პრემიერმინისტრი ირაკლი ღარიბაშვილი ნიკა მელიას დაკავების ოპერაციისთვის შინაგან საქმეთა მინისტრ ვახტანგ გომელაურსა და პოლიციას მადლობას უხდის.
როგორც მან ჟურნალისტებთან ისაუბრა, დღეს ყველა გახდა მომსწრე, რომ საქართველო სამართლებრივი სახელმწიფოა.
“დღეს ჩვენ გავხდით მომსწრე იმისა, რომ ვართ სამართლებრივი სახელმწიფო, ვართ ძლიერი სახელმწიფო, ჩვენ გვყავს ძლიერი პოლიცია, ძალაინ ეფექტური შინაგან საქმეთა მინისტრი, მინდა, გომელაურს მთელი მთავრობის სახელით მადლობა გადავუხადო და მთელ პოლიციას იმისთვის, რომ მათ დაიცვეს ჩვენი სახელმწიფოს ღირსება, სტაბილურობა”, – თქვა ღარიბაშვილმა.
მან კიდევ ერთხელ გაიმეორა, რომ ნიკა მელია კრიმინალია. მისივე თქმით, ყველა ვალდებულია, კანონს დაემორჩილოს.
რაც შეეხება დაკავების ოპერაციას, ღარიბაშვილი ამბობს, რომ მელიას დაკავება თანამედროვე სტანდარტებით მოხდა.
“ეს არის აბსოლუტურად ცივილიზებული დემოკრატიული ქვეყნების სტანდარტი, დღეს ჩვენმა გმირმა პოლიციამ აჩვენა უმაღლესი სტანდარტი, ის, რაც არის ევროპული, ამერიკული, თანამედროვე სტანდარტების შესაბამისი. მადლობა გომელაურს და მთელ პოლიციას, ვამაყობ თქვენით”, – აღნიშნა ღარიბაშვილმა.
მსგავსი სტატიები:
მელია : “ოლიგარქმა გვითხრა, რომ არჩევნებს არ ჩაატარებს, მაგრამ ეს ძალადობაზე გადასული ამაო მცდელობაა… ”
თუ ხელისუფლება დათმობაზე წამოვა,დღის წესრიგს შევცვლით
“ხელები შორს ქართული ბუნებისგან!არცერთი ჰესი არ შენდება ივანიშვილის ინტერესის გარეშე”
“ძალადობრივად არცერთ შემთხვევაში არ უნდა მიდიოდეს პროცესი”
ვლადიმერ პუტინისა და ჯო ბაიდენის შეხვედრა, სავარაუდოდ, შვეიცარიაში გაიმართება
კარლ ჰარცელი ევროკავშირის მხარდაჭერის გამოსახატად აჭარაში ჩავა
“თავს მოვალედ ვთვლი, ჩემს ქალაქს ვემსახურო” _ თალაკვაძე
შვილის გაჩენის შემთხვევაში იპოთეკური სესხით კერძო სახლსაც იყიდით – ღარიბაშვილი