მიმდინარე რეპრესიების ფონზე, დემონსტრანტების წინააღმდეგ დაწესებული დრაკონული ჯარიმები 2 მილიონ ლარს აღწევს, – ამის შესახებ „საქართველოს ახალგაზრდა იურისტთა ასოციაციის“ მიერ გავრცელებულ ინფორმაციაშია ნათქვამი.
როგორც არასამთავრობო ორგანიზაციაში განმარტავენ, სპონტანური შეკრებების დროს გზის გადაკეტვისთვის დემონსტრანტების დაჯარიმების პრაქტიკა შეკრებისა და გამოხატვის თავისუფლების უფლების მძიმე დარღვევას წარმოადგენს.
„ქართული ოცნების“ ხელისუფლებამ ადმინისტრაციულ სამართალდარღვევათა კოდექსის 174¹ მუხლში ცვლილებები შეიტანა, რის შედეგადაც დემონსტრაციების დროს გზის სპონტანურად გადაკეტვისთვის ჯარიმა 10-ჯერ, 500 ლარიდან 5000 ლარამდე გაიზარდა.
ამ მუხლით საქმის წარმოებისას პოლიცია იყენებს სახის ამომცნობ კამერებს. როგორც წესი, ასეთ საქმეებში ერთადერთ მტკიცებულებას სახის ამომცნობი კამერებიდან ამოღებული ფოტოები წარმოადგენს, რომლებიც, ძირითადად, შესაბამისი კონტექსტის იგნორირებით, პირის სამართალდამრღვევად მიჩნევისათვის სასამართლოს საკმარის მტკიცებულებად მიაჩნია.
2024 წლის ნოემბრიდან 2025 წლის 18 მარტის ჩათვლით, აქციის მონაწილეებზე ამ მუხლით გამოწერილი ჯარიმების ოდენობა 2 000 000 ლარს აღწევს.
სპონტანური შეკრებების დროს გზის გადაკეტვისთვის დემონსტრანტების დაჯარიმების პრაქტიკა შეკრებისა და გამოხატვის თავისუფლების უფლების მძიმე დარღვევას წარმოადგენს“,- აღნიშნულია ინფორმაციაში.
მსგავსი სტატიები:
ქვეყანას მართავს ფეოდალი, რომელსაც მოსახლეობა არ ადარდებს- არმაზ ახვლედიანი
„ნამახვანი ჰესის“ კაშხლის და წყალსაცავის მშენებლობა იქამდე არ დაიწყება, ვიდრე კვლევების გადამოწმება არ მოხდება” – ნათია თურნავა
„ინდური შტამის მასიური გავრცელებისგან, გარკვეულწილად დაცული ვართ“ – მარინა ენდელაძე
ევროკავშირში ექსპორტირებულ თხილის პარტიებზე შემოწმებების სიხშირე 20%-მდე შემცირდება
საქართველოს კათოლიკოს-პატრიარქს, ილია მეორეს 89 წელი შეუსრულდა
საფეხბურთო კლუბი “ჩელსი” ამერიკულმა კომპანიამ იყიდა
“რუსეთში დაბადება ჯოჯოხეთი და წყევლაა” – როგორ პოულობენ ერთმანეთს თბილისში გამოქცეული რუსები და უკრაინელები
“ჩვენი მიზანი მარტივია, აღმოვფხვრათ უკრაინის ნატოში გაწევრიანების საფრთხე”