ხმაური მსახიობთა სახლში – “გაემიჯნეთ ხელისუფლების ძალადობრივ პოლიტიკას, დაგმეთ ძალადობა”

მსახიობებმა დღეს მსახიობთა სახლი დაიკავეს – ხელმძღვანელის სამუშაო კაბინეტში ადგილი ჰქონდა დაპირისპირებას. ხელოვანები, რომლებიც ქვეყნის ევროპული კურსის დასაცავად ქუჩაში დგანან, სახლის თავმჯდომარისგან და თეატრალური საზოგადოებისგან ძალადობრივი პროცესების დაგმობა ითხოვეს.

მსახიობებმა ერთობლივი განცხადებაც გააკეთეს და კოლეგებს გაფიცვისკენ მოუწოდეს. როგორც გიორგი ბახუტაშვილმა თქვა, გაფიცვა პროტესტის ერთ-ერთი ფორმის გამოხატულება იქნება იმ ძალადობის წინააღმდეგ, რომელსაც ივანიშვილის გუნდი ახორციელებს.

ამასთან, მსახიობებმა საქართველოში არსებულ ყველა თეატრს მოუწოდეს, მაყურებელს ქვეყანაში შექმნილი კრიზისის შესახებ სასაუბროდ სივრცე დაუთმოს.

”ჩვენ ახლა შევიკრიბეთ იმ შენობის წინ, რომელიც ისევე არ ეკუთვნის მსახიობებს, როგორც საქართველო არ ეკუთვნის მოსახლეობას. საქართველოს თეატრალურ საზოგადოებას არ გაუკეთებია არც ერთი განცხადება ძალადობრივად დაკავებული მსახიობების მხარდასაჭერად, არასდროს დაუცავს მსახიობების უფლება.

ჩვენ, აქ შეკრებილები საქართველოს თეატრალური საზოგადოებისგან ვითხოვთ, გაემიჯნოს ხელისუფლების ძალადობრივ პოლიტიკას, დაგმოს ძალადობა და მხარში ამოუდგეს ყველა დაზარალებულს. თეატრებში დასაქმებულები ვიწყებთ გაფიცვას ძალადობის წინააღმდეგ, მშვიდობისთვის. მოგიწოდებთ ყველა თეატრს საქართველოში, დაუთმეთ სივრცე მაყურებელს ქვეყანაში შექმნილი კრიზისის შესახებ სასაუბროდ”, – განაცხადა გიორგი ბახუტაშვილმა.

ცნობისთვის, დღეს, 24 დეკემბერს, კულტურის სფეროს წარმომადგენელები პროტესტის ნიშნად გაიფიცნენ. გაფიცვას ამ დროისთვის “სამეფო უბნის” თეატრიც შეუერთდა.

გაფიცულთა შორის არიან: ნინო კასრაძე, კახა კინწურაშვილი, გიორგი ბახუტაშვილი, გიორგი ცხადაძე, ვანო თარხნიშვილი, გივიკო ბარათაშვილი, თუთა ოქროპირიძე, თამრი ოხიკიანი, მანუ თავაძე, მარიამ ნადირაძე, ნატუკა კახიძე, ანდრო ჭიჭინაძე, ნატალია გაბისონია.

გააზიარეთ და მოიწონეთ სტატია:

მსგავსი სტატიები:

დღეს კათოლიკური სამყარო შობის დღესასწაულს ზეიმობს პოლიტიკური სუბიექტები იმ დიქტატიდან უნდა გამოვიდნენ, რასაც საცივში თავის ჩაყოფა ჰქვია ლანჩხუთის ქალთა გუნდის ფეხბურთელები ნაკრებში ერთმანეთს დაუპირისპირდებიან წულუკიანი არის ადამიანი, რომელიც ბოლომდე იყენებს რეპრესიების ძალაუფლებას – გიგი თევზაძე ე.წ. 7 ნოემბრის საქმეზე დღეს მორიგი პროცესი გაიმართება | მიხეილ სააკაშვილი სხდომას სავარაუდოდ, ვერ დაესწრება როგორია ავტოსაგზაო შემთხვევის შედეგად გარდაცვლილთა და დაშავებულთა შემზარავი სტატისტიკა “მანქურთებს როდის იყო საკუთარი ქმედებების რცხვენოდათ” – პეტრე კოლხი არავის ვაპატიეთ კორუფციის და პიროვნული სარგებელის მიღების იოტისოდენა ფაქტები – ივანიშვილი