საქართველოს პრეზიდენტმა, სალომე ზურაბიშვილმა ქვეყანაში განვითარებულ პოლიტიკურ სიტუაციაზე გერმანულ გამოცემა Deutsche Welle-ს ინტერვიუ მისცა.
ჟურნალისტის კითხვაზე, ფიქრობს თუ არა ქვეყნის მთავარსარდალი, რომ არსებულმა ვითარებამ შესაძლოა რევოლუციამდე მოახდინოს ესკალაცია, სალომე ზურაბიშვილი პასუხობს, რომ “ამაზე არაფერი მიუთითებს”.
პრეზიდენტი აღნიშნავს, რომ თბილისის ქუჩებში გამოსული დემონსტრანტები ხელისუფლების ანტიევროპულ ქმედებებს მშვიდობიანი ფორმებით აპროტესტებენ.
”ამაზე არაფერი მიუთითებს, ვინაიდან ქუჩებში გამოსული დემონსტრანტები ძალიან მშვიდობიანები არიან. ისინი ორ რამეს მოითხოვენ: მოითხოვენ ევროპულ გზაზე დაბრუნებას და ახალ არჩევნებს. სხვა არანაირი სახის არავითარი მოწოდება არ არის და ყველაფერი ძალიან მშვიდობიანად იყო, სანამ პროტესტის ძალადობრივად დარბევა არ დაიწყო. თქვენ, ალბათ, ნახეთ ამის ფოტოები.
ამისდა მიუხედავად, პროტესტი ასევე გრძელდება იურიდიული ფორმებით – ადვოკატები იღებენ იმ დემონსტრანტების საქმეებს, რომლებიც სცემეს.
ასე რომ, ჩვენ ძალიან კანონმორჩილი ქვეყანა ვართ, კანონმორჩილებად უნდა დავრჩეთ და კონსტიტუციურ ფარგლებში დავრჩეთ. ვინც ახლა ბევრი რამით კონსტიტუციურ ფარგლებს მიღმა იმყოფებიან, არიან დე ფაქტო ლიდერები, რომლებიც ამ გაყალბებული არჩევნების შემდეგ გაჩნდნენ. ისინი პატივს არ სცემენ კონსტიტუციას, ისინი პატივს არ სცემენ ხალხის ნებას და ამისკენ უნდა დავაბრუნოთ და დავაბრუნოთ ქვეყანა მის კანონიერ ევროპულ გზაზე,“ – განაცხადა ზურაბიშვილმა.
მსგავსი სტატიები:
“საქართველოში არანაირი პოლიტპატიმარი არ არსებობს“-გივი მიქანაძე
TikTok-მა მილიონობით არასრულწლოვანი მომხმარებლის ანგარიში წაშალა
სააკაშვილის გათავისუფლების მოთხოვნით პარიზში აქცია გაიმართა
მიხეილ სააკაშვილის ჯანმრთელობის მდგომარეობასთან დაკავშირებით, უკრაინის რადაში სპეციალური ჯგუფი შეიქმნება
“ჩვენ, ჩვენს ტერიტორიებს აუცილებლად დავიბრუნებთ, ოღონდ ეს იქნება მშვიდობიანი დაბრუნების პროცესი”
“ვინ არის საუდელი პრინცი, რომელმაც უკრაინაში ომის დაწყებისას 500 მლნ დოლარის ფსონი რუსეთზე დადო” – Financial Times
გერმანიის საგარეო საქმეთა მინისტრი უკვე საქართველოშია – ანალენა ბერბოკს აეროპორტში ქართველი კოლეგის მოადგილე დახვდა
ნიდერლანდები აღარ დაუშვებს შვილად აყვანას უცხო ქვეყნებში