დაავადებათა კონტროლის ეროვნული ცენტრი ავრცელებს რეკომენდაციებს, როგორ დავიცვათ ბავშვები ზაფხულის ცხელ დღეებში. NCDC აღნიშნავს, რომ ზაფხულის სეზონზე, ძლიერმა სიცხემ ბავშვებში შესაძლოა გამოიწვიოს სხვადასხვა ფორმის დაავადება.
- ძლიერმა სიცხემ შესაძლოა გამოწვიოს დეჰიდრატაცია, ორგანიზმის გამოფიტვა, კრუნჩხვითი მოვლენები, სისხლის მიმოქცევის მოშლა.
- დაუკავშირდით ექიმს თუ ბავშვს აქვს: სისუსტე, ძლიერი დაღლილობა, თავის ტკივილი, ცხელება, გულისრევა, ღებინება, დაბუჟება, ქცევის ცვლილებები (ძილიანობა, ცუდ გუნებაზე ყოფნა), ჩვეულებრივზე სწრაფი და ღრმა სუნთქვა.
- თუ შეამჩნიეთ, რომელიმე ეს სიმპტომი ძლიერი სიცხის დროს, გადაიყვანეთ ბავშვი გრილ ადგილას და მიეცით მას დიდი რაოდენობით სითხე.
- ყველაზე მაღალი რისკის ქვეშ არიან ის ბავშვები, რომლებსაც აქვთ სუნთქვის გაძნელება (ასთმა), გულ-სისხლძარღვთა და თირკმელების დაავადებები, დიარეა, შეზღუდული გონებრივი და ფიზიკური შესაძლებლობები.
- აბანავეთ ბავშვი გრილ წყალში მანამ, სანამ არ იგრძნობს თავს ხალისიანად.
- თუ იყენებთ ვენტილატორს, დადგით იგი ბავშვისგან უსაფრთხო მანძილზე და აკონტროლეთ ჰაერის ნაკადის მიმართულება.
- გარეთ გასვლა დაგეგმეთ დღის უფრო გრილ პერიოდში.
- თუ ხართ ისეთ ადგილზე, სადაც შეინიშნება კოღოების აქტიურობა, დაიცავით კანის თავისუფალი ზედაპირი მწერების საწინააღმდეგო საშუალებებით და მიჰყევით ამ საშუალების მწარმოებლის ინსტრუქციას.
- არასდროს დატოვოთ ბავშვი გაჩერებულ (პარკირებულ) ტრანსპორტში ან მზის სხივების ქვეშ. გრილი ტემპერატურის დროსაც კი მანქანაში შეიძლება ტემპერატურამ სწრაფად მოიმატოს. ღია ფანჯარის შემთხვევაშიც კი, 10 წუთში ტემპერატურამ შეიძლება მოიმატოს 6 გრადუსით.
- თუ მზის სხივების არიდება შეუძლებელია, გამოიყენეთ მზისგან დამცავი კრემი, რომელიც შეიცავს ულტრაიისფერი სხივების ფილტრს და მიჰყევით კრემის მწარმოებლის ინსტრუქციებს.
“მაქსიმალურად დაიცავით ბავშვი ძლიერი სიცხისგან, დააკვირდით მას და საეჭვო სიმპტომების გაჩენისთანავე, დაუკავშირდით ექიმს” – წერს ჯანდაცვის სამინისტრო.
გააზიარეთ და მოიწონეთ სტატია:
მსგავსი სტატიები:
“ივანიშვილი ცდილობს, სიღარიბე ქვეყანაში გაასაღოს, როგორც მემკვიდრეობით მიღებული რეალობა“-სააკაშვილი
კახა კალაძე კლინიკიდან გამოწერეს, მან მკურნალობა სახლში უნდა გააგრძელოს
საქართველოში წელს თხილის მოსავალი ბოლო 7 წლის განმავლობაში ყველაზე დიდი და ხარისხიანი იქნება
META: ბელარუსის KGB-მ მიგრანტების კრიზისის გამწვავებისთვის სოცმედიაში ყალბი ანგარიშები შექმნა
როგორი ამინდია მოსალოდნელი საქართველოში 18 თებერვლამდე – პროგნოზი
ცოლებით ვაჭრობა ინგლისში- რატომ ყიდდნენ ბრიტანელები საკუთარ ცოლებს და როდის დაფიქსირდა ბოლოს მსგავსი შემთხვევა?
„ფასი და ჯარიმები თუ არ გავზარდეთ, ენერგეტიკა აღარ გვექნება,“ – აფხაზური „ჩერნომორენერგო“ მასშტაბურ ცვლილებებს ითხოვს
“ლორდი ბაირონიც კი დაქირავებული მკვლელი, ქილერი ყოფილა “ოცნების” ლოგიკით”