საქართველოს მოქალაქეები გერმანიაში დროებით ლეგალურად დასაქმდებიან

საქართველოს მოქალაქეები გერმანიაში დროებით ლეგალურად დასაქმებას შეძლებენ. ეს საკითხი განიხილებოდა შეხვედრაზე, რომელიც დღეს, 11 თებერვალს საქართველოს ჯანდაცვის მინისტრს, ეკატერინე ტიკარაძესა და საქართველოში გერმანიის ელჩს, ჰუბერტ ქნირშს შორის გაიმართა.

მედიაში გავრცელებული ინფორმაციის მიხედვით, სეზონური სამუშაოები გერმანიაში პირველი აპრილიდან დაიწყება და 3 თვეს გასტანს. დასაქმების მსურველთა რეგისტრაცია 15 თებერვლიდან იწყება და მთელი წლის განმავლობაში გაგრძელდება. საქართველოს მოქალაქეების დასაქმება სოფლის მეურნეობის სექტორში სეზონურ სამუშაოებზე მოხდება. სამუშაოს მაძიებელი პირველად რეგისტრაციას სპეციალურ სარეგისტრაციო პორტალზე http://workabroad.gov.ge/ გაივლის.

სეზონურ სამუშაოებზე დასაქმების მსურველი უნდა იყოს საქართველოს მოქალაქე, 18-დან 60 წლამდე ასაკის და უნდა შეეძლოს ინგლისურ ან გერმანულ ენაზე ელემენტარულ დონეზე კომუნიკაცია. საჭიროა ასევე ფიზიკური ჯანმრთელობა და მოსავლის აღების სამუშაო გამოცდილება და მოტივაცია. მოქალაქე, რომელიც გერმანიაში სამუშაოდ წასვლას გადაწყვეტს, 3 თვით ადრე ნამყოფი არ უნდა იყოს შენგენის სივრცეში სამოგზაუროდ.

რაც შეეხება პირობებს, დასაქმების ხანგრძლივობაა ხუთი-ექვსი დღე კვირაში და რვა-ათი საათი დღეში, მინიმალური ხელფასი 9, 50 ევრო საათში, რომელსაც გამოაკლდება გადასახადები, კვებისა და საცხოვრებელი ხარჯები.

“გერმანია ამ პროექტს ყველა ქვეყანასთან არ ახორციელებს, ჩვენ ამას ვიწყებთ საქართველოთი. პირველად, დიდი ხნის შემდეგ ვიწვევთ სამუშაო ძალას სხვა ქვეყნიდან. განსაკუთრებით მოხარული ვართ, რომ ჩვენ შევძელით და ამას ვაკეთებთ იმ რთულ გლობალურ პანდემიურ სიტუაციაში და განსაკუთრებით რთულ სოციალურ პირობებში, რაც ამ პანდემიამ წარმოქმნა. მოუთმენლად ველი შედეგებს ამ პროექტიდან“, – განაცხადა საქართველოში გერმანიის ელჩმა ჰუბერტ ქნირშმა მინისტრ ტიკარაძესთან გამართული შეხვედრის დასრულების შემდეგ.

„გერმანიის ფედერაციულ რესპუბლიკაში სეზონურ სამუშაოზე ქართული სამუშაო ძალის დასაქმების შესახებ“ შეთანხმება საქართველოს სსიპ დასაქმების ხელშეწყობის სააგენტოსა და გერმანიის ფედერალური დასაქმების სააგენტოს შორის 2020 წლის 17 იანვარს გაფორმდა. ამ შეთანხმებით შეიქმნა სამართლებრივი საფუძველი გერმანიაში საქართველოს მოქალაქეების ლეგალური დასაქმებისათვის.

გააზიარეთ და მოიწონეთ სტატია:

მსგავსი სტატიები

  • 97
    რა წერია წერილში, რომელიც გიორგი გახარიამ აშშ-ს პრეზიდენტს მისწერასაქართველოს პრემიერ - მინისტრი გიორგი გახარია ამერიკის შეერთებული შტატების პრეზიდენტს, ჯო ბაიდენს ინაუგურაციის მისალოც წერილს უგზავნის. პრემიერ გიორგი გახარიას წერილის ქართულ თარგმანს ამერიკის შეერთებულ შტატებში საქართველოს საელჩო სოციალურ ქსელ "ფეისბუქში" ავრცელებს. "ბატონო პრეზიდენტო ბაიდენ, ქართველი ხალხის სახელით, გულწრფელად გილოცავთ ამერიკის შეერთებული შტატების პრეზიდენტის პოსტის ოფიციალურად დაკავებას. ნოემბერში თქვენი დამაჯერებელი გამარჯვების…
    Tags: და, საქართველოს, საზოგადოება, მთავარი, თემა, ახალი, ამბები, პოლიტიკა
  • 97
    გერმანიიდან ვაკანსიები შემოვიდა- კანდიდატების შერჩევა დაიწყოგერმანიასა და საქართველოს შორის სეზონური დასაქმების შესახებ ხელშეკრულების იმპლემენტაცია ახალ ეტაპზე გადავიდა: გერმანიიდან ვაკანსიების გამოგზავნის და კონკრეტულ ვაკანსიებზე კანდიდატების შერჩევის პროცესი დაიწყო. ვაკანსიები როგორც „აქცენტს“ სსიპ დასაქმების ხელშეწყობის სახელმწიფო სააგენტოს დირექტორმა ნინო ველთაურმა განუცხადა, ამ დროისთვის დასაქმების სააგენტოში დაახლოებით, 300 ვაკანსიაა შემოსული. მათგან 50 ვაკანსიაზე კანდიდატები გერმანიაში აპრილის დასაწყისში უნდა…
    Tags: და, დასაქმების, ამ, საზოგადოება, მთავარი, თემა, ახალი, ამბები, პოლიტიკა
  • 96
    მარტო არ ხართ თავისუფლებისთვის ბრძოლაში - ამერიკელი სასულიერო პირების წერილი ქართველებსმშვიდობის კათედრალმა, რომლის წინამძღვარი ეპისკოპოსი მალხაზ სონღულაშვილია, ამერიკის შეერთებული შტატებიდან მიიღო ინტერრელიგიური მოღვაწეების წერილი, რომელიც საქართველოში მიმდინარე პოლიტიკურ ვითარებას ეხმიანება. წერილს გთავაზობთ უცვლელად: "მშვიდობა და კეთილი სურვილები ყველას, ვინც ამ წერილს კითხულობთ. როგორც გლობალური თემის წევრები და მორალური ლიდერები, გწერთ, რომ გამოვხატოთ ჩვენი მხარდაჭერა და სოლიდარობა საქართველოს  მოქალაქეებისადმი, რომლებიც ახლა დემოკრატიისა და…
    Tags: და, საზოგადოება, მთავარი, თემა, ახალი, ამბები, პოლიტიკა
  • 96
    გერმანიაში დასაქმების საიტზე უკვე 53 274 ადამიანი დარეგისტრირდაჯანდაცვის სამინისტროს დასაქმების ხელშეწყობის სახელმწიფო სააგენტოს ინფორმაციით, გერმანიაში დროებით დასაქმების მიზნით საიტზე უკვე (15:00 საათი) 53 274 ადამიანი დარეგისტრირდა. რეგისტრაციის გავლა საქართველოს მოქალქეებს 15 თებერვლიდან შეუძლიათ. სააგენტოს ცნობით, „დროებითი დასაქმების მსურველი შრომითი მიგრანტის სარეგისტრაციო პორტალზე“ დარეგისტრირდა 53 274 პირი, მათგან სააპლიკაციო ფორმა „დროებითი დასაქმება გერმანიაში“ შეავსო 35 121 პირმა შეავსო.…
    Tags: დასაქმების, გერმანიაში, უნდა, საქართველოს, და, სეზონურ, საზოგადოება, მთავარი, თემა, ახალი