გარეჯის საქმეზე, ყოფილი ხელისუფლების წარმომადგენლების პასუხისმგებლობის საკითხი უნდა დადგეს- ხაინდრავა

რეჟისორი გოგა ხაინდრავა აცხადებს, რომ დავით გარეჯის საქმეზე, ყოფილი ხელისუფლების წარმომადგენლების პასუხისმგებლობის საკითხი უნდა დადგეს. ამ თემაზე მან დღეს გამართულ პრესკონფერეციაზე ილაპარაკა.

„ვფიქრობ, რომ კომისიის ყველა წევრი და არა მხოლოდ ის ორი ადამიანი, რომელიც საპატიმროშია და მათი ბრალეულობის ხარისხი აუცილებლად უნდა დადგინდეს, მაგრამ კომისიის ყველა წევრია პასუხისმგებელი იმაზე, დღეს რა სურათიც გვაქვს. აბსოლუტური დემაგოგიაა, როდესაც ვისმენთ, რომ ეს კარტოგრაფების საქმე ყოფილა. ეს ასე არაა. კარგად მახსოვს 1996 წელი, მაშინ მაღალი თანამდებობის პირი ვიყავი იმ ხელისუფლებაში. და ხელი მიმიწვდებოდა ბევრ ინფორმაციაზე“, – აღნიშნა ხაინდრავამ.

მისი თქმით, 1996 წელს კომისია როცა შედგა, დავით გარეჯთან მიმართებით, ყველაფერი ნათელი იყო. „არანაირი კითხვა თუ ვისია დავით გარეჯი, არ იდგა. უბრალოდ მიდიოდა მუშაობა საზღვრის მთელ დანარჩენ პერიმეტრზე. ლაპარაკია რუკებზე, რომლებიც მაშინ იყო გამოყენებული. შემდეგ ეს რუკები შეიცვალა. საქმეც მაგაშია და სწორედ იმაზე დგას კითხვის ნიშანი, რატომ შეიცვალა და ეს რამ განაპირობა, ორი მეისრე ამას ვერ გადაწყვეტდა. უშუალოდ ამასთან კავშირში იყვნენ და უნდა დადგეს კულტურის მინისტრის რურუას, გოკა გაბაშვილის, ნინო კალანდაძის და გიგა ბოკერიას პასუხისმგებლობა.

სულ რაღაც ორი კვირის წინ, მიხეილ სააკაშვილმა დაასახელა მთელი პროცესი რაც დავით გარეჯთან მიმართებით მოხდა: სააკაშვილმა დაასახელა შუამავალი, თანხა, რომელიც ამაში აქვს აღებული და დაასახელა ყველაფერი რაც მოხდა. ნაბიჯ-ნაბიჯ მიჰყვება გამოძიება და ადასტურებს, რასაც სააკაშვილი ლაპარაკობს“, – განაცხადა გოგა ხაინდრავამ.

17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე.

7 ოქტომბერს პროკურატურამ საქართველოს ტერიტორიის ნაწილის გადაცემისკენ მიმართული ქმედების ბრალდებით დააკავა საგარეო საქმეთა სამინისტროს მეზობელი ქვეყნების დეპარტამენტის, სასაზღვრო ურთიერთობათა სამსახურის უფროსი ივერი მელაშვილი და შსს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

ივერი მელაშვილსა და ნატალია ილიჩოვას აღკვეთის ღონისძიების სახით პატიმრობა 8 ოქტომბერს შეეფარდათ.

გააზიარეთ და მოიწონეთ სტატია:

მსგავსი სტატიები

  • 78
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 75
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 73
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, რომ
  • 70
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ