რუმინეთში ნათლობის რიტუალისას 6 კვირის ჩვილი გარდაიცვალა

რუმინეთის ერთ-ერთ ქალაქ სუჩავაში ნათლობის რიტუალის დროს მიღებული დაზიანების შედეგად 6 კვირის ჩვილი გარდაიცვალა. BBC-ის ცნობით, ბავშვი ცუდად მას შემდეგ გახდა, რაც ის წყალში სამჯერ ჩაუშვეს, შემდეგ კი მის ფილტვებში წყალი აღმოაჩინეს.

ბრიტანული მედიის ცნობით, მომხდარიდან რამდენიმე საათის შემდეგ მართლმადიდებლური ეკლესიის მთავარეპისკოპოსმა, შემდგომი ტრაგედიის თავიდან ასაცილებლად, ასეთი რიტუალის ჩატარების გადახედვის აუცილებლობაზე ისაუბრა.

60 000 ადამიანმა ნათლობის ცერემონიის ცვლილების პეტიციას ხელი უკვე მოაწერა.

ადგილობრივმა პროკურატურამ საქმეზე გამოძიება იმ მღვდელთან დაკავშირებით დაიწყო, რომელიც ნათლობის რიტუალს ასრულებდა.

გააზიარეთ და მოიწონეთ სტატია:
Pin Share