“ნაციონალური მოძრაობის” წევრის, თინა ბოკუჩავას განცხადებით 31 ოქტომბრის საპარლამენტო არჩევნების გაყალბების მასშტაბის შემგუებლობა ოპოზიციას არ შეუძლია და ვადამდელი არჩევნების დასანიშნად, ხელისუფლების ოპონენტებს, ქუჩის პროტესტის გარდა ალტერნატივა არ რჩება.
ამის შესახებ თინა ბოკუჩავამ “დღის კურიერში” სტუმრობისას განაცხადა და განმარტა, რომ ერთგვარი კატალიზირება უნდა მოხდეს ყველა ძალის პროტესტის, რაც ახლა საზოგადოებაშია, რათა მოვიპოვებული იქნას ვადამდელი არჩევნები.
“31 ოქტომბერს მივხვდით, რომ უმთავრესი პრობლემა, რის წინაშეც ახლა საზოგადოება დგას, არის გაყალბებული არჩევნები. ვერ ვიშორებთ ხელისუფალს, რომელმაც ჩამოაქცია ქვეყანა, შეცვალა საგარეო ვექტორი, რომლის პირობებშიც ქვეყანა დღითიდღე ღარიბდება. ამ ხელისუფალს ვერ იშორებ დემოკრატიული გზით, რაც მონიჭებული აქვს საქართველოს მოქალაქეს კონსტიტუციით, რომ გამოცვალოს ხელისუფალი, რომელიც ორი ვადით იყო, ვერ ვიშორებთ.
ამიტომ, ერთგვარი კატალიზირება უნდა მოხდეს ყველა ძალის პროტესტის, რაც ახლა საზოგადოებაშია და უნდა მიეცეს და მიემართოს ენერგია იქით, რომ მოვიპოვოთ ვადამდელი არჩევნები, მათ შორის, პროტესტის ძალით, როდესაც ქვეყანაში სხვა ტრიბუნა აღარ გრჩება. მერვე და მეცხრე მოწვევის პარლამენტშიც ოპოზიციაში ვიყავით, მაგრამ მაშინ რამდენი საგამოძიებო კომისიის ინიციატივა დაგვიყენებია და არასდროს იღებდნენ.
უამრავი საკანონმდებლო ინიციატივა, მათ შორის, ეკონომიკური რეფორმების და საგადასახადო წნეხის შემცირების და არასდროს იღებდნენ ჩვენს ინიციატივებს.
მაშინ, არჩევნების შედეგი რომელიც დაიდო, ზეწოლის და დაშინების მიუხედავად, ასე თუ ისე ასახავდა საზოგადოების ნებას. ახლანდელი გაყალბების მასშტაბი ისეთი დიდია, რომ არ შეუძლია შემგუებლობა ოპოზიცის იმ ნაწილს, რომელიც საკუთარ თავს რეალურ ოპოზიციად აღიქვმს”, – განაცხადა თინა ბოკუჩავამ.
მსგავსი სტატიები:
ეკა ხოფერიამ აფხაზეთიდან დევნილი მხატვრები შენობიდან გამოაძევა
სასამართლოში ირაკლი ოქრუაშვილის საქმის წარმოება განახლდა
“ამდენი ბოროტი, ბრიყვი, ხარბი და გაუმაძღარი მოღალატე რატომ არის ჩემს სამშობლოში?!”
“ნებისმიერ საქმეს მაღალ დონეზე გაუძღვება”- კახაძე წულუკიანზე
ახლადგამოჩეკილი ლიდერი ვაჟკაცობს, რომ კანონს არ შეასრულებს- ყაველაშვილი მელიაზე
მამუკა გამყრელიძე – ერთი მხრიდან ლანძღვა, მეორე მხრიდან დიდება
გვარამია-ეს სახელმწიფო არაა
მშვილდაძე ოცნების ამომრჩეველს: თქვენ უნდა დაგაკისროთ ხარკი, ბეგარა და ღალა