ამერიკელი სენატორი ჯინ შაჰინი აშშ-ის ახლად არჩეული პრეზიდენტის დონალდ ტრამპის მიერ სახელმწიფო მდივნის თანამდებობაზე წარდგენილ მარკო რუბიოს საქართველოს საკითხზე ესაუბრა.
ჯინ შაჰინის მიერ გავრცელებული განცხადების თანახმად, აშშ-ის წინაშე მდგარი არაერთი გლობალური გამოწვევის განხილვის გარდა, ისაუბრეს “საქართველოს მიმართ აშშ-ის ამჟამინდელი პოლიტიკის შენარჩუნების მნიშვნელობაზე”.
“ დღევანდელი შეხვედრა სენატორ რუბიოსთან მნიშვნელოვანი შესაძლებლობა იყო, განგვეხილა ჩვენი ქვეყნის წინაშე მდგარი არაერთი გლობალური გამოწვევა, მათ შორის ჩინეთის და რუსეთის მხრიდან ეკონომიკური და უსაფრთხოების გამოწვევების დაძლევა, უკრაინის მიმართ ორპარტიული მხარდაჭერის შენარჩუნება რუსეთის უსაფუძვლო შეჭრის ფონზე და ახლო აღმოსავლეთში არსებული კონფლიქტების მოგვარება, განსაკუთრებით სირიის ყოფილი დიქტატორის ბაშარ ალ-ასადის დამხობის შემდეგ. ჩვენ ასევე ვისაუბრეთ საქართველოს მიმართ, აშშ-ის ამჟამინდელი პოლიტიკის შენარჩუნების მნიშვნელობაზე, აშშ-ის ეკონომიკური კონკურენტუნარიანობის გაძლიერებაზე უცხოეთში და იმაზე, რომ მსოფლიოს მასშტაბით დიპლომატიური თანამდებობები რაც შეიძლება მალე შეივსოს კვალიფიციური კარიერული დიპლომატებით.
სენატორ რუბიოსთან ჩვენ წლებია ვთანამშრომლობთ, როგორც აშშ-ის სენატის საგარეო ურთიერთობათა კომიტეტის წევრები, და მოუთმენლად ველოდები ამ საკითხების შემდგომ განხილვას მის დამტკიცების მოსმენაზე”, – აცხადებს ჯინ შაჰინი.
მსგავსი სტატიები:
ნიკა მელიას ოფისის დაწვა საგანგაშო სიგნალია- ბურჯანაძე
ქართველები, რომლებიც მე-20 საუკუნის დასაწყისში აშშ-ში მილიონერები გახდნენ
შვილი იმპერატორისგან, ტრაგიკული ბედი და თვითმკვლელობა – ქართველი ქალი ცნობილი ნახატიდან
ჩოხატაურის რესურს ცენტრი – სკოლაზე ასეთი აქცენტის გადატანა შეცდომაა
თავისუფლების მოედანზე მყოფი აქციის მონაწილეთა გარკვეული ნაწილი რუსთავში, მე-12 სასჯელაღსრულების დაწესებულებასთან მივიდა
”წულუკიანი არ მოსწონთ, თურმე, მძიმე ხასიათი აქვსო… ნიჭიერ ადამიანს კარგი ხასიათი ვის ჰქონია? – მე ასეთი ჯერ არ მინახავს”
“სააკაშვილი ციხეში 2007 წლამდე ჩადენილი დანაშაულების გამოცაა?”-კობერიძე
პუტინის ცხოველური შეგრძნება და ზელენსკის გაფრთხილება