Spacex-ის და Tesla-ს დამფუძნებელმა ილონ მასკმა მსოფლიოს უმდიდრესი ადამიანის სტატუსი დაკარგა. უმდიდრესი ადამიანების ჩამონათვალში მასკს, Amazon-ის დამფუძნებელმა ჯეფ ბეზოსმა გაასწრო. საუბარია გამოცემა Bloomberg-ის მიერ წარმოებულ მილიარდერთა ინდექსზე.
გუშინდელი სავაჭრო დღის დასრულების შედეგად, მასკის ქონება 4.5 მილიარდი დოლარით შემცირდა და ჯამურად 190 მილიარდ დოლარს გაუტოლდა, იმავე დროში ბეზოსის ქონება მხოლოდ 390 მილიონი დოლარით შემცირდა და ჯამურად 191 მილიარდი დოლარი შეადგინა.
სიის მესამე ადგილს 137 მილიარდს კვლავაც Microsoft-ის დამფუძნებელი ბილ გეიტსი იკავებს, ხოლო მეოთხე ადგილზე ფრანგული პრემიუმ ბრენდების ჰოლდინგის LVMH-ის მფლობელი, ბერნარ არნოა.
მასკი მსოფლიოს უმდიდრესი ადამიანი პირველად მიმდინარე წლის 7 იანვარს გახდა, როდესაც მისი ქონება ერთ დღეში 9 მილიარდი დოლარით გაიზარდა და ჯამურად 185 მილიარდ დოლარს გადააჭარბა. შემდეგი სამი დღის განმავლობაში მასკის ქონების მოცულობამ 200 მილიარდ დოლარს გადააჭარბა. თავის მხრივ, ბეზოსი მსოფლიოს უმდიდრესი ადამიანის პოზიციას 2017 წლიდან მოყოლებული იკავებდა.
ჯერ კიდევ 2020 წლის დასაწყისში ილონ მასკის ქონება 27 მილიარდ დოლარად იყო შეფასებული და ბიზნესმენი უმდიდრესი ადამიანების პირველ 50-ეულშიც იშვიათად შედიოდა, თუმცა გასულ წელს Tesla-ს მიერ ნაჩვენები კარგი ფინანსური მაჩვენებლების გამო კომპანიის აქციების ფასი 743%-ით გაიზარდა, რამაც მასკის აქტივების ღირებულების სწრაფი ზრდა განაპირობა.
მსგავსი სტატიები:
როგორი ამინდი იქნება 23 იანვრამდე
მინსკს 2021 წელს მსოფლიოს ჩემპიონატის მასპინძლობის უფლება ჩამოერთვა
გია ვოლსკი კორონავირუსის საწინააღმდეგო ვაქცინით საჯაროდ აიცრა
9 აპრილის ტრაგედიას შეწირული 21 გმირი! – დამოუკიდებლობისთვის ბრძოლის სისხლიანი დღე
“დიახ ჩვენ ვართ პირველები, არა მარტო ჩვენს სკოლაში, არამედ გურიაში…”
ვადაგასული წამლების რეალიზება – საწარმოს 99 239 ფარმაცევტული პროდუქტი ჩამოერთვა
გენდერული კვოტირების შემცირება – ქალთა მოძრაობა საგანგებო განცხადებას ავრცელებს
საქართველოში მიწისძვრა მოხდა