თუ ჩვენი საზოგადოების წევრობა გინდა, ისე უნდა მოიქცე, როგორც მისი წევრი – ო’ბრაიენი

აშშ-ის სახელმწიფო მდივნის თანაშემწემ, ჯეიმს ო’ბრაიენმა სახელმწიფო დეპარტამენტში დღეს გამართულ ბრიფინგზე გამჭვირვალობის კანონსა და ქართული ოცნების ანტიდასავლურ განცხადებებზე ისაუბრა.

“ჩვენ ვთვლით, რომ ეს კონკრეტული კანონი [უცხოეთის გავლენის გამჭვირვალობის შესახებ], მისი თანმხლები რიტორიკა და დემონსტრანტების წინააღმდეგ გამოყენებული ძალადობა, წინააღმდეგობაშია საქართველოს მიერ არჩეულ გზასთან, იაროს ევროკავშირისა და NATO-სკენ”, – თქვა მან.

ამერიკის ხმის ჟურნალისტის კითხვაზე პასუხად ო’ბრაიენმა განაცხადა, რომ აშშ-ის მიერ სანქციების გამოყენება იძულება არ არის და დაამატა, რომ საქართველოს მთავრობის ქმედებები “თავსებადი არაა, როგორც გაწევრიანების მცდელობასთან, ისე რეალურად გაწევრიანებასთან.”

აშშ-ის სახელმწიფო მდივნის თანაშემწემ კიდევ ერთხელ გაიმეორა, რომ შეზღუდვები სანქციების სიაში მომხდარი ადამიანების ოჯახის წევრებსაც დაეკისრებათ.

“კიდევ ერთხელ, ეს არ არის იძულებითი ტაქტიკა, ეს განცხადებაა, რომ თუ გსურს იყო ჩვენი საზოგადოების წევრი, მათ შორის ისარგებლო ისეთი უპირატესობებით, როგორიცაა აირჩიო ნებისმიერი სკოლა, სადაც გინდა, რომ შენი შვილი სწავლობდეს, მაშინ უნდა დაიწყო ისე ქცევა, როგორც ამ საზოგადოების წევრს შეეფერება. მხოლოდ ესაა, რასაც ვამბობთ”, – განაცხადა მან.

ო’ბრაიენმა ასევე დაგმო პოლიციელების მხრიდან აქციის მონაწილეების მიმართ ძალის გადამეტების შემთხვევები და ასევე მთავრობის მოწინააღმდეგე აქტივისტების ფიზიკური ანგარიშსწორება. მისი თქმით, ამგვარი ქმედებები “შეუთავსებელია იმ მისწრაფებებთან, რის შესასრულებლადაც [მოქალაქეებმა] მთავრობა აირჩიეს”.

გააზიარეთ და მოიწონეთ სტატია:

მსგავსი სტატიები:

ჰანს კლუგე – გვირაბის ბოლოს სინათლე შეინიშნება, რადგან უკვე არსებობს იმედი ვაქცინის მიღებაზე, მაგრამ ამას მაინც დასჭირდება დრო “პუტინი მკვლელია, ის ტირანია”-ადამ კინზინგერი ივანიშვილს როგორც ჩემს ძმას ისე ვიცავდი, ეს არის ჩვენი ძმობა? – ჩეჩენი ბიზნესმენი რა ქონებას ფლობს ჟურნალისტზე მოძალადე ვასილ ჩიგოგიძე კვერცხი – 41%-ით, ზეთი – 40%-ით, კარტოფილი – 33%-ით – პროდუქტები, რომელიც დეკემბერში ყველაზე მეტად გაძვირდა რა სამუშაოებზე საქმდებიან სოციალურად დაუცველები, რომლებსაც მუშაობის სურვილი აქვთ – მთავრობის პროგრამის დეტალები ალი-ყული ჯაბადარი – ქართველი მხატვარი ირანში აკეთელი გლეხები თავიანთ სკოლაში თავადაზნაურთა და სასულიერო პირების შვილებს არ უშვებდნენ