“თქვენ მიიპყარით მსოფლიოს ყურადღება… ერთად ვდგავართ კრემლის ბნელ ხანაში საქართველოს დაბრუნების მცდელობის წინააღმდეგ”, – MEGOBARI Act-ის ავტორი, კონგრესმენი და ჰელსინკის კომისიის თავმჯდომარე ჯო უილსონი საქართველოს დამოუკიდებლობის დღეს ულოცავს. ამის შესახებ მის მიმართვაშია საუბარი.
”მივესალმები საქართველოს არაჩვეულებრივ ხალხს. ქალბატონებო და ბატონებო, მე ვარ კონგრესმენი ჯო უილსონი სამხრეთ კაროლინიდან და ძალიან მადლობელი ვარ, ვიყო ევროპაში უსაფრთოხებისა და თანამშრომლობის ორგანიზაციის – ჰელსინკის კომისიის თავმჯდომარე. ყოველივე საუკეთესოს გისურვებთ საქართველოს დამოუკიდებლობის დღის იუბილესთან დაკავშირებით, მნიშვნელოვანია ეს სულისკვეთება.
თქვენ მიიპყარით მსოფლიოს ყურადღება და მადლიერება, რადგან იცავთ ქართველი ხალხის თავისუფლებასა და ნათელ მომავალს.
ჩვენ ერთად ვდგავართ კრემლის ბნელ ხანაში საქართველოს დაბრუნების მცდელობის წინააღმდეგ, მათ წინააღმდეგ ვინც თავს ესხმის ქართველი ხალხის ნებას და ეჭვქვეშ აყენებს ჩვენს კავშირს. ჩვენ გვაერთიანებს ცოდნა, რომ მტრები დამარცხდებიან და საქართველოს ხალხი გაიმარჯვებს.
როგორც ჰელსინკის კომისიის თავმჯდომარემ, მე ჩემს კოლეგა კომისრებთან ერთად წარმოვადგინე MEGOBARI აქტი, რათა კონგრესის წინაშე პასუხისმგებლობა დავაკისრო მათ, ვინც თავს ესხმის დემოკრატიას. ამ კანონმდებლობის სულისკვეთება ასევე გულისხმობს პირობის დადებას, რომ ვიმუშაოთ ჩვენს საერთო მიზანზე – ძლიერი, დამოუკიდებელი და თავისუფალი საქართველოს შენარჩუნებისთვის.
ღმერთმა დაგლოცოთ, გილოცავთ საქართველოს დამოუკიდებლობის დღეს. ამერიკელი ხალხი დგას ქართველი ხალხის გვერდით, როცა თქვენ დგახართ თავისუფლების და დემოკრატიის სადარაჯოზე, რაც მსოფლიოს სიმბოლოა” – განაცხადა უილსონმა.
მსგავსი სტატიები:
“ჯერ არ უთქვამთ ოპოზიციამ მოწამლული სიმინდი დათესაო ?“ – ნატო ჩხეიძე
ვინ არის ექვთიმე თაყაიშვილის შთამომავალი, რომელიც კონსტიტუციის 100 წლის იუბილეს დაესწრო
ვინ არის მერობის კანდიდატი, რომლის გვარი მმართველ პარტიაში არც კი იციან
პროტესტი – სამეგრელო- ზემო სვანეთის სასაზღვრო პოლიციის სამმართველოს უფროსმა თანამდებობა დატოვა
“დიდი მადლობა ყველას!ნუ გეშინიათ…მე არ მეშინია…ძალიან სწრაფად უნდა დავიბრუნოთ ჩვენი ქვეყანა ოლიგარქებისგან!”-მიხეილ სააკაშვილი
როგორია პერსონალური რეიტინგი – IRI-ის კვლევა
სიღარიბეს გამოქცეული ოჯახი – შეიფარებს თუ არა ოზურგეთი 5 მცირეწლოვანს
ნაფტალინიდან ამოღებული აგენტები გამოაგორეს – ირაკლი კობახიძე