ევროკავშირის საგარეო საქმეთა მინისტრების შეხვედრაზე, დღეს საქართველოს საკითხზე იმსჯელებენ.
ოფიციალური ინფორმაციით, საგარეო საქმეთა მინისტრების შეხვედრა ბრიუსელში დღეს, ადგილობრივი დროით 10:00 საათზე დაიწყება და მას პირველად უხელმძღვანელებს ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი.
საგარეო საქმეთა საბჭო გაცვლის მოსაზრებებს საქართველოში განვითარებულ ბოლო მოვლენებთან დაკავშირებით.
საქართველოში ევროკავშირის წარმომადგენლობის ინფორმაციით, შეხვედრის დღის წესრიგი ევროკავშირში საქართველოს კანდიდატობისა და აღმოსავლეთ პარტნიორობის ფარგლებში თანამშრომლობის განხილვას მოიცავს.
ასევე, დღის წესრიგის თანახმად, ევროკავშირის საგარეო საქმეთა მინისტრები უკრაინის წინააღმდეგ რუსეთის აგრესიის საკითხს განიხილავენ. ასევე, განხილულ იქნება ახლო აღმოსავლეთში არსებული ვითარება, მათ შორის დაგეგმილია დისკუსია ახლო აღმოსავლეთში განვითარებულ უახლოეს მოვლენებზე, მათ შორის სირიასა და ლიბანზე.
მსგავსი სტატიები:
“დაუნახავი უნდა იყო კაცი ბიძინას სიკეთე არ დაინახო”
ვინ იყო ეროვნული გმირის ვლადიმერ გოგუაძის მეუღლე
დამოუკიდებელი კანდიდატი, კონსტანტინე შარაშენიძე უსაფუძვლო ბრალდებებს არ უპასუხებს – სულ მალე კი ამომრჩევლის წინაშე ახალი პროგრამით წარსდგება
შაქარაშვილის საქმე შესაძლოა, თავდაყირა დადგეს – ერთ-ერთი მსჯავრდებული საიდუმლო ამბის გამხელას აპირებს
”ვინც ზელენსკის საყვედურობს, რომ ომი თავიდან ვერ აიცილა, უკიდეგანოდ სამარცხვინო ბრიყვია ”
ბათუმის პორტში სავარაუდოდ რუსული სანქცირებული ტვირთი შემოვიდა
ოზურგეთის მერიამ ცენტრალური მოედნიდან ე.წ. “კუბოების” გატანა შესაძლოა გადაიფიქროს
ხობში მსოფლიოს ჩემპიონი გარდაცვლილი იპოვეს