“გახარია არასდროს ყოფილა ნული“ – თემურ ჭყონია

„ამ შემთხვევაში გიორგი გახარია მართალია“ – ასე აფასებს ბიზნესმენი თემურ ჭყონია გიორგი გახარიას პრემიერის პოსტიდან წასვლის შესახებ მიღებულ გადაწყვეტილებას.

გიორგი გახარიამ თანამდებობის დატოვების შესახებ დღეს პრესკონფერენცაზე განაცხადა. მან თქვა, რომ ქვეყანაში მიმდინარე პოლიტიკურ პროცესებთან დაკავშირებით გუნდთან ვერ მიაღწია ერთობლივ აზრს და მიიღო გადაწყვეტილება დატოვოს თანამდებობა.

„გახარია არ იყო მიუღებელი ტიპი, იყო 50/50-ზე, 0 არასდროს არ ყოფილა. მას სხვადასხვა პერიოდში, სხვადასხვა უპირატესობა ჰქონდა სხვა პოლიტიკოსებთან შედარებით. ეს გადაწყვეტილება მან მიიღო თავისი ცხოვრების მომავლისათვის. ძალიან საინტერესო წინადადებებით წავიდა, რომ იმ პერიოდში, როცა ქვეყანაში ასეთი გაჭირვებაა, ასეთი გამოწვევაა, პოლიტიკური კრიზისია და ოპოზიცია ითხოვს ხელმეორედ არჩევნებს, ამ დროს არაფრის გამო იწყებ ახალ კრიზისს(მელიას დაპატიმრებას), რა თქმა უნდა გახარია მართალია, ამ შემთხვევაში“-ამბობს თემურ ჭყონია.

რაც შეეხება პრემიერის პოსტზე გიორგი გახარიას შემცვლელის კანდიდატურას, ბიზნესმენი აცხადებს, რომ თუ მთავრობის შემადგენლობა იგივე დარჩა და მხოლოდ მთავრობის მეთაური შეიცვლება, ეს რეალობას არ ცვლის.

„ახალ პრემიერ მინისტრს რომ აირჩევენ, რა უნდა მოხდეს ახლა ისეთი, რომ ჩვენ გაგვიკვირდეს?! ვისაც აირჩევენ, ჩვენთვის არ იქნება მოულოდნელი, იმიტომ, რომ არჩევანი არის ძალიან პატარა, ერთ წრეში ტრიალებენ, თავის წრეში ეძებს სამწუხაროდ, მმართველი პარტია ნდობით აღჭურვილ პირს. ჩვენ არ გვჭირდება ნდობით აღჭურვილი პირი, ჩვენ არ გვჭირდება ცნობადი სახე, ჩვენ გვჭირდება ჭკვიანი, წესიერი ადამიანი, რომელიც ინტელექტუალებისგან შექმნის მთავრობას.

ახლა გადამდგარი მთავრობა თუ ისევ შეიკრიბა, ერთი კაცის ცვლილება რას მისცემს სახელმწიფოს? არაფერს!“-აცხადებს თემურ ჭყონია.

გააზიარეთ და მოიწონეთ სტატია:

მსგავსი სტატიები

  • 88
    "მეორე მხარესაც აქვთ ასეთი რუკები"- ინტერვიუ ივერი მელაშვილთანაზერბაიჯანთან საზღვრის დადგენის საქმეზე დაკავებული ივერი მელაშვილი და ნატალია ილიჩოვა გირაოს სანაცვლოდ გაათავისუფლეს. სასამართლო პროცესი გრძელდება და მხარეები ამ ეტაპზე მტკიცებულებების დასაშვებობას განიხილავენ. საგარეო საქმეთა სამინისტროს სახელმწიფო საზღვრის დელიმიტაციის, დემარკაციის და სასაზღვრო ურთიერთობათა სამსახურის ყოფილი უფროსი, ივერი მელაშვილი უარყოფს, რომ საქართველოს ინტერესების საზიანოდ მოქმედებდა. მისი შეფასებით, ბრალი შეთხზულია, ხოლო კარტოგრაფების…
    Tags: და, რომ, არ, ეს, ამ, იყო, არის, მთავარი, თემა, ახალი
  • 87
    "აქ 4-5 საწარმო უნდა ამუშავდეს" - რას აპროტესტებენ ადგილობრივები და რის გაკეთებას გეგმავს "არერსა მეტალი" ოზურგეთში?ვერანაირი ეკონომიური სარგებელი ვერ გადაფარავს ადამიანების ჯანმრთელობის გაუარესებას. არავინაა მრეწველობის განვითარების წინააღმდეგი, მაგრამ ეს ადგილობრივი მოსახლეობისთვის საფრთხის შემცველი არ უნდა იყოს. ასიოდე მეტრში წყალსადენია, რომელმაც ანასეულის მოსახლეობა სასმელი წყლით უნდა მოამარაგოს და მდინარე, რომელიც ზღვაში ჩაედინება, სადაც ბავშვები ბანაობენ. რატომ გვართმევენ კონსტიტუციით მონიჭებულ უფლებას ვიცხოვროთ ეკოლოგიურად სუფთა გარემოში?-ასეთია იმ ადგილობრივების…
    Tags: და, ეს, არ, არის, რომ, უნდა, რაც, ამ, მთავარი, თემა
  • 85
    აღმაშენებლის ქვეყანაში თვითმფრინავის ხმაზე ძირს ფორთხავდა- წულუკიანი სააკაშვილზე„როგორ შეიძლება, აღმაშენებლის ქვეყანაში, იმ ქალების და კაცების ქვეყანაში, რომლებსაც არაფრის არ ეშინოდათ მტერი რომ შემოდიოდა, თვითმფრინავის ხმაზე ძირს ფორთხვა დაიწყო. ჩვენ ეს სირცხვილი მან გვაჭამა”, – ამის შესახებ პარლამენტის განათლებისა და მეცნიერების კომიტეტის თავმჯდომარემ, იუსტიციის ყოფილმა მინისტრმა თეა წულუკიანმა POSTV-ის ეთერში 2008 წლის საქართველო-რუსეთის ომსა და მიხეილ სააკაშვილზე საუბრისას…
    Tags: და, რომ, ეს, არ, ჩვენ, მთავარი, თემა, ახალი, ამბები, პოლიტიკა
  • 85
    "იქ სადაც მორალის ნატამალი არ არის, პატრონი მოუკვდა პოლიტიკას"-მირცხულავაექსპერტი და თეოლოგი, გოჩა მირცხულავა  გავრცელებულ აუდიოჩანაწერზე სოციალურ  ქსელში წერს: "მოდით, ასეც შევხედოთ საკითხს - ჩვენ ყველანი აღმოვჩენილვართ საკუთარი შვილების კაპრიზის წინაშე, თუნდაც ელემენტარულ საკითხში. რას ვაკეთებთ ამ დროს, მით უფრო თუ ვიცით, რომ ეს კაპრიზი პირველ რიგში მიათთვის არის დამაზიანებელი? ვცდილობთ დავარწმუნოთ, ავიუხსნათ რომ "ეს არ არის კარგი, საზიანობა".…
    Tags: და, არის, არ, რომ, ეს, ამ, მთავარი, თემა, ახალი, ამბები