ მას გარკვეულწილად გაგებით შეგვიძლია მოვეკიდოთ. თუმცა, გაგებით ვერ მოვეკიდებით ასევე ფართოდ გავრცელებულ პრაქტიკას, როდესაც უცხოელი დიპლომატები დახურულ კარს მიღმა ჩვენს არგუმენტებს არგუმენტებით ვერ პასუხობენ და საჯარო სივრცეში საფუძველს მოკლებულ პოლიტიკურ განცხადებებს მაინც აკეთებენ”, – ნათქვამია განცხადებაში.

კობახიძე ამტკიცებს, რომ გასული დღეების განმავლობაში უცხოელი დიპომატებისგან “უცხოური გავლენის გამჭვირვალობის შესახებ” კანონპროექტზე გაჟღერებული კრიტიკული განცხადებები ყოველგვარ არგუმენტსა და დასაბუთებას მოკლებული იყო.

“მიმაჩნია, რომ გამჭვირვალობა და საჯაროობა მანკიერების თავიდან აცილების საუკეთესო საშუალებაა. უსაფუძვლო კრიტიკას, რომელსაც უცხოელი დიპლომატებისგან ხშირად ვისმენთ ხოლმე, საზოგადოება შესაბამის ქვეყნებზე განაზოგადებს, რაც სერიოზულ რისკებს შეიცავს. ქართულ საზოგადოებას უნდა შევუნარჩუნოთ ნდობა პარტნიორი ქვეყნების მიმართ, რაზე ზრუნვაც ჩვენი ვალი და პასუხისმგებლობაა. დარწმუნებული ვარ, ხელისუფლების ლიდერებსა და ელჩებს შორის საგნობრივი დისკუსიის პირდაპირ ეთერში გადაცემის პირობებში, ქართული საზოგადოება შეიქმნის ბევრად უფრო ნათელ წარმოდგენას კანონპროექტის არსისა და სახელმწიფო სუვერენიტეტის დაცვისთვის მისი მიღების აუცილებლობის შესახებ”, – ვკითხულობთ განცხადებაში.

გააზიარეთ და მოიწონეთ სტატია:

მსგავსი სტატიები:

“საქართველოში არანაირი პოლიტპატიმარი არ არსებობს“-გივი მიქანაძე ენმ ჩიხშია…ყველაზე არასერიოზულ პარტიად გამოირჩნენ – იონათამიშვილი “შემოდის რეგულაცია…”– რა ახალ რეგულაციაზე საუბრობს გამყრელიძე სააკაშვილის პატიმრობა და მარგველაშვილის შეთავაზება ზურაბიშვილს – ითამაშებენ თუ არა გადამწყვეტ როლს ექსპრეზიდენტი და მოქმედი პრეზიდენტი პოლიტიკური კრიზისის დაძლევაში? გურიის რეგიონალური ჩემპიონატის გამარჯვებული ქალთა შორის,ოზურგეთის N 2 საჯარო სკოლის მოსწავლე, ნათია ვასაძე გახდა “დღეს ვიმკით სასამართლოს უმოქმედობისა და პენიტენციურის მოქმედებების შედეგს” – მიხეილ სააკაშვილის პროცესი იწყება კადიროვი პუტინის გამოსვლისას ატირდა ქალბატონო ელჩო დეგნან! თქვენს პრესტიჟს აუნაზღაურებელი ზიანი არ მიაყენონ – გოგა ხაინდრავა