რას უპირებს ბიძინა ივანიშვილი ძველმანების ბაზრობას? – მტკვრის მარჯვენა სანაპირო, მშრალი ხიდის მიმდებარე ტერიტორია, 4078 კვადრატული მეტრი მიწა დედაქალაქის შუაგულში, “ქართული ოცნების” დამფუძნებელს ეკუთვნის.
“შაბათის ეთერის” ინფორმაციით, მშრალი ხიდის ძველმანების ბაზრობის ტერიტორია იმ გამონაკლისებს შორისაა, რომელიც ივანიშვილმა არც “ქართუ ფონდის” და არც თანაინვესტირების ფონდის სახელზე არ გადააფორმა. ბაზრობას ძველ თბილისში ოლიგარქი ასოციაცია ,,ატუს’’ სახელზე ინახავს.
თბილისის მერი ამტკიცებს, რომ ძველმანებს ბაზრობაზე ივანიშვილს მშენებლობის უფლება ჯერ არ მოუთხოვია, თუმცა აქ დასაქმებულები ყვებიან, რომ ოლიგარქს მშრალ ხიდზე მშენებლობა ორჯერ ჰქონდა დაგეგმილი, მათ შორის ბოლო პროექტი – რუსული სკოლა იყო.
რისთვის ემზადება ივანიშვილი?
მკვლევარები ეჭვობენ, რომ გადამწყვეტი არჩევნების მოახლოებასთან ერთად, ბიძინა ივანიშვილი მთელი იმ უძრავი ქონების ფულად ქცევას ცდილობს, რომელიც 2020 წელს საქველმოქმედო ფონდ “ქართუს” სახელზე გადააფორმა და ხალხს უთხრა, რომ მათ ჩუქნის.
- უკვე ცნობილია, რომ ორთაჭალჰესი, ძველი მეცხრე არხის ტერიტორიაზე ცათამბჯენები აშენდება. “ლაგუნა ვერე” – აბრეშუმების ფაბრიკა, აქაც ცათამბჯენებს დგამს, იპოდრომი პარკი, ესეც სამშენებლო მოედნად იქცევა, ბერი გაბრიელ ქუჩა, აქაც ქარხნის ნაცვლად კორპუსები იქნება.
რა ბედი ელის მშრალ ხიდს?
“შაბათის ეთერის” ინფორმაციით, შემდეგი სამიზნე უკვე ძველმანების ბაზრობაა. კანონის თანახმად, საქველმოქმედო ფონდისთვის გადაცემულ ქონებას ბიძინა ივანიშვილი უკან ვეღარ დაიბრუნებს, თუმცა მკვლევარების თქმით, მან ფულის ამოღების სხვა სავარაუდო გზა იპოვა – 9 თვის წინ საქველმომქედო ფონდისთის გადაფომბული ქონება, ივანიშივლმა საქართველოს ბანკში ჩადო, ამ ქონების ურუნველყუფით კი 300 მილიონი დოლარი სესხი ცემენტის ბიზნესის განვითრებისთვის გამოტანა.
საგამოძიებო ბიუროში ეჭვი აქვთ, რომ ეს მაქინაციაა, რომელიც ოლიგარქმა ქვეყნიდან წასვლის გეგმაზე გათვალა – მიწებს და შენობებს სხვადასხვა ფორმით იშორებს.
- კანონი გვეუბნება, რომ თუ დამალული ანგარიშგებებს მიღმა, ფონდი, ქველმოქმედების ნაცვლად კომერციულ საქმიანობას ეწევა, ლიკვიდაცია უნდა გამოაცხადოს. მკვლევრები ამბობენ, რომ თუ ივანიშვილმა ქონების გადარჩენის საევაკუაციო გეგმის განხორციელება მოასწრო, ამის შემდეგ სასამართლომაც რომ დაადგინოს კანონდარღვევა, ბიძინა ივანიშვილს აქტივები უკვე ფულად ექნება ქცეული.
მსგავსი სტატიები:
ტომ როგანი:“მთავარი შეშფოთების საგანი მილიარდერი ოლიგარქი, ბიძინა ივანიშვილია“
კომენდანტის საათი 23:00 საათამდე გადასწიეს
ინგა გრიგოლია: “აი, ეს მოიტანა ბევრის ტრ….ის თამაშმა”
ვაქცინაციის გეგმა ვერ სრულდება, დაგვიანებული ნაბიჯები გვაქვს-სერგეენკო
”ბუნკერად ქცეულ კიევის მეტროში დაბადებული ჩვილი არის ზუსტი ნიშანი იმისა, რომ ეს ქვეყანა გაიმარჯვებს”
საზეიმო ღონისძიება ოზურგეთის კულტურისა და მოსწავლე-ახალგაზრდობის ცენტრში
ოლექსი რეზნიკოვი – უკრაინა ნატო-ს დე ფაქტო წევრი გახდა
რუსეთში მსოფლიო ახალგაზრდულ ფესტივალს საქართველოს დელეგაციაც დაესწრება – მედია