ტელეგრამ არხ Агентство -ს ინფორმაციით, ბოტებმა, რომლებიც სავარაუდოდ, რუსეთის ხელისუფლებასთან არიან დაკავშირებული, ბოლო 24 საათში 120 ათასი პოსტი გამოაქვეყნეს ცნობილი ადამიანების სახელით და ყალბი ციტატებით. ჯენიფერ ენისტონს, სკარლეტ იოჰანსონს, ალენ დელონს, ანჯელინა ჯოლის, ლუკ ბესონს, ელტონ ჯონს, ლიონელ მესისა და სხვებს მიაწერდნენ ციტატებს, რომლებითაც დასავლეთის ქვეყნებს უკრაინის დახმარების შეწყვეტისკენ მოუწოდებდნენ.
საუბარია Двойник-ის ქსელის ბოტებზე, რომლებსაც Агентство მოიხსენიებს, როგორც კრემლის დეზინფორმაციის ყველაზე დიდი ქსელი, რომელიც მუშაობს დასავლელი აუდიტორიისთვის.
ჟურნალისტების ცნობით, პარასკევის საღამოდან მოყოლებული, ბოტებმა სოციალურ ქსელში X-ში 50 სურათი გამოაქვეყნეს ყალბი ციტატებით, რის შემდეგაც სხვა ანგარიშებმა 120 ათასზე მეტჯერ გადააკეთეს ისინი. პოსტებს უკვე რამდენიმე ასეული ათასი ნახვა აქვს.
ბოტებმა გამოაქვეყნეს ფოტოები ინგლისურ, ფრანგულ, გერმანულ და პოლონურ ენებზე წარწერებით.
ბოტები ცნობილი ადამიანების სახელით წერდნენ, რომ „ევროკავშირი იშლება“ და „ევროპა გაღატაკებულია“. მაგალითად, “ელტონ ჯონი” წერს: „ჩვენ ჩავვარდით უკრაინის ხაფანგში. ახლა ევროკავშირი იშლება“.
“სააგენტო” აღნიშნავს, რომ ეს არ არის პირველი შემთხვევა, როდესაც რუსეთიდან მართულ ბოტები მასიურად აქვეყნებენ სოციალურ ქსელებში ცნობილი ადამიანების ფრაზებს, რომლებიც მათ არასდროს უთქვამთ.
მაგალითად, 2023 წლის ნოემბერში, რუსეთის მთავრობასთან დაკავშირებულმა ანგარიშებმა გაავრცელეს ბიონსეს, ოპრა უინფრის, რონალდუსა და სხვა ვარსკვლავების ყალბი ციტატები, რომლებიც “მოითხოვდნენ”, რომ დასავლეთს შეეწყვიტა უკრაინის დახმარება.
მსგავსი სტატიები:
“ყველა პარტიასთან არსებობს რაღაც ტიპის საუბრები“-მდინარაძე
ირაკლი კობახიძე ადამ კიზინგერის ხისტ განცხადებას მოისმენს – თავისუფლება პოლიტპატიმრებს, დანიშნეთ ვადამდელი არჩევნები
ამ კაცმა თავის ყველა მეზობელს სიმყუდროვე და კომფორტი შეუქმნა – თემურ თათარაშვილი
დედის შემდეგ, კორონავირუსით ინფიცირებული ტყუპებიც გარდაიცვალნენ
დაბა ურეკისა და წვერმაღალას მოსახლეობას სტაბილური წყალმომარაგება ექნება
„საქართველოს მთავრობამ უნდა გაიგოს, რომ მისი ქმედებები და ქცევები ძირს უთხრის ქვეყნის მომავალს“ – კრამერი
„ნუ მოკლავთ მიშას! ამ ტვირთის ტარება გაუჭირდება თითოეულ ქართველს!“ – გია როინიშვილი?
ორი დაიღუპა დაჭრილია ცხრა მებრძოლი მათგან სამის მდგომარეობა მძიმეა