“ონლაინ გაკვეთილებმა შედეგი ვერ დადო”

გურიის რეგიონში სკოლები ძალიან კარგად შეხვდნენ სასწავლო პროცესის დაწყებას. ყველა პირობა შექმნილია, – ამის შესახებ სოფელ ჩიბათის სკოლის მასწავლებელმა ლადო აფხაზავამ, “დღის კურიერის” ეთერში გურიის რეგიონში სწავლების პროცესის განახლებასთან დაკავშირებით საუბრისას განაცხადა.

მისივე თქმით, ონლაინ სწავლება რთული აღმოჩნდა და სწავლის პროცესში მასწავლებლებმა ბევრი შეცდომა დაუშვეს.

“გურიის რეგიონში სკოლები ძალიან კარგად შეხვდნენ სასწავლო პროცესის დაწყებას. ყველა პირობა შექმნილია იმისათვის, რომ ის რეკომენდაციები, რომლებიც არსებობს, გავითვალისწინოთ. ეს არის დეზობარიერი, პირბადეები და ა.შ. უბრალოდ, დიდი ყურადღებაა იმისათვის საჭირო, რომ ბავშვებთან ძალიან ახლო კონტაქტები არ იყოს. თუმცა, მე ვფიქრობ უფრო ადრე რომ დაწყებულიყო სწავლა, კარგი იქნებოდა, რადგან თითქმის ერთი წელი გავიდა, რაც ბავშვებს ერთმანეთი არ ჰყავდათ ნანახი. ონლაინ გაკვეთილები კი ორმაგად რთული აღმოჩნდა.

ახლა კი, მასწავლებლებს გვიდგას ის დრო, რომ ჩვენი ონლაინ გაკვეთილების პერიოდში ნასწავლი მასალა გადავამოწმოთ, რამდენად შედეგიანი იყო. მასწავლებლები ვსაუბრობთ იმაზე, თუ რა შეცდომები დავუშვით ამ პერიოდში, როგორ შეიძლებოდა უფრო კარგი საგაკვეთილო პროცესები მიგვეწოდებინა ბავშვებისთვის. რომ ვთქვა, 100%-ით გაამართლა ონლაინ სწავლებამო, ასე არ არის. არ გვქონდა ციფრული კომპეტენციები თუ როგორ უნდა მოვქცეულიყავით, მაგრამ შევძელით და მიხარია, რომ საქართველოს მასწავლებლებმა ძალიან რთული სამუშაო შეასრულეს. ყველაფერს ვაკეთებდით, მაგრამ შედეგი ისეთი ვერ დაიდო, როგორიც საჭირო იყო”, – განაცხადა ლადო აფხაზავამ.

გააზიარეთ და მოიწონეთ სტატია:

მსგავსი სტატიები:

ბავშვი, რომელიც ეხება მუსიკას, ბეთჰოვენის ჰანგებს, არ შეიძლება იყოს ცუდი ადამიანი- ბოლქვაძე დეგნანი: არ ვეთანხმები ოპოზიციის შემზღუდავ კანონს, იმედია, მიღებამდე გადაიხედება “გახარია “ქართული ოცნების” ხმებზე დაჯდება” ჩვენ გვჭირდება გადატვირთვა – “ლელო” ხელმოწერების შეგროვებას იწყებს კარლ ჰარცელი: „პროცესები, რომლებიც მიმდინარეობდა საქართველოში, საკანონმდებლო ორგანოში გადაინაცვლებს“ “საქართველო ბევრი წელია სიძულვილის მორევში იხრჩობა” სალომე ზურაბიშვილი გიორგი რურუას 27 აპრილს შეიწყალებს “ივანიშვილი დიდი დილემის წინაშე დგას… კობახიძეს მომავალს არ გადააყოლებს” – დავით ჭიჭინაძე