კომპანია „ეტალონის“ დაუსრულებელი შენობა საზღვარგარეთ მოღვაწე ოზურგეთელმა ბიზნესმენებმა შეიძინეს
ქალაქ ოზურგეთში, გოგებაშვილის ქუჩაზე, კულტურისა და დასვენების პარკის უკან (მეოთხე საჯარო სკოლის გასწვრივ) მიმდინარე წელს 5 სართულიანი თანამედროვე საცხოვრებელი კორპუსის მშენებლობა იგეგმება.
როგორც „გურიის მოამბეს“ ე.წ. ყოფილი საბურავების ქარხნის დაუსრულებელი შენობის მეპატრონემ, კომპანია „ეტალონის“ წარმომადგენელმა, ნოდარი გოგუამ უთხრა, შენობა კომპანიამ ამ დღეებში გაყიდა წარმოშობით ოზურგეთელ ბიზნესმენებზე:
„ჩემს ხელთ არსებული ინფორმაციით, ისინი აპირებენ განსხვავებული არქიტექტურული, ხუთსართულიანი საცხოვრებელი კორპუსის მშენებლობას, საუბარია დაახლოებით 50 საცხოვრებელ ბინაზე, ბინები თავისთავად მშემებლობის მიმდინარეობისას და დასრულების შემდეგ გაიყიდება“ – გვითხრა გოგუამ.
მისივე თქმით, ამდროისათვის, მყიდველები, ოზურგეთის მერიის შესაბამის სამსახურებთან, მშენებლობის უფლების მოპოვებისათვის დოკუმენტაციას ათანხმებენ.
ბიზნეს გარიგებამ, ჩვენი ინფორმაციით, 70 ათასი ლარი შეადგინა.
ეს მშენებლობა გასული საუკუნის 90 იან წლებში შეჩერდა და არც განახლებულა.
თავიდანვე ის როგორც საცხოვრებელი კორპუსი ისე იყო ჩაფიქრებული, თუმცა საბჭოთა კავშირის რღვევის შემდეგ კომპანიას, (ყოფილი საბურავების ქარხანა) მის დასასრულებლად სახსრები არ აღმოაჩნდა.
ოზურგეთის საბურავების ქარხანა ე.წ. საკავშირო დაქვემდებარების იყო და მას პრობლემები მას შემდეგ შეექმნა, როცა საქართველომ დამოუკიდებლობა გამოაცხადა და საბჭოთა კავშირს გამოეყო.
სურათი კავშირში არ არის ინფორმაციასთან
მსგავსი სტატიები:
რა გახდა მადლიერების ტრადიციად ქცევა! – გიორგი კალანდია გაბუნიას მონოლოგზე
კარტოგრაფების მხარდაჭერის შემდეგ, დანიაში საქართველოს ელჩი რეზერვში გადაჰყავთ
ვინ არის ჯოზეფ რობინეტ ბაიდენი?
რა სთხოვა პრინცმა ფილიპმა შვილს სიკვდილამდე რამდენიმე დღით ადრე
ნავთობის ფასი შემცირდა
პოლიციელებზე თავდასხმაში ბრალდებულ 13 პირს, 2 თვიანი წინასწარი პატიმრობა შეეფარდა
გამყრელიძე: ჯერ არ გადავმდგარვარ და რა ვქნა ახლა
გომის მთაზე ასასვლელი გზის სარეაბილიტაციო სამუშაოები აქტიურად მიმდინარეობს