ვასილ ჩიგოგიძის ბიუროს უფროსად ქეთი ვასაძე ინიშნება

გურიის მაჟორიტარი დეპუტატის ბიუროს  (ოზურგეთის ოფისის) უფროსად “ქართული ოცნების”  ოზურგეთის რაიონული ორგანიზაციის ახალგაზრდული ფრთის ლიდერი, ქეთი ვასაძე, ინიშნება.

ამის შესახებ “გურიის მოამბეს” მმართველი პარტიის ოზურგეთის ოფისიდან აცნობეს.

როგორც წყარო იტყობინება გადაწყვეტილება ადგილზე მმართველმა პარტიამ მიიღო.

რაც შეეხება თავად ჩიგოგიძეს, გავრცელებული იფორმაციით, ის გადაწყვეტილების მიღების პროცესში არ ჩაერთვება.

როგორც “გურიის მოამბეს” მასთან დაახლოებულმა პირმა აცნობა, გურიის მაჟორიტარის მთავარი მიმართულება მხარის მუნიციპალიტეტში მიმდინარე ინფრასტრუქტურული პროექტები და გამოცხადებული ტენდერებია:

“იმ შემთხვევაში თუ მოქმედი პარლამენტი სიცოცხლისუნარიანი დარჩა, ჩიგოგიძე მხოლოდ ტენდერებით და მასში, მასთან დაახლოებული კომპანიების გამარჯვებით იქნება დაინტერესებული, მსგავსი ტიპის საკადრო გადაწყვეტილებებზე ის უბრალოდ დროს არ დაკარგავს” – გვითხრა მეორე წყარომ, რომელიც პარლამენტარ ჩიგოგიძის გარემოცვაშია.

მისივე ინფორმაციით, მსგავსი ტიპის დაინტერესების (ტენდერები) პირველივე მცდელობა ჩოხატაურში ადგილობრივ მაღალჩინოსნებს შორის მუშტიკრივში გადაიზარდა.

გააზიარეთ და მოიწონეთ სტატია:

მსგავსი სტატიები