“ნიკა მელიას გირაოს გადახდა მოუწევს და ის ამ გირაოს გადაიხდის”

ფრაქცია “ქართული ოცნების” დეპუტატმა ირაკლი ზარქუამ, “ნაციონალური მოძრაობის” თავმჯდომარეს ნიკა მელიას ამ სიტყვებით მიმართა: “გირაოს გადაიხდი, მეგობარო! ეს შენ გჭირდება”.

“ნიკა მელია ცნობილია თავისი პროცოკაციებითა და გამოხტომებით. ჩვენ სამართლებრივ სახელმწიფოში ვცხოვრობთ, სადაც სტატუსის მიუხედავად, ნებისმიერი ადამიანის ქცევა კონსტიტუციას და სამართლიან გადაწყვეტილებას ექვემდებარება. ნიკა მელიას გირაოს გადახდა მოუწევს და ის ამ გირაოს გადაიხდის. მნიშვნელობა არ აქვს, პირადად ის გადაიხდის თუ მისი მეგობრები. ჩვენ ანალოგიური განცხადებები მისი პოლიტიკური თანაგუნდელებისგანაც გვახსოვს, მაგრამ გადახდა მოუწიათ – ნიკა გვარამიას შეგახსენებთ. მას ამისთვის მადლობა, რომ სახელმწიფოს და სახელმწიფო ინსტიტუციებს პატივი სცა. დღეს იმის ფუფუნება არ არის, რომ სახელმწიფო ინსტიტუციებს შანტაჟის ენით ველაპარაკოთ. ნიკა მელიას ვურჩევ, რომ შანტაჟს ნუ დაექვემდებარება და პროვოკაციებს ნუ დაიწყებს. მან კანონი დაარღვია და ისევე, როგორც რიგითმა მოქალაქეებმა გადაიხადეს გირაო, მანაც უნდა გადაიხადოს. თუ არ გადაიხდის, ამით განაჩენს თავის თავს გამოუტანს. ეს იქნება სახელმწიფო ინსტიტუციების წინააღმდეგ გადადგმული ნაბიჯი, რასაც მას არც ამომრჩეველი და არც სამართლებრივი სისტემა არ აპატიებს“, – განაცხადა ირაკლი ზარქუამ.

გააზიარეთ და მოიწონეთ სტატია:

მსგავსი სტატიები:

როგორია გელათის ტაძარი დღეს – ფოტორეპორტაჟი სამონასტრო კომპლექსიდან NDI-ს კვლევა შედგენილია ტრამპის სიძის გემოვნებით – შალვა ნათელაშვილი “ეპიდემიოლოგების არგუმენტები სრულიად გაუგებარი აღმოჩნდა ბიზნესისთვის” “საქართველოს ქურდების და კრიმინალების მთავრობა, ჯილდოების განბაჟებას მთხოვს” “ივანიშვილის წასვლის შემდეგ “ოცნებამ” “გამშველებელი” დაკარგა” უკრაინაში ქართველი ჯარისკაცი დაიღუპა “ჩვენი სამშობლო არ არის თავგასული ოლიგარქის უკანა ეზო,15 მაისს უნდა შევიკრიბოთ” საქართველოში დღეს შარლ მიშელი ჩამოვა